കോളിഫ്ലവർ ബജ്ജി
ആവശ്യമുള്ള സാധനങ്ങൾ:
കോളിഫ്ലവർ : 1 ചെറുത്
കടലമാവ് : 1 കപ്പ്
അരിപ്പൊടി : 2 ടേബിൾസ്പൂൺ
മുളകുപൊടി : 1/2 ടീസ്പൂൺ
മഞ്ഞപ്പൊടി : ഒരു നുള്ള്
കായപ്പൊടി : ഒരു നുള്ള്
ഉപ്പ്‌ ആവശ്യത്തിന്
ആപ്പസോഡ : ഒരു നുള്ള്
ചെയ്യുന്ന വിധം :
കോളിഫ്ലവർ അല്ലികളാക്കി അടർത്തിയടുക്കുക. ഒരു പാത്രത്തിൽ വെള്ളം അല്പം മഞ്ഞപ്പൊടി ചേർത്തി തിളപ്പിച്ച് അതിൽ കോളിഫ്ലവർ അല്ലികൾ ഇട്ട് രണ്ടുമിനിട്ടു തിളപ്പിക്കുക. വെള്ളത്തിൽ നിന്നും മാറ്റി വെക്കുക.
കടലമാവും ഉപ്പും മുളകുപൊടിയും കായപ്പൊടിയും സോഡാപ്പൊടിയും എല്ലാം കൂടി അല്പം വെള്ളം ചേർത്തി ഇടത്തരം അയവോടെ കലക്കി വെക്കുക.
ഒരു ചീനച്ചട്ടിയിൽ എണ്ണ ചൂടാക്കി ഓരോ കോളിഫ്ലവർ അല്ലികളും ഈ മാവിൽ മുക്കി ഇളം ബ്രൗൺ നിറത്തിൽ വറുത്തെടുക്കുക . ചൂടോടെ തക്കാളി സോസും കൂട്ടി കഴിക്കാൻ നന്നായിരിക്കും. ഒരു നാലുമണി പലഹാരമാണിത്.
- കടലമാവിൽ മുക്കിയ ശേഷം റൊട്ടിപ്പൊടിയിൽ ഇട്ടു ഉരുട്ടിയെടുത്തു എണ്ണയിൽ പൊരിച്ചെടുത്തൽ ഇനിയും ഒന്നുകൂടി സ്വാദുണ്ടാവും.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ