Missi Roti

 

 ആവശ്യമുള്ള സാധനങ്ങൾ 

ഗോതമ്പുമാവ്                            : 1 കപ്പ് 

കടലമാവ്                                 : 1/4 കപ്പ് 

ഉള്ളി അരിഞ്ഞത്                      : 1/4 കപ്പ് 

ഓമം                                         : 1/4 സ്പൂൺ 

കായം                                       : ഒരു നുള്ള് 

പച്ചമുളക്                                   : ഒരെണ്ണം, ചെറുതായരിഞ്ഞത് 

ഉപ്പ് ആവശ്യത്തിന് 

എണ്ണ                                        : ഒരു ടീസ്പൂൺ 

ചെയ്യുന്ന വിധം:

എല്ലാ ചേരുവകളും ഒരു പരന്ന പാത്രത്തിൽ ഇട്ടു നന്നായി mix ചെയ്ത് അൽപാപമായി വെള്ളം ചേർത്ത് നന്നായി കുഴച്ചു വെക്കുക.

 

 

ഒരു പത്തുമിനിറ്റ് അടച്ചുവെച്ച ശേഷം  ചെറുനാരങ്ങാ വലിപ്പത്തിൽ ഓരോ ഉരുളകളാക്കി വെക്കുക. ഇത് ചപ്പാത്തി കല്ലിൽ വെച്ച് പരത്തി  ഓരോന്നായി ദോശക്കല്ലിൽ ചുട്ടെടുക്കുക. ചുടുമ്പോൾ അല്പം എണ്ണ അരികിലൂടെ തൂവിക്കൊടുക്കണം . ചൂടോടെ ചിക്കൻ കറിയോ വെജിറ്റബിൾ കറിയോ ചേർത്തി കഴിക്കാം

 

Palak Puri

 

 

ആവശ്യമുള്ള സാധനങ്ങൾ :

• ഗോതമ്പു മാവ്                           : 2 കപ്പ് 
• പച്ചമുളക്                                  : ഒന്ന് 
• ഇഞ്ചി                                       : ഒരു ചെറിയ കഷ്ണം 
• ജീരകപ്പൊടി                             : ഒരു നുള്ള് 
• ഉപ്പ് ആവശ്യത്തിന് 
• പാലക് ചീര                             : 1/2 കെട്ട് 

• എണ്ണ വറുക്കാൻ വേണ്ടത്  

 

ചെയ്യുന്ന വിധം :

• പാലക് ചീര വലിയ തണ്ടുകൾ മുറിച്ചു കളഞ്ഞിട്ട് നന്നായി കഴുകി വെക്കു ഒരു പരന്ന പാത്രത്തിൽ വെള്ളം തിളപ്പിക്കാൻ വെക്കുക.  തിളച്ച വെള്ളത്തിൽ കഴുകിയ     ചീരയും   പച്ചമുളകും ഇഞ്ചിയും ഇട്ട് രണ്ടുമിനിറ്റിനു ശേഷം തീ ഓഫ് ചെയ്യുക. 
  വെള്ളം കളഞ്ഞിട്ടു തണുത്ത വെള്ളത്തിൽ അല്പം ഐസ് വേണമെങ്കിൽ ചേർക്കാം. അതിനു ശേഷം വെള്ളത്തിൽ നിന്നും വാരിയെടുത്തു അരച്ചെടുക്കുക. ഒരു പരന്ന പാത്രത്തിൽ ഗോതമ്പു മാവും അല്പം ഉപ്പും ഇട്ടു ഈ അരച്ച പേസ്റ്റും  ജീരകപൊടിയും ചേർത്തി  നന്നായി കലർത്തുക. ഇതിൽ അൽപാപമായി വെള്ളം ചേർത്തി ചപ്പാത്തി മാവിന്റെ പരുവത്തിൽ കുഴച്ചു വെക്കുക.  

  • ഇതിൽ നിന്നും ഓരോ ചെറിയ നാരങ്ങാ വലുപ്പത്തിൽ ഉരുളകളെടുത്തു  രണ്ടോ മൂന്നോ ഇഞ്ചു diameter വട്ടത്തിൽ പരത്തുക. 

   
   
  
  
  
  ഒരു ഫ്രൈപാനിൽ എണ്ണ ചൂടാക്കി ഓരോ പുരിയായി വറുത്തു കോരുക.  ഇഷ്ടപെട്ട കറിയോടൊപ്പം  ചൂടോടെ കഴിക്കാം.  ഞാൻ കടലക്കറിയാണ് ഉണ്ടാക്കിയത്.
  

Methi Sprout Dosa/Mulappicha uluva dosa

ഉലുവ മുളപ്പിച്ച ദോശ

ആവശ്യമുള്ള സാധനങ്ങൾ :

പച്ചരി                                     :  2 കപ്പ് 

ഉലുവ മുളപ്പിച്ചത്                      :1/4 കപ്പ് 

ചോറ്                                     : 1/4 കപ്പ് 

ഉപ്പ് ആവശ്യത്തിന് 

എണ്ണ                                     : 2 ടേബിൾസ്പൂൺ 

ചെയ്യുന്ന വിധം :

ഉലുവ മുളപ്പിക്കാൻ എളുപ്പമാണ്. ഉലുവ കഴുകി വെള്ളത്തിൽ കുതിരാനിടുക.  ഒരു ദിവസം മുഴുവൻ കുതിർന്ന ശേഷം അടുത്ത ദിവസം വെള്ളത്തിൽ നിന്നും വാരി എടുത്തു ഓട്ടപാത്രത്തിൽ ഇട്ടു അടച്ച വെക്കുക. രണ്ടുദിവസത്തിനുള്ളിൽ മുളച്ചു തുടങ്ങും. ഫ്രിഡ്ജിൽ വെച്ചാൽ കുറേശ്ശേ എടുത്തു ഉപയോഗിക്കാം. Diabetes ഉള്ളവർക്കു ദിവസവും ഒരു സ്പൂൺ രാവിലെ കഴിച്ചാൽ നല്ലതാണ്.

പച്ചരി  അര മണിക്കൂർ കുതിർത്തു വെക്കുക.   ഉലുവ മുളപ്പിച്ചതും ചേർത്തി അരക്കുക.

 അല്പം അരഞ്ഞതിനു  ശേഷം ചോറും ചേർത്തി അരക്കുക. അരച്ചുവെച്ച  മാവിൽ ഉപ്പു ചേർത്തി കലക്കി വെക്കുക.

 ദോശ തവ ചൂടാക്കിയ ശേഷം ഓരോ കയിൽ  മാവെടുത്തു ഘനമില്ലാതെ പരത്തി അല്പം എണ്ണ ചുറ്റും തൂവി കൊടുത്തു മൊരിഞ്ഞ ശേഷം  തവയിൽ നിന്നും മാറ്റി ബാക്കി മാവുംകൊണ്ട് ഇതുപോലെ ചുട്ടെടുക്കുക.

ഇഷ്ടമുള്ള ചട്ണി ചേർത്തി ചൂടോടെ കഴിക്കാം.

 ചോറിനു പകരം അല്പം അവിൽ കുതിർത്തതു ചേർത്തരച്ചാലും ദോശ soft ആയിരിക്കും..

Rumali roti

ആവശ്യമുള്ള സാധനങ്ങൾ :

മൈദ                                               :  1 കപ്പ് 

ഉപ്പ്  അല്പം 

ഇളം ചൂടു പാൽ                                 : 3/4 കപ്പ് 

എണ്ണ                                               ; 2ടീസ്പൂൺ

ചെയ്യുന്ന വിധം 

ഒരു പരന്ന പാത്രത്തിൽ മൈദ  ഇട്ട് അല്പം ഉപ്പും എണ്ണയും ചേർത്തി കലർത്തിയ ശേഷം അൽപാപമായി ഇളം ചൂട് പാൽ കുറേശ്ശേ ഒഴിച്ച് നല്ല പോലെ കുഴക്കുക. മേലെ അല്പം എണ്ണ തടവി നനഞ്ഞ തുണി മെലെ ഇട്ടു  ഇരുപത്തുമിനിട്ടു മൂടിവെക്കുക.

ഇതിൽ നിന്നും ഒരു ഉരുളയെടുത്തു ചപ്പാത്തിപോലെ പരത്തുക. പരത്താൻ പറ്റുന്ന വരെ ഘനമില്ലാതെ പരത്തുക.  

ഒരു വലിയ ചീനച്ചട്ടി അടുപ്പിൽ വെച്ചു 2 മിനിട്ടു ചൂടാക്കിയ ശേഷം അടുപ്പിൽ കമഴ്ത്തി വെക്കുക. 

ചീനച്ചട്ടി നന്നായി ചൂടായാൽ ചപ്പാത്തി മെല്ലെ എടുത്തു അതിന്റെ മേലെ വെക്കണം.

 കുറേശ്ശേ   പൊള്ളങ്ങൾ വന്നു തുടങ്ങുമ്പോൾ തിരിച്ചിടുക.  ഒരു ടവൽ കൊണ്ട് മെല്ലെ അമർത്തുക. ഇളം  ബ്രൗൺ നിറത്തിൽ പൊള്ളങ്ങൾ വന്നു തുടങ്ങിയാൽ അടുപ്പിൽ നിന്നും എടുത്തു മാറ്റുക.

ബാക്കി മാവും ഇതുപോലെ ചുട്ടെടുക്കുക. ഇഷ്ടമുള്ള ഏതെങ്കിലും കറി  കൂട്ടി കഴിക്കാം.

 

Paper Roast

ആവശ്യമുള്ള സാധനങ്ങൾ:

• ദോശ മാവ്                       : 2 കപ്പ്  (Click here  to check how to make dosa batter)
• എണ്ണ അല്ലെങ്കിൽ നെയ്‌   : 2 ടേബിൾസ്പൂൺ 

 

ചെയ്യുന്ന വിധം:

• ദോശമാവ് നന്നായി ഇളക്കി ( മാവ് ഒരുപാട്  വെള്ളം പോലെ ആവരുത്, നല്ല കട്ടിയും ആവരുത് ) വെക്കുക.
• ഒരു ദോശ തവ ചൂടാക്കി ഒരു കയിൽ മാവെടുത്തു തവയുടെ നടുവിൽ ഒഴിച്ച് കയിലിന്റെ അടിഭാഗം കൊണ്ട് ഘനമില്ലാതെ പരത്തുക. ചുറ്റും എണ്ണയോ നെയ്യോ തൂവിക്കൊടുക്കുക. 

 

• കുറേശ്ശേ നിറം മാറിത്തുടങ്ങി മൊരിയുമ്പോൾ ഒരു ഓരത്തു നിന്നും മെല്ലെ മടക്കുക.  തേങ്ങാചട്ണി കൂട്ടി കഴിക്കാം.
  

Wheat Parotta

ആവശ്യമുള്ള സാധനങ്ങൾ :

• ഗോതമ്പുപൊടി                             : 2 കപ്പ് 
• ഉപ്പ് ആവശ്യത്തിന് 
• ചെറുചൂടുള്ള വെള്ളം ആവശ്യത്തിന് 
• എണ്ണ                                            : ഒരു ടേബിൾസ്പൂൺ 

ചെയ്യുന്ന വിധം :

• ഗോതമ്പുപൊടി എടുത്തു ആവശ്യത്തിന് വെള്ളവും ഉപ്പും ചേർത്തി സാധാരണ ചപ്പാത്തിക്ക് കുഴക്കുന്നത് പോലെ കുഴച്ചു വെച്ച് എണ്ണ തടവി കുറച്ചു സമയം മൂടിവെക്കുക.
• ചെറുനാരങ്ങാവലുപ്പത്തിൽ ഒരു ഉരുള മാവ് ഇതിൽ നിന്നും എടുത്തു പരത്തി മേലെ എണ്ണയും അല്പം ഗോതമ്പുപൊടിയും തൂവി ഒരു അറ്റത്തു നിന്നും മടക്കി (ഞൊറിയുന്നതു പോലെ) വട്ടത്തിൽ മടക്കി വെക്കുക.

•   ഇനി സാധാരണ ചപ്പാത്തി പരത്തുന്ന പോലെ പരത്തുക.

• ദോശ തവ ചൂടാക്കി അതിൽ പരത്തിയ പൊറോട്ട  ഇട്ടു തിരിച്ചും മറിച്ചും ഇട്ട് ചുടുക.  

 

• ഇതുപോലെ ബാക്കി കുഴച്ചുവെച്ച മാവു കൊണ്ട് ചുട്ടെടുക്കുക.
• നല്ല ചിക്കൻ കറിയോ അല്ലെങ്കിൽ ഇഷ്ടപ്പെട്ട എന്തെങ്കിലും കറിയുടെ കൂടെ കഴിക്കാൻ നന്നായിരിക്കും.

Chama/Samai Idli

ചാമ ഇഡ്ഡലി

ആവശ്യമുള്ള സാധനങ്ങൾ :

• ചാമ അരി                             : ഒരു കപ്പ് 

• ഉഴുന്ന്                                   : 1/4  കപ്പ് 

• അവിൽ (optional)               : 1/4 കപ്പ് 

• ഉപ്പ് ആവശ്യത്തിന് 

ചെയ്യുന്ന വിധം :

• ചാമ അരിയും  ഉഴുന്നും വേറെ വേറെ വെള്ളത്തിൽ  ഒരു മണിക്കൂർ കുതിരാനിടുക. 

• കുതിർന്ന ശേഷം സാധാരണ അരിയുടെ ഇഡ്ഡലിക്കു അരക്കുന്നപോലെ തന്നെ അരച്ച് ഉപ്പും ചേർത്തി കലക്കി ആറു മണിക്കൂർ പൊങ്ങി വരുന്നത് വരെ വെക്കുക. രാത്രി അരച്ചുവെച്ചു രാവിലെ ഇഡ്ഡലി ഉണ്ടാക്കിയാൽ നന്നായിരിക്കും. 
• അവിൽ അരമണിക്കൂർ കുതിർത്തി അരിയുടെ ചേർത്തി അരക്കാവുന്നതാണ് . ഇഡ്ഡലി soft ആവാനാണ് അവിൽ ചേർക്കുന്നത്. അവിൽ ചേർക്കാതെ അരച്ചാലും ഇഡ്ഡലി നന്നായിട്ടുണ്ട്.
• രാവിലെ ഒന്നുകൂടി കലക്കിയ ശേഷം ഇഡ്ഡലിത്തട്ടിൽ ഒഴിച്ച് ഇഡ്ഡലിയുണ്ടാക്കുക.

തേങ്ങ ചട്ണിയും കൂട്ടി കഴിക്കാൻ നന്നായിരിക്കും. ചട്ണിയല്ലെങ്കിൽ സാമ്പാറോ സമ്മന്തിയോ ഏതു വേണമെങ്കിലും കൂട്ടി കഴിക്കാം. സാധാരണ ഇഡ്ഡലി പോലെ തന്നെ സ്വാദുള്ളതാണ്.

Carrot Idli

ആവശ്യമുള്ള സാധനങ്ങൾ 

• ഇഡ്ഡലി മാവ്                                  : 2 കപ്പ്

• കാരറ്റ്                                            : ഒരെണ്ണം വലുത് 

• പച്ചമുളക്                                       :  ഒരു ചെറുത് 

• എണ്ണ  ഒരല്പം 

ചെയ്യുന്ന വിധം 

• കാരറ്റ്  കഴുകി ചെറിയ കഷ്ണങ്ങളാക്കി മുറിച്ചു  മിക്സിയിൽ അരച്ചുവെക്കുക.  
• ഈ അരച്ച കാരറ്റ്  മാവിൽ ചേർത്തി നന്നായി കലർത്തി വെക്കുക.
• ഇഡ്ഡലിത്തട്ടെടുത്തു  ഒരല്പം എണ്ണ  തടവി  വെക്കുക.
• കാരറ്റ് ചെറിയ വട്ട കഷ്ണങ്ങളായി മുറിച്ചു വെക്കുക. തട്ടിൽ ആദ്യം ഓരോ കഷ്ണം കാരറ്റ്  വെക്കുക.
• ഇനി ഓരോ കൈയിൽ മാവെടുത്തു തട്ടിലേക്ക് ഒഴിക്കുക.

• ഇനി ഇത്  ഇഡ്ഡലി പാത്രത്തിൽ വേവാൻ വെക്കുക. 

• വെന്ത ശേഷം ഇഡ്ഡലി തട്ടിൽ നിന്നും മാറ്റിയെടുത്തു  കിണ്ണത്തിൽ  വെക്കുക. 
• നല്ല soft ആയ ഭംഗിയുള്ള കാരറ്റ് ഇഡ്ലി റെഡി!!
•  ഇഷ്ടമുള്ള ചുട്ണിയോ  ചമ്മന്തിയോ ഏതെങ്കിലും  കൂട്ടി കഴിക്കാവുതാണ്.

Carrot Dosa

കാരറ്റ് ദോശ

ആവശ്യമുള്ള സാധനങ്ങൾ:

പച്ചരി                                     : 2 കപ്പ് 

കാരറ്റ്                                     : 2 എണ്ണം ഇടത്തരം 

ഉപ്പ് ആവശ്യത്തിന് 

ചുവന്ന മുളക്                           : 2 എണ്ണം 

എണ്ണ ആവശ്യത്തിന് 

ചെയ്യുന്ന വിധം :

പച്ചരി അരമണിക്കൂർ  വെള്ളത്തിൽ കുതിർത്താനിടുക.  കാരറ്റ് തോല് ചീകി ചെറിയ കഷ്ണങ്ങളാക്കി കുതിർന്ന അരിയുടെ കൂടെ  ചുവന്ന മുളകും കൂട്ടി അരച്ചെടുക്കുക. പാകത്തിനു വെള്ളം ചേർത്തി ഉപ്പും ചേർത്തി കലക്കുക.

ദോശ തവ ചൂടാക്കി ഒരു കൈയിൽ നിറയെ മാവെടുത്തു ദോശക്കല്ലിൽ വട്ടത്തിൽ ഘനമില്ലാതെ പരത്തുക. അല്പം എണ്ണ ചുറ്റും തൂവി കൊടുക്കണം. 

 

മൊരിഞ്ഞു വരുമ്പോൾ മടക്കി കല്ലിൽ നിന്നും എടുത്തു മാറ്റുക.  ഘനമില്ലാത്ത ദോശ ആയതു കൊണ്ടു തിരിച്ചിടേണ്ട ആവശ്യമില്ല.

കാരറ്റ് ദോശ റെഡി!  ചൂടോടെ തേങ്ങാ ചട്ണി കൂട്ടി കഴിയ്ക്കാം.!

Masala Idli

ആവശ്യമുള്ള സാധനങ്ങൾ :

ഇഡ്ഡലി                              : 2 എണ്ണം 

വലിയ ഉള്ളി                      : ഒരെണ്ണം 

തക്കാളി                             : 1/2 

ഇഞ്ചി                                : 1/4 "കഷ്ണം 

പച്ചമുളക്                           : 1 

മുളകുപൊടി                        : 1/4 ടീസ്പൂൺ 

മഞ്ഞപ്പൊടി                       :  നുള്ള് 

എണ്ണ                                 : ഒരു ടേബിൾസ്പൂൺ 

മല്ലിയില അലങ്കരിക്കാൻ 

ചെയ്യുന്ന വിധം :

ഇഡ്ഡലി ബാക്കി വന്നതു വെച്ച് ഇതുണ്ടാക്കാവുന്നതാണ്. 

ഇഡ്ഡലി ആറായി മുറിച്ചു വെക്കുക.  ഉള്ളിയും പച്ചമുളകും തക്കാളിയും മുറിച്ചുവെക്കുക.

ഒരു ഫ്രൈപാനിൽ എണ്ണ ചൂടാക്കി ഉള്ളിയും ഇഞ്ചിയും പച്ചമുളകും വഴറ്റുക. തീ കുറച്ചു മുളകുപൊടിയും മഞ്ഞപ്പൊടിയും ഇട്ടു ഇളക്കിയ ശേഷം തക്കാളി ചേർക്കുക. തക്കാളി കുഴയുമ്പോൾ  ഉപ്പു ചേർത്തിയ ശേഷം ഇഡ്ഡലി കഷ്ണങ്ങൾ ഇട്ടു ഒപ്പം ഇളക്കുക.  ഒരു പ്ലേറ്റിലേക്കു മാറ്റി മല്ലിയില കൊണ്ടലങ്കരിക്കുക.

നാലുമണിക്ക് ചായയുടെ കൂടെ കഴിയ്ക്കാൻ നന്നായിരിക്കും.

Garlic Dosa

ആവശ്യമുള്ള സാധനങ്ങൾ :

ദോശ മാവ്                              : 2 കപ്പ് 

പച്ചമുളക്                                : ഒരെണ്ണം 

വെളുത്തുള്ളി                            : 5 അല്ലി 

തേങ്ങ ചിരവിയത്                  : 1/2 കപ്പ് 

ഉപ്പ്‌ ആവശ്യത്തിന് 

എണ്ണ ആവശ്യത്തിന് 

 

ചെയ്യുന്ന വിധം :

തേങ്ങയും പച്ചമുളകും വെളുത്തുള്ളിയും കൂടി നന്നായി അരച്ചു വെക്കുക.

ദോശ തവ ചൂടാക്കി ഒരു കൈയിൽ മാവൊഴിച്ചു ഘനമില്ലാതെ ദോശ പരത്തുക. അതിന്റെ മേലെ ഒരു ടേബിൾസ്‌പൂൺ  തേങ്ങ അരച്ചതു ഒപ്പം പരത്തി അല്പം എണ്ണ തൂവി കൊടുക്കുക. 

ദോശ മൊരിഞ്ഞു വരുമ്പോൾ മടക്കി തവയിൽ നിന്നും മാറ്റുക. ഇതുപോലെ ബാക്കി മാവുകൊണ്ടു ദോശയുണ്ടാക്കി ചൂടോടെ ചട്ണി കൂട്ടി കഴിക്കാം.  മല്ലിയില കൊണ്ടുള്ള ചട്ണി ഇതിനു നന്നായി ചേരും.

Kichadi

കിച്ചടി

ആവശ്യമുള്ള സാധനങ്ങൾ :

റവ                            : 1/2 കപ്പ് 

സേമിയ                    : 1/2 കപ്പ് 

വലിയ ഉള്ളി             : ഒരെണ്ണം 

തക്കാളി                    : ഒരു ചെറുത് 

കാരറ്റ്                       : ഒരു പകുതി

ബീൻസ്                   : 4 എണ്ണം  

പച്ച പട്ടാണി             : 6 എണ്ണം 

മഞ്ഞപ്പൊടി              : 1/8 ടീസ്പൂൺ 

ഉപ്പ് ആവശ്യത്തിന്

പച്ചമുളക്                  : 2 എണ്ണം 

ഇഞ്ചി                       : ഒരിഞ്ചു നീളത്തിൽ 

കടുക്                        : 1 ടീസ്പൂൺ 

ഉഴുന്ന്                       : 1 ടീസ്പൂൺ 

ചുവന്ന മുളക്             : 1 രണ്ടായി പൊട്ടിച്ചത്

എണ്ണ                       : 2 ടേബിൾസ്പൂൺ

കറിവേപ്പില    ഒരു തണ്ട് 

മല്ലിയില അരിഞ്ഞത്  : ഒരു ടേബിൾസ്പൂൺ 

വെളിച്ചെണ്ണ               : 2 ടീസ്പൂൺ

ചെയ്യുന്ന വിധം :

റവ ഒരു ഫ്രൈ പാനിലിട്ടു വറുത്തു വെക്കുക.    സേമിയയും ഇളം ബ്രൗൺ നിറത്തിൽ വറുത്തു വെക്കുക.

ഉള്ളിയും പച്ചമുളകും ഇഞ്ചിയും ചെറുതായി അരിഞ്ഞു വെക്കുക.

കാരറ്റും ബീൻസും ചെറുതായി  അരിഞ്ഞു  വെക്കുക. പട്ടാണി തോലു കളഞ്ഞു മണി എടുത്തു വെക്കുക.

 ഒരു ചീനച്ചട്ടിയിൽ എണ്ണയൊഴിച്ചു ചൂടാകുമ്പോൾ കടുകിട്ടു പൊട്ടിക്കുക. അതിൽ ഉഴുന്നും ഇട്ടു മുളകു പൊടിച്ചതും ഇട്ടു ഒരു മിനിറ്റിനു ശേഷം കറിവേപ്പിലയും ഇഞ്ചിയും പച്ചമുളകും അരിഞ്ഞതും ഉള്ളി അരിഞ്ഞതും ചേർത്തി വഴറ്റുക. ഇതിൽ  ചെറുതായി അരിഞ്ഞ കാരറ്റും ബീൻസും ചേർത്തി പട്ടാണിയും ചേർത്തി ഇളക്കി ഉപ്പും മഞ്ഞപ്പൊടിയും ചേർത്തി  ആവശ്യത്തിന് വെള്ളം ഒഴിച്ച് വേവിക്കാൻ  വെക്കുക. 

അഞ്ചു മിനിട്ടു കഴിഞ്ഞ ശേഷം സേമിയ ചേർത്തുക. സേമിയ മൃദുവാകുമ്പോൾ വറുത്തു വെച്ച റവയും ചേർത്തി ഇളക്കി വെള്ളം വറ്റുമ്പോൾ മേലെ മല്ലിയില അരിഞ്ഞതും  അല്പം വെളിച്ചണ്ണയും തൂവി അടുപ്പിൽ നിന്നും വാങ്ങി വെക്കുക.  ചൂടോടെ തേങ്ങാ ചട്ണിയും കൂട്ടി കഴിക്കുക.

Thakkali Seva

ആവശ്യമുള്ള സാധനങ്ങൾ :

നൂൽപുട്ട്  ചെറിയ കഷ്ണങ്ങളാക്കിയത്        : 2 കപ്പ് 

വലിയ ഉള്ളി                                            : 1 അരിഞ്ഞത് 

തക്കാളി                                                  : ഒരു വലുത് അരിഞ്ഞത്

പച്ചമുളക്                                                 : ഒരെണ്ണം അരിഞ്ഞത് 

മുളകുപൊടി                                             : 1/4 ടീസ്പൂൺ 

പെരുംജീരകം                                         : 1/4 ടീസ്പൂൺ 

മഞ്ഞപ്പൊടി                                            : 1/8 ടീസ്പൂൺ 

കടുക്                                                      : 1 ടീസ്പൂൺ 

ഉഴുന്നുപരുപ്പ്‌                                            : 1/2 ടീസ്പൂൺ 

എണ്ണ                                                      : 1 ടേബിൾസ്പൂൺ 

കറിവേപ്പില                                            : ഒരു തണ്ട് 

മല്ലിയില അരിഞ്ഞത്                               : ഒരു ടേബിൾസ്പൂൺ 

ചെയ്യുന്ന വിധം :

ഒരു ഫ്രൈപാനിൽ എണ്ണയൊഴിച്ചു ചൂടാകുമ്പോൾ കടുക് പൊട്ടിക്കുക. ഇതിൽ ഉഴുന്ന് പരുപ്പും കറിവേപ്പിലയും പെരുംജീരകവും ചേർത്തി അഞ്ചു സെക്കന്റിനു ശേഷം അരിഞ്ഞു വെച്ച ഉള്ളിയും പച്ചമുളകും ചേർത്തി ഒരു മിനിട്ടു  വഴറ്റുക.  ഇതിൽ  മുളകുപൊടിയും മഞ്ഞപ്പൊടിയും ചേർത്തി  നന്നായി ഇളക്കുക.  ഇതിൽ അരിഞ്ഞ തക്കാളിയും ഉപ്പും ചേർത്തി,  തക്കാളി കുഴയുന്നതു വരെ വഴറ്റുക. 

 ഇതിൽ പൊട്ടിച്ചു വെച്ച നൂൽപുട്ടും ചേർത്തി  നന്നായി ഇളക്കുക.

 

 തീ കെടുത്തി വിളമ്പുന്ന പാത്രത്തിലേക്കു  മാറ്റുക. മല്ലിയില മേലെ തൂവി  ചൂടോടെ വിളമ്പുക.

Mysore Masala Dosa

മൈസൂർ മസാല ദോശ :

ആവശ്യമുള്ള സാധനങ്ങൾ :

ദോശ മാവിന്  വേണ്ടത് :

പുഴുങ്ങലരി                       : 2 കപ്പ് 

പച്ചരി                             : 1 കപ്പ് 

ഉഴുന്നുപരുപ്പ്                    : 1/2 കപ്പ് 

ഉലുവ                              : 2 ടീസ്പൂൺ 

ഉപ്പ് ആവശ്യത്തിന് 

ചെയ്യുന്ന വിധം :

പുഴുങ്ങലരിയും പച്ചരിയും കൂടി  വെള്ളത്തിൽ കുതിരാൻ  വെക്കുക. 

ഉഴുന്നും ഉലുവയും കൂടി കുതിരാനിടണം  2  മണിക്കൂർ കഴിഞ്ഞു ആദ്യം ഉഴുന്നും ഉലുവയും കൂടി അരച്ചെടുക്കുക. അതിനുശേഷം അരിയും അരച്ചെടുക്കണം.  രണ്ടു മാവും കൂടി കലർത്തി ഉപ്പും ചേർത്തി നന്നായി കലക്കി വെക്കുക.  ആറു  മണിക്കൂർ  പുളിക്കാൻ വെക്കണം. ആറു മണിക്കൂർ കഴിഞ്ഞാൽ മാവ് ഇരട്ടിയായി പൊങ്ങി വരും. ഇത് ഒന്നുകൂടി കലക്കി വെക്കുക.

മസാല ഉണ്ടാക്കാൻ വേണ്ടത് :

ഉരുളക്കിഴങ്ങു്                               : 2 എണ്ണം 

വലിയ ഉള്ളി                                : ഒരെണ്ണം 

പച്ചമുളക്                                     : 2 എണ്ണം 

ഇഞ്ചി  അരിഞ്ഞത്                      : 1 ടേബിൾസ്പൂൺ 

മഞ്ഞപ്പൊടി                                : 1/8 ടീസ്പൂൺ
എണ്ണ                                          : 1 ടേബിൾസ്പൂൺ

കറിവേപ്പില                                : ഒരു തണ്ട്
ഉപ്പ് ആവശ്യത്തിന്

ഉണ്ടാക്കുന്ന വിധം 

ഉരുളക്കിഴങ്ങു്  കഴുകി  പ്രഷർ കുക്കറിൽ വേവിക്കുക.   ആറിയ ശേഷം കുക്കർ തുറന്ന് കിഴങ്ങിന്റെ തോലു കളഞ്ഞു  ഉടച്ചുവെക്കുക.
ഉള്ളിയും പച്ചമുളകും ഇഞ്ചിയും എല്ലാം അരിഞ്ഞു വെക്കുക. ഒരു ചീനച്ചട്ടിയിൽ എണ്ണയൊഴിച്ചു ചൂടായ ശേഷം അരിഞ്ഞു വെച്ച  ഉള്ളിയും പച്ചമുളകും ഇഞ്ചിയും വഴറ്റുക. ഇതിൽ ഉടച്ചു വെച്ച  ഉരുളകിഴങ്ങ് ചേർത്തി നന്നായി മിക്സ് ചെയ്യുക.  ഒരു സ്പൂൺ വെള്ളം ചേർത്ത് മഞ്ഞപ്പൊടിയും ഉപ്പും ചേർത്തി നന്നായി ഇളക്കുക.

ചുവന്ന ചട്ണി ഉണ്ടാക്കുന്ന വിധം 

ചുവന്ന മുളക്                      : 5 എണ്ണം
ചെറിയ ഉള്ളി                    : 2 എണ്ണം
വെളുത്തുള്ളി                      : 4 എണ്ണം
ഉഴുന്നു പരുപ്പ്                     : ഒരു ടേബിൾസ്പൂൺ
ഉപ്പ്‌ അല്പം
എണ്ണ                                : 1/2 ടീസ്പൂൺ

ഒരു ഫ്രൈ പാനിൽ എണ്ണയൊഴിച്ചു ചുവന്ന മുളകും ഉഴുന്നുപരുപ്പും വറുക്കുക. അതിൽ  ചെറിയ ഉള്ളിയും വെളുത്തുള്ളിയും ഇട്ടു നന്നായി ഇളക്കിയ ശേഷം  സ്റ്റവ് കെടുത്തി ആറിയ ശേഷം ഉപ്പും ചേർത്തി നന്നായി അരച്ച് വെക്കുക.

ദോശക്കല്ല് അടുപ്പിൽ വെച്ചു ചൂടായ ശേഷം ഒരു കൈലു  മാവെടുത്തു ദോശക്കല്ലിൽ ഒഴിച്ചു ഘനമില്ലാതെ പരത്തുക.  അല്പം എണ്ണ ചുറ്റും തൂവിക്കൊടുക്കുക.

 ഒരു ഭാഗം വെന്തു തുടങ്ങുമ്പോൾ  ഒരു സ്പൂൺ ചുവന്ന ചട്ണി എടുത്തു ദോശക്കു മേലെ പരത്തി തേക്കുക. ഇതിനു മേലെ രണ്ടു  ടേബിൾ സ്പൂൺ ഉരുളക്കിഴങ്ങു മസാല ഒരു ഭാഗത്തു വെച്ച്  മറ്റേ ഭാഗം മടക്കുക.

ഘനമില്ലാത്ത ദോശയായതു കൊണ്ട് തിരിച്ചാടാതെ തന്നെ രണ്ടുഭാഗവും വെന്തിട്ടുണ്ടാവും

തേങ്ങാ ചട്ണി കൂട്ടി ചൂടോടെ കഴിക്കാൻ  നന്നായിരിക്കും.

Idli

ഇഡ്ഡലി 

ആവശ്യമുള്ള സാധനങ്ങൾ :

ഉഴുന്നു പരുപ്പ്                      : 1 കപ്പ് 

ഇഡ്ഡലി അരി                      : 3 കപ്പ് 

ഉലുവ                                 : 1 ടീസ്പൂൺ 

ഉപ്പ് ആവശ്യത്തിന് 

ചെയ്യുന്ന വിധം : 

ഉഴുന്നു പരുപ്പും ഉലുവയും കൂടി വെള്ളത്തിൽ കുതിരാനിടുക.

അരി വേറെ പാത്രത്തിൽ കുതിരാൻ വെക്കുക. ഒരു രണ്ടു മണിക്കൂർ കഴിഞ്ഞു  ആദ്യം ഉഴുന്നരച്ചെടുക്കുക. അതിനു ശേഷം അരിയും അരച്ചെടുക്കുക. രണ്ടും കൂടി ഒരു പാത്രത്തിലാക്കി ഉപ്പും ചേർത്തി നന്നായി കലക്കി വെക്കണം.  ആറു മണിക്കൂറെങ്കിലും പുളിക്കാൻ വെക്കണം.  ആറു മണിക്കൂർ കഴിയുമ്പോഴേക്കും മാവ് പൊങ്ങിയിട്ടുണ്ടാവും. അതിനു ശേഷം ഒന്നുകൂടി കലക്കുക.

ഇഡ്ഡലി പാത്രത്തിൽ ഒരു കപ്പ് വള്ളമൊഴിച്ചു ചൂടാക്കുക. ഇഡ്ഡലി തട്ടിൽ ഓരോ കയിൽ മവൊഴിച്ചു  വേവിക്കാൻ വെക്കുക. 

പത്തു മിനിട്ടു നേരം ആവിയിൽ വെന്ത ശേഷം  അടുപ്പിൽ നിന്നും മാറ്റുക. ചൂടാറുമ്പോൾ തട്ടിൽ നിന്നും എടുത്തു ചട്ണിയോ, ഇഡ്ഡലി പൊടിയോ, സാമ്പാറോ, ഉള്ളി ചമ്മന്തിയോ ഏതെങ്കിലും കൂട്ടി കഴിക്കാവുന്നതാണ്!

Uluva Chappathi

ഉലുവ ചപ്പാത്തി 

ആവശ്യമുള്ള സാധനങ്ങൾ :

ഉലുവ മുളപ്പിച്ചത്                      : 1 കപ്പ് 

ഗോതമ്പു മാവ്                        : 2 കപ്പ് 

മുളകുപൊടി                            :1/4 ടീസ്പൂൺ 

ഉപ്പ് ആവശ്യത്തിന് 

ജീരകം                                  : ഒരു നുള്ള് 

എണ്ണ ആവശ്യത്തിന്

ചെയ്യുന്ന വിധം :

ഉലുവ ഒരു ദിവസം  മുമ്പു  തന്നെ വെള്ളത്തിലിട്ടു വെക്കുക. അടുത്ത ദിവസം വെള്ളത്തിൽ നിന്നും വാരി ഒരു ഓട്ടയുള്ള പാത്രത്തിലിട്ടു  വെച്ചാൽ പിറ്റേ ദിവസത്തേക്ക് മുള വന്നു തുടങ്ങും. 

ഈ മുളച്ച ഉലുവ മിക്സിയിലിട്ടു  നന്നായി അരക്കുക. അല്പം വെള്ളം ചേർത്ത് അരക്കാം .  ഒരു പരന്ന പാത്രത്തിൽ ഗോതമ്പു മാവെടുത്തു  ഈ അരച്ച ഉലുവയും ചേർത്ത് അല്പം ഉപ്പും മുളകുപൊടിയും ജീരകവും ഇട്ട് നന്നായി കലർത്തുക, വെള്ളം കുറേശ്ശേ  ആവശ്യത്തിന് ചേർത്തി  മൃദുവായി കുഴച്ചുവെക്കുക.  അല്പം എണ്ണ കൈയിൽ തടവി ഒന്നുകൂടി കുഴച്ചു   ഒരു ഇരുപതു മിനിട്ടു മൂടി  വെക്കുക.

അതിനുശേഷം കുഴച്ച ഈ മാവെടുത്തു  ഒരു വലിയ നാരങ്ങാ വലുപ്പത്തിലുള്ള ഉരുളകളാക്കി വെക്കുക.

ഓരോ ഉരുളയും ചപ്പാത്തി കല്ലിൽ അല്പം മാവു തടവിയ ശേഷം പരത്തുക.

പരത്തിയ ചപ്പാത്തി ചൂടാക്കിയ തവയിലിട്ടു  ചുട്ടെടുക്കുക. അല്പം എണ്ണ തൂവിക്കൊടുക്കാം . ബാക്കി മാവും ഇതുപോലെ ചുട്ടെടുക്കുക. ചൂടോടെ ഇഷ്ടമുള്ള ഏതെങ്കിലും കറി ചേർത്തി കഴിക്കാം.

Coriander chappathy

മല്ലിയില ചപ്പാത്തി

ആവശ്യമുള്ള സാധനങ്ങൾ :

ഗോതമ്പുമാവ്                                 : 2 കപ്പ് 

ജീരകം                                          : 1/4  ടീസ്പൂൺ

മുളകുപൊടി                                    : 1/4 ടീസ്പൂൺ

അരിഞ്ഞ മല്ലിയില                         : 2 ടേബിൾസ്പൂൺ

എണ്ണ                                             : ഒരു ടേബിൾസ്പൂൺ 

ചെയ്യുന്ന വിധം :

ഗോതമ്പുമാവ്  ജീരകവും മുളകുപൊടിയും അരിഞ്ഞ മല്ലിയിലയും  എണ്ണയും ഉപ്പും ചേർത്തി അല്പാല്പമായി വെള്ളം ചേർത്ത് കുഴക്കുക.  നല്ല മൃദുവായി കുഴച്ചുവെക്കണം. ഒരു നനഞ്ഞ തുണി മേലെ ഇട്ടു ഒരു 10 മിനിട്ടു മൂടിവെക്കുക. 

അതിനുശേഷം  അതിൽ നിന്നും ഒരു ചെറുനാരങ്ങാ വലുപ്പത്തിൽ ഒരു ഉരുളയെടുത്തു  ചപ്പാത്തി കല്ലിൽ വെച്ചു  പരത്തുക .  ഒരു തവ ചൂടാക്കി അതിൽ പരത്തിയ ചപ്പാത്തി ഇട്ട് ചെറിയ ബ്രൗൺ നിറത്തിൽ പൊള്ളിവരുമ്പോൾ തിരിച്ചും മറിച്ചും ഇട്ടു നന്നായി വെന്ത ശേഷം കല്ലിൽ നിന്നും മാറ്റുക.

ബാക്കി മാവുകൊണ്ട്  ഇതുപോലെ  ചപ്പാത്തി ഉണ്ടാക്കിയെടുക്കുക. ഇഷ്ടമുള്ള കറി ചേർത്തി ചൂടോടെ കഴിക്കാവുന്നതാണ്.