ചുണ്ടങ്ങ വറ്റൽ കുഴമ്പ് തമിഴ്‌നാടിന്റെ കറിയാണ്. ചോറിന്റെ കൂടെ കഴിക്കാൻ ഈ കറി നല്ല സ്വാദുണ്ടാവും.
ആവശ്യമുള്ള സാധനങ്ങൾ :
പൊടിക്കാൻ :
ചുവന്ന മുളക് : 4 എണ്ണം
മല്ലി : ഒരു ടേബിൾസ്പൂൺ
തുവര പരുപ്പ് : ഒരു ടീസ്പൂൺ
ഉഴുന്നു പരുപ്പ് : ഒരു ടീസ്പൂൺ
കുരുമുളക് : 1 ടീസ്പൂൺ
ജീരകം : 1/2 ടീസ്പൂൺ
ഉലുവ : 1/4 ടീസ്പൂൺ
ചുണ്ടങ്ങ കൊണ്ടാട്ടം : 1/2 കപ്പ്
എണ്ണ
പുളി : ഒരു ചെറുനാരങ്ങാ വലുപ്പത്തിൽ
കടുക് : അര ടീസ്പൂൺ
കറിവേപ്പില : ഒരു തണ്ട്
നല്ലെണ്ണ : 1/4
ജീരകം : ഒരു നുള്ള്
ചെയ്യുന്ന വിധം :
"പൊടിക്കാൻ" എന്ന കീഴിലുള്ള എല്ലാ സാധനങ്ങളും എണ്ണയില്ലാതെ ചീനച്ചട്ടി ചൂടാക്കി വറുക്കുക. ഒന്ന് ആറിയ ശേഷം മിക്സിയിലിട്ടു പൊടിച്ചു വെക്കുക.
പുളി 20 മിനിട്ടു വെള്ളത്തിലിട്ടു വെച്ചു അതിനു ശേഷം പിഴിഞ്ഞെടുത്തു പുളിവെള്ളം എടുത്തുവെക്കുക.
ഒരു ചട്ടി അല്ലെങ്കിൽ ചീനച്ചട്ടി ചൂടാക്കി നല്ലെണ്ണയൊഴിച്ചു ചുണ്ടങ്ങ വറുത്തു കോരി വെക്കുക. ബാക്കി എണ്ണയിൽ കടുകും ജീരകവും ഇട്ടു പൊട്ടിയ ശേഷം കറിവേപ്പില ചേർത്തു ഇതിൽ വറുത്തു പൊടിച്ചു വെച്ച പൊടി ചേർത്തി നന്നായി ഇളക്കുക. ഇതിൽ പിഴിഞ്ഞു വെച്ച പുളിവെള്ളം ചേർത്തി മഞ്ഞപ്പൊടിയും ഉപ്പും (ഉപ്പു ചേർക്കുമ്പോൾ സൂക്ഷിക്കണം, കാരണം കൊണ്ടാട്ടത്തിലും ഉപ്പുണ്ടാവും) ചേർത്തി നന്നായി തിളപ്പിക്കുക.
ഇതിൽ വറുത്തുവെച്ച ചുണ്ടങ്ങയും ചേർത്തി ഒന്നുക്കൂടി തിളച്ചു കറി കുറുകി വരുമ്പോൾ വാങ്ങി വെക്കുക.
ചൂടു ചോറിന്റെ കൂടെ കഴിക്കാം!
ഇതിൽ വറുത്തുവെച്ച ചുണ്ടങ്ങയും ചേർത്തി ഒന്നുക്കൂടി തിളച്ചു കറി കുറുകി വരുമ്പോൾ വാങ്ങി വെക്കുക.
ചൂടു ചോറിന്റെ കൂടെ കഴിക്കാം!
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ