ബട്ടർ നാൻ :
ആവശ്യമുള്ള സാധനങ്ങൾ
മൈദാ :2 കപ്പ്‌
തൈര് : 1/2 കപ്പ്‌
പഞ്ചസാര : ഒരു നുള്ള്
യീസ്റ്റ് : 1/4 ടീസ്പൂണ്‍
ഉപ്പു് ആവശ്യത്തിന്
ചെയ്യുന്ന വിധം
അല്പം ചെറുചൂടുവെള്ളത്തിൽ യീസ്റ്റും പഞ്ചസാരയും ചേർത്തി വെക്കുക.
ഒരു പരന്ന പാത്രത്തിലോ അല്ലെങ്കിൽ വൃത്തിയുള്ള ഗ്രനൈറ്റ് കല്ലിലോ മൈദയിട്ട് നടുവിൽ ഒരു കുഴിയുണ്ടാക്കി അതിൽ തൈരും ഉപ്പും യീസ്റ്റും ഒഴിച്ച്
കുറേശ്ശയായി മൈദ ചേർത്തി കുഴച്ചെടുക്കണം. ചപ്പാത്തി പരുവത്തിൽ കുഴച്ചു വെക്കണം.
ഒരു നനഞ്ഞ തുണി കൊണ്ട് അര മണിക്കൂർ മൂടി വെക്കണം. അതിനു ശേഷം വലിയ ഉരുളകളാക്കി വെക്കുക.
ഓരോ ഉരുളയും ചപ്പാത്തി കല്ലിൽ വെച്ചു പരത്തുക.
അതിനുശേഷം ദോശതവ ചൂടാക്കി അതിൽ അല്പം വെള്ളം തളിച്ച ഉടനെ അതിൽ പരത്തിയ നാൻ മെല്ലെ അമർത്തി വെക്കുക. ചെറിയ പൊള്ളങ്ങൾ വരുമ്പോൾ ദോശക്കല്ലു തിരിച്ചു പിടിച്ചു തീയിൽ കാണിക്കുക.
ബ്രൌണ്‍ നിറമാവുമ്പോൾ തീയിൽ നിന്നും മാറ്റി അല്പം വെണ്ണ തടവുക.
ഇതുപോലെ ഓരോ ഉരുളകളും ചുട്ടെടുക്കുക.
മലായ് കോഫ്ത അല്ലെങ്കിൽ ചിക്കൻ കറി കൂട്ടി കഴിക്കാൻ നന്നായിരിക്കും.
Garlic Nan
അല്പം വെണ്ണ ഉരുക്കി അതിൽ വെളുത്തുള്ളി ചെറുതായി അരിഞ്ഞിട്ട് മല്ലിയില അരിഞ്ഞതും ഇട്ടു വെക്കുക.
നാൻ ഉണ്ടാക്കിയതിനു മുകളിൽ ഈ തയാറാക്കി വെച്ച വെണ്ണ തടവിയാൽ ഗാർലിക് നാൻ ആയി. വെളുത്തുള്ളിയുടെ രുചി ഇഷ്ടപ്പെടുന്നവർക്ക് ഇതു നന്നായി ഇഷ്ടപ്പെടും. ചിക്കൻ കറിയോ അല്ലെങ്കിൽ കുറുമയോ കൂട്ടി കഴിക്കാൻ നന്നായിരിക്കും. നാൻ എപ്പോഴും ചൂടോടെ കഴിക്കുന്നതാണ് രുചി.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ