കോളിഫ്ലവർ സൂപ്പ്
ആവശ്യമുള്ള സാധനങ്ങൾ
കോളിഫ്ലവർ : 1/2
മുട്ടക്കോസ് (cabbage )
അരിഞ്ഞത് : 1/4 കപ്പ്‌
വലിയ ഉള്ളി : 1/2
വെളുത്തുള്ളി : 2 അല്ലി
പാല് :1/4 കപ്പ്‌
മൈദ : 1 ടേബിൾസ്പൂണ്‍
ഉപ്പു് ആവശ്യത്തിന്
കുരുമുളകുപൊടി : 1/2 ടീസ്പൂണ്‍
വെണ്ണ : 1 ടേബിൾസ്പൂണ്‍
എണ്ണ : 1 ടീസ്പൂണ്‍
ചെയ്യുന്ന വിധം
കോളിഫ്ലവർ ചെറുതാക്കി അരിഞ്ഞു ചൂടുവെള്ളത്തിലിട്ടു വെക്കുക.
മുട്ടക്കോസ് ചെറുതായി അരിഞ്ഞു വെക്കുക. ഒരു പാൻ ചൂടാക്കി ഒരു ടീസ്പൂണ്‍ എണ്ണയൊഴിച്ച് ഉള്ളി അരിഞ്ഞതും, വെളുത്തുള്ളിയും ചേർത്തി ചെറുതായി ഒന്നു വഴറ്റി കോസ് അരിഞ്ഞതും കോളിഫ്ലവറും ഉപ്പും മൂന്നു കപ്പ്‌ വെള്ളവും ചേർത്ത് പ്രഷർ കുക്കറിൽ വേവിക്കുക.
ഇത് ആറിയ ശേഷം മിക്സിയിൽ അടിക്കുക. കുക്കറിൽ വെണ്ണ ചൂടാക്കി അതിൽ മൈദയിട്ടു പച്ചമണം മാറി വരുമ്പോൾ പാലൊഴിച്ച് കട്ടകെട്ടാതെ ഇളക്കി മിക്സിയിൽ അടിച്ച കോളിഫ്ലവർ ഒഴിച്ച് നന്നായി ഇളക്കുക.
ചെറിയ തീയിൽ രണ്ടു മൂന്നു മിനിട്ടു തിളപ്പിച്ച ശേഷം തീയിൽ നിന്നും മാറ്റി വെക്കുക.
വിളമ്പുന്ന പാത്രത്തിൽ ഒഴിച്ചു് കുരുമുളകു പൊടിയിട്ട് ചൂടോടെ കഴിക്കാം.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ