Corn Soup

ആവശ്യമുള്ള സാധനങ്ങൾ :

ചോളം                                : ഒരെണ്ണം 

വലിയ ഉള്ളി                       : 1/4 

വെളുത്തുള്ളി                        : ഒരു അല്ലി 

ചോളമാവ് (corn flour)       : 1 ടീസ്പൂൺ 

പാല്                                  : 2 ടേബിൾസ്പൂൺ 

എണ്ണ / നെയ്യ്                      : 1 ടേബിൾസ്പൂൺ 

ഉപ്പ്   ആവശ്യത്തിന് 

കുരുമുളകുപൊടി                  : 1/2 ടീസ്പൂൺ 

ചെയ്യുന്ന വിധം :

ചോളം  ഒരു മൂർച്ചയുള്ള കത്തി ഉപയോഗിച്ച്  മുറിച്ചു വെക്കുക.

ഒരു  പാനിൽ നെയ്യ്/ എണ്ണ  ചൂടാക്കി വെളുത്തുള്ളി അരിഞ്ഞതും ഉള്ളി അരിഞ്ഞതും വഴറ്റുക. ഇതിൽ ചോളം കൂടി ചേർത്തി  ഒരു രണ്ടു മിനിട്ടുകൂടി വഴറ്റുക.

ഇതിൽ രണ്ടു കപ്പ് വെള്ളം ചേർത്തി  ആവശ്യത്തിന് ഉപ്പും ചേർത്തിയ ശേഷം തിളപ്പിക്കുക. അടുപ്പിൽ നിന്നും മാറ്റി തണുത്ത ശേഷം മിക്സിയിൽ ഇട്ടു അരക്കുക. 

അരച്ച ശേഷം വീണ്ടും ഇത് പാനിൽ ഒഴിച്ച് അടുപ്പിൽ വെച്ചു  ചെറിയ തീയിൽ ഒരു മിനിട്ടു വെക്കുക.

പാലിൽ ചോളമാവു കലക്കിയത് ഇതിൽ ഒഴിച്ച് ഇളക്കുക. ഒരു മിനിട്ടു കൂടി തിളപ്പിച്ച ശേഷം അടുപ്പിൽ നിന്നും മാറ്റുക. ഇതിൽ കുരുമുളകുപൊടി വിതറി ചൂടോടെ വിളമ്പുക.

Pumpkin soup (mathan soup)

ആവശ്യമുള്ള സാധനങ്ങൾ :

മത്തൻ                                  : 1/2 കിലോ 

വലിയ ഉള്ളി                           : 1 ഇടത്തരം 

വെളുത്തുള്ളി                        : 2 അല്ലി 

വെജിറ്റബിൾ സ്റ്റോക്ക്        : ഒരു ക്യൂബ് 

വെണ്ണ                                    :1/2 ടീസ്പൂൺ 

മൈദ                                      : ഒരു ടീസ്പൂൺ 

ഉപ്പ് അല്പം 

ക്രീം                                        : ഒരു ടേബിൾസ്പൂൺ 

ചെയ്യുന്ന വിധം :

മത്തൻ ഇടത്തരം കഷ്ണങ്ങളായി മുറിച്ചു കഴുകി വെക്കുക.  ഉള്ളിയും ഇടത്തരം വലുപ്പത്തിൽ അരിഞ്ഞു വെക്കുക.

ഒരു പ്രഷർ കുക്കറിൽ മത്തനും ഉള്ളിയും  വെളുത്തുള്ളിയും അല്പം ഉപ്പും (വെജിറ്റബിൾ ക്യൂബിൽ  ഉപ്പുണ്ടെങ്കിൽ നോക്കി വേണ്ടതു ചേർത്തിയാൽ മതി)  ഒരു രണ്ടു കപ്പ് വെള്ളവും ചേർത്ത ശേഷം വേവിക്കുക.

തണുത്ത ശേഷം കുക്കർ തുറന്നു മിക്സിയിൽ അരച്ചു വെക്കുക.

ഒരു പാനിൽ വെണ്ണ ഉരുക്കി അതിൽ മൈദയിട്ടു വറുത്തു, നിറം മാറാതെ തന്നെ പച്ചമണം പോയി നല്ല മണം വന്നാൽ അരച്ചു വെച്ച മത്തനും സ്റ്റോക്ക് ക്യൂബും ചേർത്തി അര  കപ്പ് വെള്ളവും കൂടി ചേർത്തി ചെറിയ തീയിൽ രണ്ടു മിനിട്ടു തിളപ്പിക്കുക. ക്രീം ചേർത്തി ഇളക്കുക. അടുപ്പിൽ നിന്നും മാറ്റുക.

അല്പം  ക്രീമും ഒരു  മല്ലിയിലയും കൊണ്ട് അലങ്കരിക്കുക. ചൂടോടെ വിളംബുക!!

Chicken soup

കോഴി സൂപ്പ് 

ആവശ്യമുള്ള സാധനങ്ങൾ 

കോഴി എല്ലോടുകൂടിയ കഷ്ണം              : 2 

കാരറ്റ്                                                    : ഒരു ചെറുത് 

ക്യാപ്സിക്കം                                             : ഒരു കാൽ ഭാഗം 

പട്ട                                                          :ഒരു ചെറിയ കഷ്ണം 

വലിയ ഉള്ളി                                          : ഒരു പകുതി 

ഗ്രാംപൂ                                                  : 3 എണ്ണം 

വെളുത്തുള്ളി                                       : 2 എണ്ണം 

കുരുമുളകുപൊടി                               : 1/8 ടീസ്പൂൺ 

ഉപ്പ്‌ ആവശ്യത്തിന് 

വെണ്ണ                                                  : ഒരു ടീസ്പൂൺ 

കോൺഫ്ലവർ                                      : ഒരു ടീസ്പൂൺ 

ചെയ്യുന്ന വിധം 

ഉള്ളിയും ക്യാപ്സിക്കവും ചെറിയ ചതുര കഷണങ്ങളായി മുറിച്ചുവെക്കുക.

ഒരു പാനിൽ വെണ്ണ ചൂടാക്കി പട്ട, ഗ്രാംപൂ എന്നിവ ഇട്ടു ചൂടായ ശേഷം വെളുത്തുള്ളി അരിഞ്ഞതിട്ടു വഴറ്റുക. ഇതിൽ ഉള്ളിയും ക്യാപ്സിക്കവും കോഴി കഷ്ണവും കാരറ്റ് വട്ടത്തിലരിഞ്ഞതും എല്ലാം ഇട്ടു ഒന്നു വഴറ്റിയ ശേഷം 3  കപ്പ് വെള്ളം ഒഴിച്ച് ഉപ്പിട്ട ശേഷം നന്നായി തിളപ്പിക്കുക.  

കോഴി കഷണങ്ങൾ നന്നായി വേവിക്കുക. കോഴികഷ്ണങ്ങൾ എല്ലിൽ നിന്നും അടർത്തിയെടുത്തു എല്ലു കളയുക. പട്ടയും ഗ്രാന്പുവും എടുത്തുമാറ്റി കോൺഫ്ലവർ കാൽ കപ്പു വെള്ളത്തിൽ കലക്കി ഒഴിക്കണം. ഒന്നുകൂടി തിളപ്പിച്ച  ശേഷം അടുപ്പിൽ നിന്നും മാറ്റുക. വിളംബുന്ന പാത്രത്തിലേക്കു മാറ്റി കുരുമുളകുപൊടി മേലേതൂവി ചൂടോടെ കുടിക്കാം.

Vegetable soup

പച്ചക്കറി സൂപ്പ്

ആവശ്യമുള്ള സാധനങ്ങൾ :

കാരറ്റ്                             : 1 

കോളിഫ്ലവർ                   : 1/4 

കാപ്സികും                        : 1/2 

സുക്കിനി                        : 1/2 

ഉള്ളി                              : 1 

വെളുത്തുള്ളി                    : 2 അല്ലി 

വെണ്ണ                            : 1 ടേബിൾസ്പൂൺ 

മൈദ                             : 1 ടേബിൾസ്പൂൺ 

പാല്                              : 2 ടേബിൾസ്പൂൺ 

കോൺഫ്ലവർ                 : 1 ടീസ്പൂൺ 

ഉപ്പു് ആവശ്യത്തിന് 

കുരുമുളകുപൊടി             : 1/2 ടീസ്പൂൺ 

ചെയ്യുന്ന വിധം 

പച്ചക്കറികളെല്ലാം ചെറിയ ചതുര കഷ്ണങ്ങളാക്കി  മുറിക്കുക. 

ഒരു പാനിൽ വെണ്ണ ചൂടാക്കി വെളുത്തുള്ളി ചെറുതായി അരിഞ്ഞതിട്ടു വഴറ്റുക. ഇതിൽ ഉള്ളി അരിഞ്ഞതും ഇട്ടു വഴറ്റി നിറം മാറിതുടങ്ങുമ്പോൾ മൈദയിട്ടു അല്പനേരം  വറുത്ത ശേഷം അരിഞ്ഞുവെച്ച പച്ചക്കറികളിട്ടു  നാല് കപ്പു വെള്ളം ഒഴിച്ച് ഉപ്പും ചേർത്തു നന്നായി വേവിക്കുക. പാലിൽ കോൺഫ്ലവർ കലക്കി സൂപ്പിൽ ചേർക്കുക.

നന്നായി ഒന്നു തിളച്ച ശേഷം വിളമ്പുന്ന പാത്രത്തിലേക്കു മാറ്റുക. മേലെ കുരുമുളകുപൊടി തൂവി ചൂടോടെ കഴിക്കാം.

Mushroom soup

കൂണ്‍ സുപ്പ്

ആവശ്യമുള്ള സാധനങ്ങൾ :

കൂണ്‍                         : 200 ഗ്രാം 

വലിയ ഉള്ളി              : 1 ഇടത്തരം 

വെളുത്തുള്ളി               : 3 അല്ലി 

വെണ്ണ                       : 1 ടേബിൾസ്പൂണ്‍ 

പാല്                         : 1/2 കപ്പ്‌ 

ക്രീം                          : 3 ടേബിൾസ്പൂണ്‍ 

മൈദാ                       : 1 ടേബിൾസ്പൂണ്‍ 

ഉപ്പു്  ആവശ്യത്തിന് 

കുരുമുളകുപൊടി          : കാൽ ടീസ്പൂണ്‍ 

ചെയ്യുന്ന വിധം 

കൂണ്‍ ഘനമില്ലാതെ നീളത്തിൽ അരിഞ്ഞു വെക്കുക.

ഉള്ളിയും നീളത്തിൽ അരിഞ്ഞു വെക്കണം.

 

ഒരു പാനിൽ വെണ്ണ ചൂടാക്കി ഉള്ളി അരിഞ്ഞതും വെളുത്തുള്ളി അരിഞ്ഞതും ഒന്നു വഴറ്റുക.  ഇതിൽ കൂണ്‍ അരിഞ്ഞതും ചേർത്തി  നന്നായി വഴറ്റുക. നാലഞ്ചു കഷ്ണം കൂണ്‍ വഴറ്റിയത് മാറ്റി വെക്കണം. 

ഇനി മൈദയും ചേർത്തി ഒന്നു വഴറ്റി  (പച്ചമണം മാറുന്നതു  വരെ) തീ കെടുത്തുക. ഒരു കുപ്പ് വെള്ളം ചേർത്തി മിക്സിയിൽ അടിക്കുക. വീണ്ടും അടുപ്പിൽ വെച്ച് തീ ചെറുതാക്കി അരക്കപ്പ് പാലും ചേർത്തി തിളപ്പിക്കുക. ഇതിൽ മാറ്റിവെച്ച  കൂണ്‍ കഷ്ണങ്ങളും ക്രീമും ചേർത്തണം. ഉപ്പും കുരുമുളകുപൊടിയും ചേർത്തി അടുപ്പിൽ നിന്നും മാറ്റി വെച്ച് വിളമ്പുന്ന പാത്രത്തിലേക്കു മാറ്റുക. ചൂടോടെ കുടിക്കാം !!

 

Broccoli soup

ബ്രോക്കോലി സൂപ്പ്

ആവശ്യമുള്ള സാധനങ്ങൾ

ബ്രോക്കോലി                : 1 എണ്ണം 

വെണ്ണ                          : 1 ടേബിൾസ്പൂണ്‍ 

മൈദാ                          : 2 ടേബിൾസ്പൂണ്‍ 

മുട്ടക്കോസ്                    : ഒരു ചെറിയ കഷ്ണം 

ഉപ്പു് ആവശ്യത്തിന് 

വെള്ളം ആവശ്യത്തിന് 

കുരുമുളകുപൊടി             : 1ടീസ്പൂണ്‍ 

ഫ്രഷ്‌ ക്രീം                    : 1ടേബിൾസ്പൂണ്‍ 

ചെയ്യുന്ന വിധം

മുട്ടക്കോസ് ചിരവിയെടുക്കുക.

 ഒരു പ്രഷർ പാനിൽ വെണ്ണ ചൂടാക്കി മുട്ടക്കോസ്  ചിരവിയത് ചേർത്തി  ഒരു മിനിട്ടു വഴറ്റുക. അതിനു ശേഷം ബ്രോക്കോലി  ഓരോ ഇതളുകളാക്കി അതും ചേർത്തി 2 മിനിട്ട് വീണ്ടും വഴറ്റണം.

ഇതിൽ മൈദാ ചേർത്തി ഒന്നുകൂടി വഴറ്റി വെള്ളം, ഉപ്പു് എന്നിവ ചേർത്തി  മൂടി ഒന്നോ രണ്ടോ വിസിൽ വരും വരെ വേവിക്കുക. ആറിയ ശേഷം തുറന്ന്  മിക്സിയിൽ അടിച്ച് വിളമ്പുന്ന പാത്രത്തിൽ ഒഴിക്കുക. ഇതിൽ ഫ്രഷ്‌ ക്രീം ചേർത്തി  കുരുമുളകു പൊടിവിതറി കഴിക്കാവുന്നതാണ്.

Carrot Soup

കാരറ്റ് സൂപ്പ്

ആവശ്യമുള്ള സാധനങ്ങൾ

കാരറ്റ്                  : 4 എണ്ണം 

വലിയ ഉള്ളി        : 1/2 

തക്കാളി               : 1 ചെറുത്‌ 

വെളുത്തുള്ളി         : 2 അല്ലി 

ഇഞ്ചി                  : 1/2 "

ഉപ്പു്  ആവശ്യത്തിന് 

കുരുമുളകുപൊടി    : 1/2 ടീസ്പൂണ്‍ 

ചെയ്യുന്ന വിധം

കാരറ്റ് വട്ടത്തിൽ ഒരിഞ്ചു ഘനത്തിൽ അറിഞ്ഞു വെക്കുക.

ഉള്ളിയും തക്കാളിയും അരിഞ്ഞു വെക്കുക. കാരറ്റും, ഉള്ളിയും, തക്കാളിയും, വെളുത്തുള്ളിയും, ഇഞ്ചിയും ഉപ്പും ചേർത്തു  2 കപ്പ്‌ വെള്ളം ഒഴിച്ചു് പ്രഷർ കുക്കറിൽ നന്നായി വേവിക്കുക. 

കുക്കർ ആറിയ ശേഷം തുറന്ന്  മിക്സിയിൽ  അരക്കുക. തിരിച്ചു്  കുക്കറിൽ ഒഴിച്ച് ഒന്നു കൂടി തിളപ്പിക്കുക. ഇടത്തരം അയവോടെ ആയിരിക്കണം. വെള്ളം കൂടിപോയാൽ അല്പം കോണ്‍ഫ്ലവർ കാൽ കപ്പ്‌ വെള്ളത്തിൽ കലക്കി ഒഴിച്ച് ഒന്നുകൂടി തിളപ്പിക്കുക.

വെണ്ണ ഇഷ്ടപ്പെടുന്നവർക്ക് കോണ്‍ ഫ്ലവറിനു പകരം, മൈദ വെണ്ണയിൽ വറുത്തു അല്പം പാലും ചേർത്തു കലക്കി സൂപ്പിൽ ചേർത്തി ഒന്ന് തിളപ്പിച്ചാൽ നല്ല സ്വാദുണ്ടാവും.

Cauliflower soup

കോളിഫ്ലവർ സൂപ്പ് 

ആവശ്യമുള്ള സാധനങ്ങൾ 

കോളിഫ്ലവർ               : 1/2 

മുട്ടക്കോസ്  (cabbage )   

അരിഞ്ഞത്                : 1/4 കപ്പ്‌ 

വലിയ ഉള്ളി              : 1/2 

വെളുത്തുള്ളി               : 2 അല്ലി 

പാല്                         :1/4 കപ്പ്‌ 

മൈദ                         : 1 ടേബിൾസ്പൂണ്‍ 

ഉപ്പു് ആവശ്യത്തിന് 

കുരുമുളകുപൊടി         : 1/2 ടീസ്പൂണ്‍ 

വെണ്ണ                       : 1 ടേബിൾസ്പൂണ്‍

എണ്ണ                        : 1 ടീസ്പൂണ്‍ 

ചെയ്യുന്ന വിധം 

കോളിഫ്ലവർ ചെറുതാക്കി അരിഞ്ഞു  ചൂടുവെള്ളത്തിലിട്ടു  വെക്കുക. 

മുട്ടക്കോസ്  ചെറുതായി അരിഞ്ഞു  വെക്കുക.  ഒരു പാൻ  ചൂടാക്കി ഒരു ടീസ്പൂണ്‍  എണ്ണയൊഴിച്ച്  ഉള്ളി അരിഞ്ഞതും, വെളുത്തുള്ളിയും ചേർത്തി ചെറുതായി ഒന്നു വഴറ്റി കോസ് അരിഞ്ഞതും കോളിഫ്ലവറും ഉപ്പും മൂന്നു കപ്പ്‌ വെള്ളവും ചേർത്ത് പ്രഷർ കുക്കറിൽ  വേവിക്കുക. 

ഇത് ആറിയ ശേഷം മിക്സിയിൽ അടിക്കുക.  കുക്കറിൽ വെണ്ണ ചൂടാക്കി അതിൽ മൈദയിട്ടു പച്ചമണം മാറി വരുമ്പോൾ പാലൊഴിച്ച്  കട്ടകെട്ടാതെ ഇളക്കി മിക്സിയിൽ അടിച്ച  കോളിഫ്ലവർ ഒഴിച്ച് നന്നായി ഇളക്കുക. 

ചെറിയ തീയിൽ രണ്ടു മൂന്നു മിനിട്ടു തിളപ്പിച്ച ശേഷം തീയിൽ നിന്നും മാറ്റി വെക്കുക.

വിളമ്പുന്ന പാത്രത്തിൽ ഒഴിച്ചു് കുരുമുളകു പൊടിയിട്ട് ചൂടോടെ കഴിക്കാം.

Tomato soup

തക്കാളി സൂപ്പ് 

ആവശ്യമുള്ള സാധനങ്ങൾ 

തക്കാളി                       : 5 എണ്ണം
കാരറ്റ്                          : 1/2
ഉള്ളി                            : 1 ചെറുത്‌
വെളുത്തുള്ളി                 : 2 അല്ലി
റൊട്ടി കഷ്ണം                 : 2 എണ്ണം
വെണ്ണ                          : 1 ടേബിൾസ്പൂണ്‍
മൈദ                           : 1 ടേബിൾസ്പൂണ്‍
ഉപ്പു് ആവശ്യത്തിന്
കുരുമുളക്                      : 1/2 ടീസ്പൂണ്‍
പഞ്ചസാര                    : 1/2 ടീസ്പൂണ്‍ 


ചെയ്യുന്ന വിധം 
കാരറ്റും തക്കാളിയും ഉള്ളിയും  മുറിച്ചു വെക്കുക.
ഒരു പ്രഷർ കുക്കറിൽ വെണ്ണ ചൂടാക്കി അതിൽ മൈദയിട്ട് വറക്കുക.  ഇതിൽ തക്കാളി, ഉള്ളി, വെളുത്തുള്ളി, കാരറ്റ് എന്നിവ ചേർത്തി  3 കപ്പ്‌ വെള്ളം ഒഴിച്ചു്  കുക്കർ അടച്ചു വേവിക്കുക.
കുക്കർ ആറിയ ശേഷം തുറന്ന് ഒരു മിക്സിയിൽ അടിക്കുക. അതിനു ശേഷം അടുപ്പിൽ വെച്ച് ഉപ്പു ചേർത്തി ചെറിയ തീയിൽ രണ്ടു മൂന്ന് മിനിട്ട് തിളപ്പിക്കുക.  പഞ്ചസാര ചേർത്ത്  തീയിൽ നിന്നും മാറ്റുക.

റൊട്ടി കഷ്ണങ്ങൾ ദോശകല്ലിൽ വെച്ച് നന്നായി തിരിച്ചും മറിച്ചും ഇട്ട് ചൂടാക്കുക. വേണമെങ്കിൽ അല്പം  നെയ്യോ വെണ്ണയോ തടവിയ ശേഷം ചൂടാക്കാം. എന്നിട്ട് ചെറിയ ചതുര കഷ്ണങ്ങളാക്കി മുറിച്ചു വെക്കുക.
സൂപ്പ് വിളമ്പുന്ന പത്രത്തിലേക്ക് മാറ്റുക. കുരുമുളകുപൊടി വിതറി റൊട്ടികഷ്ണങ്ങൾ ഇട്ടു ചൂടോടെ കഴിക്കാം.