ആവശ്യമുള്ള സാധനങ്ങൾ :
മീൻ കഷ്ണങ്ങൾ : 4 എണ്ണം
പാലക് ചീര : 1/4 കെട്ട്
മല്ലിയില അരിഞ്ഞത് : അര കപ്പ്
പച്ചമുളക് : ഒരെണ്ണം
മഞ്ഞപ്പൊടി : ഒരു നുള്ള്
വലിയ ഉള്ളി : ഒരെണ്ണം
ഇഞ്ചി : അര ഇഞ്ചു കഷ്ണം
വെളുത്തുള്ളി : 2 അല്ലി
കുരുമുളകുപൊടി :1/8 ടീസ്പൂൺ
ജീരകം : 1/4 ടീസ്പൂൺ
കാശ്മീരി മുളകുപൊടി : 1/4 ടീസ്പൂൺ
എണ്ണ : 2 ടേബിൾസ്പൂൺ
ഗരം മസാല പൊടി : ഒരു നുള്ള്
നാരങ്ങാനീര് : ഒരു ടീസ്പൂൺ
ചെയ്യുന്ന വിധം :
ദശക്കട്ടിയുള്ള ഏതു മീൻ വേണമെങ്കിലും ഉപയോഗിക്കാം. മീൻ നന്നായി കഴുകി ഉപ്പും കുരുമുളകുപൊടിയും മഞ്ഞപ്പൊടിയും പുരട്ടി വെക്കുക.
ഉള്ളി ചെറുതായി അരിഞ്ഞു വെക്കുക.
പാലക് ചീര നന്നായി കഴുകി രണ്ടു മിനിട്ടു തിളച്ച വെള്ളത്തിലിട്ട ശേഷം തണുത്ത വെള്ളത്തിൽ കഴുകി പിഴിഞ്ഞെടുത്തു മല്ലിയിലയും പച്ചമുളകും കൂടി അരച്ചു വെക്കുക.
ഇഞ്ചി വെളുത്തുള്ളി അരച്ചു പേസ്റ്റ് ആക്കി വെക്കുക.
ഒരു തവയിൽ എണ്ണ ചൂടാക്കി മീൻ കഷ്ണങ്ങളിട്ടു അഞ്ചു മിനിട്ടു വറുത്തു വെക്കുക. മൊരിക്കേണ്ട ആവശ്യമില്ല. മീൻ എണ്ണയിൽ നിന്നും മാറ്റി അതിൽ ജീരകം ഇട്ടു പൊട്ടിയ ശേഷം അരിഞ്ഞ ഉള്ളി ചേർത്തി വഴറ്റുക. ഇതിൽ ഇഞ്ചി വെളുത്തുള്ളി പേസ്റ്റും ചേർത്തി ഒന്നു കൂടി വഴറ്റിയ ശേഷം തീ കുറച്ച് മുളകുപൊടി ചേർക്കുക. നന്നായി മിക്സ് ചെയ്ത ശേഷം പാലക് അരച്ചതും ഉപ്പും ചേർത്തി നന്നായി ഇളക്കി ഒന്നു ഫ്രൈ ചെയ്ത ശേഷം വറുത്ത മീൻ ചേർത്തി രണ്ടു മിനിട്ടു മൂടി വെച്ചു പാലക് അരച്ചതു മീനിൽ പൊതിഞ്ഞ പരുവത്തിൽ നാരങ്ങാനീരും ഗരം മസാലയും ചേർത്തി അടുപ്പിൽ നിന്നും മാറ്റി വെക്കുക.
വിളംബുന്ന പാത്രത്തിലേക്കു മാറ്റി ചൂടോടെ ചോറിന്റെയോ പറാത്തയുടെയോ കൂടെ കഴിക്കാവുന്നതാണ്.
