ബീറ്റ്റൂട്ട് ഉപ്പേരി
ആവശ്യമുള്ള സാധനങ്ങൾ
ബീറ്റ് റൂട്ട് : 1
ഉള്ളി : 1
പച്ചമുളക് : 1
സാമ്പാർ പൊടി : 1 ടീസ്പൂണ്‍
ഉപ്പു് ആവശ്യത്തിന്
എണ്ണ : 1 ടേബിൾസ്പൂണ്‍
ചെയ്യുന്ന വിധം
ബീറ്റ് റൂട്ട് ചെറുതായി അരിഞ്ഞുവെക്കുക. ഉള്ളിയും ചെറുതായി അരിയണം. പച്ചമുളക് നീളത്തിൽ കീറി വെക്കുക.
ഒരു ചീനച്ചട്ടിയിൽ എണ്ണ ചൂടാക്കി കടുകിട്ട് പൊട്ടിയാൽ അല്പം ഉഴുന്നു പരിപ്പിട്ട് നിറം മാറിവരുമ്പോൾ ഉള്ളി അരിഞ്ഞതിടുക. ഒന്നു വഴറ്റിയ ശേഷം പച്ചമുളകും ചേർത്തി ബീറ്റ് റൂട്ട് അരിഞ്ഞതിട്ട് ഉപ്പും ചേർത്തി അല്പം വെള്ളം ഒഴിച്ച് മൂടി വെക്കുക. വെള്ളം വറ്റുമ്പോൾ ഇളക്കി തീ കുറച്ച് സാമ്പാർ പൊടിയും ഇട്ട് ഒരു മിനിട്ടു നേരം കൂടി അടുപ്പിൽ വെച്ച് ഇളക്കിയ ശേഷം തീ കെടുത്തുക. വിളമ്പുന്ന പാത്രത്തിലേക്കു മാറ്റുക.
ബീറ്റ് റൂട്ട് ഉപ്പേരി തയാറായി!
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ