കപ്പ ദോശ
ആവശ്യമുള്ള സാധനങ്ങൾ :
കപ്പ : 200 ഗ്രാം
പച്ചരി : 1 കപ്പ്
ചിരവിയ തേങ്ങ : 1/2 കപ്പ്
ഉപ്പ് ആവശ്യത്തിന്
വെളിച്ചെണ്ണ : 1/4 കപ്പ്
ചെയ്യുന്ന വിധം :
പച്ചരി അരമണിക്കൂർ വെള്ളത്തിൽ കുതിരാനിടുക.
കപ്പ തോലു കളഞ്ഞു നന്നായി കഴുകി ചെറിയ കഷ്ണങ്ങളാക്കി മുറിച്ചു വെക്കുക.
പച്ചരിയും തേങ്ങയും കപ്പയും കൂടി മിക്സിയിൽ നന്നായി അരച്ചുവെക്കുക. ഉപ്പു ചേർത്തി കലക്കി ദോശമാവിനേക്കാൾ അല്പം കൂടി വെള്ളത്തോടെയുള്ള മാവായിരിക്കണം.
ഒരു ദോശ തവ ചൂടാക്കി നടുവിൽ ഒരു കരണ്ടി മാവൊഴിച്ചു ദോശക്കല്ലു ഒന്നു ചുറ്റിച്ചു മാവു പരത്തുക.
അല്പം വെളിച്ചെണ്ണ ചുറ്റും തൂവിക്കൊടുക്കണം. ഒരു ഭാഗം വെന്ത ശേഷം തിരിച്ചിടുക.
രണ്ടുഭാഗവും വെന്താൽ അടുപ്പിൽ നിന്നും മാറ്റുക. നല്ല സ്വാദുള്ള കപ്പ ദോശ തയാർ! ഉള്ളി ചമ്മന്തി കൂട്ടി കഴിക്കാം.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ