ആവശ്യമുള്ള സാധനങ്ങൾ:
വെണ്ടയ്ക്ക : 200 ഗ്രാം
വലിയ ഉള്ളി : ഒരെണ്ണം
തക്കാളി : ഒരെണ്ണം
പച്ചമുളക് : ഒരെണ്ണം
ഇഞ്ചി വെളുത്തുള്ളി പേസ്റ്റ് : ഒരു ടീസ്പൂൺ
മുളകുപൊടി : അര ടീസ്പൂൺ
മല്ലിപ്പൊടി : ഒരു ടീസ്പൂൺ
ഗരം മസാല : 1/4 ടീസ്പൂൺ
ആംച്ചൂർ പൌഡർ : 1/4 ടീസ്പൂൺ
കസൂരി മേത്തി : 1/4 ടീസ്പൂൺ
എണ്ണ : 2 ടേബിൾസ്പൂൺ
ഉപ്പ് ആവശ്യത്തിന്
മല്ലിയില അരിഞ്ഞത് : 1 ടീസ്പൂൺ
ചെയ്യുന്ന വിധം :
വെണ്ടയ്ക്ക കഴുകി തുടച്ചു ഒരിഞ്ചു നീളത്തിൽ അരിഞ്ഞു വെക്കുക.
ഉള്ളിയും തക്കാളിയും ചെറുതായി അരിഞ്ഞു വെക്കുക.
ഒരു ഫ്രൈപാനിൽ ഒരു ടേബിൾസ്പൂൺ എണ്ണ ചൂടാക്കി വെണ്ടയ്ക്ക ബ്രൗൺ നിറം വരും വരെ വഴറ്റുക.
പാനിൽ നിന്നു മാറ്റി ബാക്കി എണ്ണയും ഒഴിച്ച് ഉള്ളി അരിഞ്ഞതിട്ടു വഴറ്റുക. ഇതിൽ ഇഞ്ചി വെളുത്തുള്ളി പേസ്റ്റും ഇട്ടു വഴറ്റുക, തക്കാളി അരിഞ്ഞതും ചേർത്തി ഒന്നുകൂടി വഴറ്റി മസാലപ്പൊടികൾ ചേർക്കുക. നന്നായി ഇളക്കി
അല്പം വെള്ളം ചേർത്തി 3 മിനിട്ടു നേരം ചെറിയ തീയിൽ വേവിക്കുക. ഇതിൽ വെണ്ടയ്ക്കയും ഉപ്പും ചേർത്തി രണ്ടു മിനിറ്റും കൂടി വേവിച്ചു ആംച്ചൂർ പൗഡറും കസൂരി മേത്തിയും ചേർത്തി മസാല പൊതിഞ്ഞ പരുവത്തിൽ അടുപ്പിൽ നിന്നും ഇറക്കി വെക്കുക. മല്ലിയില അരിഞ്ഞതും മേലെ തൂവി ചോറിന്റെയോ ചപ്പാത്തിയുടെയോ കൂടെ കഴിക്കാം.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ