വാഴക്ക മെഴുക്കുപുരട്ടി
ആവശ്യമുള്ള സാധനങ്ങൾ
വാഴക്ക : 2
ചെറിയ ഉള്ളി : 10 എണ്ണം
പച്ചമുളക് : 2-3 എണ്ണം
വെളിച്ചെണ്ണ : 2 ടേബിൾസ്പൂണ്‍
കറിവേപ്പില : 1 തണ്ട്
മഞ്ഞപ്പൊടി : അരടീസ്പൂണ്‍
ഉപ്പു് : ആവശ്യത്തിന്
ചെയ്യുന്ന വിധം
വാഴക്ക ചെറിയ കഷ്ണങ്ങളായി മുറിച്ച് അല്പം മഞ്ഞപൊടി ചേർത്ത വെള്ളത്തിലിട്ടു വെക്കുക.
ചെറിയ ഉള്ളി നീളത്തിലരിഞ്ഞു വെക്കുക . പച്ചമുളകും നീളത്തിൽ രണ്ടായി മുറിക്കുക.
വാഴക്ക നന്നായി കഴുകി വാരി വെച്ച് ഒരു പാത്രത്തിൽ അല്പം വെള്ളം ചേർത്ത് വേവിക്കുക. അര വേവാകുമ്പോൾ ഉപ്പു ചേർക്കുക. വെന്ത ശേഷം തീയിൽ നിന്നും മാറ്റി വെക്കുക. ഒരു ചീനച്ചട്ടിയിൽ വെളിച്ചെണ്ണയൊഴിച്ച് ചൂടായ ശേഷം അരിഞ്ഞ ഉള്ളിയും പച്ചമുളകും ഒന്നു വഴറ്റിയ ശേഷം വേവിച്ചു വെച്ച വാഴക്ക ചേർത്തു നന്നായി ഇളക്കി തീ കുറച്ചു വെക്കുക. ഇടക്കിടക്ക് ഇളക്കി കൊടുക്കുക. എണ്ണ പോരെങ്കിൽ അല്പം കൂടെ ഒഴിക്കുക. അഞ്ചു മിനിട്ടോളം ഇങ്ങിനെചെയ്തു തീയിൽ നിന്നും മാറ്റി കറിവേപ്പില ചേർക്കുക.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ