മീൻ ബിരിയാണി
ആവശ്യമുള്ള സാധനങ്ങൾ :
മീൻ (നെയ്മീൻ,ഐക്കോറ അല്ലെങ്കിൽ
ഏതെങ്കിലും ദശ കട്ടിയുള്ള മീൻ ) : 1 കിലോ
ബാസ് മതി അരി : ഒന്നര കപ്പ്‌
വലിയ ഉള്ളി : 2 വലുത്
പച്ചമുളക്
(നീളത്തിൽ കീറിയത് ) : 2 എണ്ണം
പട്ട : 1 " നീളത്തിൽ
ഗ്രാമ്പൂ : 4 എണ്ണം
വഴനയില (bay leaf) : 1 വലുത്
ഏലക്കായ : 4 എണ്ണം
നെയ്യ് : 2 സ്പൂണ്‍
തക്കാളി : 2 എണ്ണം
തേങ്ങാപാൽ : 2 കപ്പ്‌
ഉപ്പ് : ആവശ്യത്തിന്
ഇഞ്ചി : 1 ചെറിയ കഷ്ണം
നാരങ്ങ നീര് : 1 ടീ സ്പൂണ്‍
മുളക് പൊടി : 1 ടീസ്പൂണ്‍
മഞ്ഞപ്പൊടി : ഒരു നുള്ള്
എണ്ണ ആവശ്യത്തിന്
മല്ലിത്തല കുറച്ച്
ഉള്ളി നീളത്തിലരിഞ്ഞ് വറുത്തത് കുറച്ച്
ചെയ്യുന്ന വിധം
മീൻ ഒരിഞ്ചു വീതിയിൽ ചെറിയ കഷണങ്ങളാക്കി മുറിച്ചു നന്നായി കഴുകി വെക്കുക.
മുളകു പൊടിയും ആവശ്യത്തിനു ഉപ്പും മഞ്ഞപ്പൊടിയും നാരങ്ങനീരും ചേർത്തു കുഴച്ചു മീനിൽ പുരട്ടി 20 മിനിറ്റ് വെക്കുക .
ഉള്ളി ചെറുതായരിഞ്ഞു വെക്കുക. പച്ചമുളക് നീളത്തിൽ കീറി വെക്കുക. ഇഞ്ചിയും വെളുത്തുള്ളിയും ചേർത്തരച്ചു വെക്കുക.
അരി 10 മിനിട്ട് വെള്ളത്തിലിട്ടു വെക്കുക.
തക്കാളി അരച്ചുവെക്കുക. തേങ്ങാപാൽ 2 കപ്പ്‌ എടുത്തു വെക്കുക. തക്കാളി അരച്ചതും തേങ്ങാപാലും ചേർന്ന് ഏകദേശം 3 കപ്പോളം ഉണ്ടാവണം.
ഒരു ചീനച്ചട്ടിയിൽ 2 സ്പൂണ്‍ നെയ്യൊഴിച്ച് ചൂടാക്കി പട്ട, ഗ്രാമ്പൂ, വഴനയില, ഏലക്കായ എന്നിവയിട്ട് വറുത്തു വെക്കുക. റൈസ് കുക്കറിൽ തക്കാളി അരച്ചതും തേങ്ങാപാലും ചേർത്തതിൽ അരി കഴുകിയിട്ട് ആവശ്യത്തിനു ഉപ്പും, വറുത്തു വെച്ച പട്ട ഗ്രാമ്പൂ എന്നിവയുംചേർത്തു വേവിക്കുക. റൈസ് കുക്കറില്ലെങ്കിൽ പ്രഷർ കുക്കറായാലും മതി. ഒരു വിസിൽ വന്നതും തീയിൽ നിന്നും മാറ്റി വെക്കുക.
ഒരു പരന്ന നോണ്‍സ്റ്റിക് പാനിൽ കുറച്ച് എണ്ണയൊഴിച്ച് ചൂടായ ശേഷം മീൻ അതിലിട്ട് വറുത്തു കോരുക . ഒരുപാടു മൊരിയാതെ ഒരു പതത്തിൽ വേണം വറക്കാൻ.
അതേ പാനിൽ കുറച്ചു കൂടി എണ്ണയൊഴിച്ച് ചൂടായ ശേഷം ചെറുതായരിഞ്ഞ ഉള്ളി ചേർത്തു നന്നായി വഴറ്റുക. അതിൽ അരച്ച വെളുത്തുള്ളിയും, ഇഞ്ചിയും ചേർത്ത് പച്ചമണം പോകുന്നതു വരെ വഴറ്റുക. ഇതിൽ നീളത്തിലരിഞ്ഞ പച്ചമുളകും ചേർത്തു വഴറ്റിയ ശേഷം വേവിച്ചു വെച്ച അരി ചേർത്തിളക്കുക . ഇതിൽ വറുത്തു വെച്ച മീൻ ചേർത്തി പൊടിഞ്ഞു പോകാതെ ഇളക്കുക. മല്ലിയില അരിഞ്ഞതും വറുത്തു വെച്ച ഉള്ളിയും കൊണ്ട് അലങ്കരിക്കുക.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ