ഉള്ളി പരുക്ക്
ആവശ്യമുള്ള സാധനങ്ങൾ :
ചെറിയ ഉള്ളി : 10 എണ്ണം
കട്ടി തൈര് : 1/4 കപ്പ്, ഉടച്ചുവെക്കുക
ചുവന്ന മുളക് : 2 എണ്ണം
കടുക് : 1/2 ടീസ്പൂൺ
ഉപ്പ് ആവശ്യത്തിന്
എണ്ണ : 1 ടീസ്പൂൺ
കറിവേപ്പില : ഒരു തണ്ട്
അരക്കാൻ :
തേങ്ങ ചിരവിയത് : 1/2 കപ്പ്
പച്ചമുളക് ; 2 എണ്ണം
കടുക് : 1/4 ടീസ്പൂൺ
ചെയ്യുന്ന വിധം :
ഉള്ളി ചെറുതായി അരിഞ്ഞു വെക്കുക.
തേങ്ങയും പച്ചമുളകും നന്നായി അരച്ചുവെക്കുക. കടുക് ചെറുതായി ഒന്ന് ചതച്ചെടുക്കുക .
ഒരു പാനിൽ എണ്ണ ചൂടാക്കി കടുക് പൊട്ടിക്കുക. ഇതിൽ മുളകു പൊട്ടിച്ചതും കറിവേപ്പിലയും ചേർത്തി ഇളക്കുക. ഇതിൽ അരിഞ്ഞ ഉള്ളിയും ഉപ്പും ചേർത്തി വഴറ്റുക.
നിറം മാറുമ്പോൾ അരച്ചുവെച്ച തേങ്ങയും ചതച്ച കടുകും ഉടച്ച തൈരും ഇതിൽ ചേർത്തുക.
തിളക്കും മുമ്പ് അടുപ്പിൽ നിന്നും വാങ്ങിവെക്കുക. ചോറിന്റെ കൂടെ കഴിക്കാൻ നന്നായിരിക്കും.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ