പൊടിയരി ഉപ്പുമാവ്
ആവശ്യമുള്ള സാധനങ്ങൾ
പൊടിയരി : 1 കപ്പ്‌
വലിയ ഉള്ളി : 1
പച്ചമുളക് : 2 എണ്ണം
ഇഞ്ചി : ഒരു ചെറിയ കഷ്ണം
എണ്ണ : 2 ടേബിൾസ്പൂണ്‍
കടുക് : 1 ടീസ്പൂണ്‍
ഉഴുന്നുപരുപ്പ്‌ : 1 ടീസ്പൂണ്‍
കറിവേപ്പില : ഒരു തണ്ട്
ഉപ്പ് ആവശ്യത്തിന്
ചെയ്യുന്ന വിധം
അരി കഴുകി വാലാൻ വെക്കുക.
ഉള്ളിയും പച്ചമുളകും ഇഞ്ചിയും ചെറുതായി അരിഞ്ഞു വെക്കുക.
ഒരു പത്രത്തില രണ്ടര കപ്പ്‌ വെള്ളം തിളപ്പിച്ച്‌ വെക്കുക.
ഒരു ചീനച്ചട്ടിയിൽ എണ്ണയൊഴിച്ച് ചൂടായാൽ കടുകിട്ട് പൊട്ടുമ്പോൾ ഉഴുന്നു പരുപ്പ് ചേർക്കുക. ഒന്നു വറുത്ത ശേഷം അരിഞ്ഞ ഉള്ളി, ഇഞ്ചി, പച്ചമുളക് കറിവേപ്പില എന്നിവ ചേർത്ത് നന്നായി വഴറ്റുക.
ഇതിൽ അരിയും ഇട്ടു ഒന്ന് കൂടി ഒരു മിനിറ്റു വറുത്ത ശേഷം തിളച്ച വെള്ളവും ഉപ്പും ചേർത്തു വെള്ളം വറ്റുന്നത് വരെ തിളപ്പിച്ച്‌ വെള്ളം വറ്റിയാൽ തീ കെടുത്തുക. ഇടക്കിളക്കണം.
വിളമ്പുന്ന പത്രത്തിലേക്ക് മാറ്റി ചൂടോടെയോ ആറിയ ശേഷമോ കഴിക്കാവുന്നതാണ് .
