സുഹ്യൻ
ആവശ്യമുള്ള സാധനങ്ങൾ
ചെറുപയർ : 1 കപ്പ്‌
വെല്ലം : 1/4 കിലോ
തേങ്ങ ചിരകിയത് : 1 കപ്പ്‌
മൈദ : 1 കപ്പ്‌
അരിപ്പൊടി : 2 ടേബിൾസ്പൂണ്‍
ഏലക്കപ്പൊടി : 1/8 ടീസ്പൂണ്‍
എണ്ണ വറുക്കാൻ ആവശ്യത്തിന്
ഉപ്പു് : ഒരു നുള്ള്
ചെയ്യുന്ന വിധം
ചെറുപയർ പ്രഷർ കുക്കറിൽ വെച്ച് വേവിക്കുക.
തേങ്ങ ചിരവി വെക്കുക.
വെല്ലം അല്പം വെള്ളം ഒഴിച്ച് അടുപ്പിൽ വെച്ച് തിളപ്പിക്കുക. വെല്ലം അലിഞ്ഞാൽ അടുപ്പിൽ നിന്നും മാറ്റി അരിച്ചെടുക്കുക. വീണ്ടും അടുപ്പിൽ വെച്ച് തിളപ്പിച്ച്‌ പാവാക്കുക. അതിനുശേഷം തേങ്ങയും ചെറുപയറും അതിൽ ഇട്ട് കട്ടിയാകുന്നതു വരെ അടുപ്പിൽ വെച്ച് ഇളക്കുക.
ഏലക്കപ്പൊടിയും ചേർത്തി ഇളക്കണം.
തീയിൽ നിന്നും മാറ്റി ഒന്ന് ആറിയ ശേഷം നാരങ്ങ വലുപ്പത്തിലുള്ള ഉരുളകളാക്കുക.
മൈദയും അരിപ്പൊടിയും ഒരു നുള്ളു ഉപ്പും അല്പം വെള്ളവും ചേർത്തി കുറച്ചു കട്ടിയോടെ കലക്കി വെക്കുക.
ഈ മാവിൽ ഓരോ ഉരുളകളായി മുക്കി എണ്ണയിൽ വറുത്തെടുക്കുക
ബാക്കി ഉരുളകളും ഇതുപോലെ മാവിൽ മുക്കി പൊരിച്ചെടുക്കുക. നല്ല സ്വാദുള്ള ഒരു നാലുമണി പലഹാരമാണ് ഇതു് .
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ