Varutharacha mathi curry

വറുത്തരച്ച  മത്തി കറി 

ആവശ്യമുള്ള സാധനങ്ങൾ 

മത്തി                               : 1/2 കിലോ 

പുളി                                 : ഒരു നാരങ്ങ വലുപ്പത്തിൽ 

ഉപ്പു്   ആവശ്യത്തിന് 

മഞ്ഞപ്പൊടി                    : 1/4 ടീസ്പൂണ്‍ 

ചെറിയ ഉള്ളി                  : 5 എണ്ണം 

വെളിച്ചെണ്ണ                    : 2 ടേബിൾസ്പൂണ്‍ 

കറിവേപ്പില                    : 1 തണ്ട് 

ഇഞ്ചി                             : 1" കഷ്ണം 

വെളുത്തുള്ളി                    : 2 അല്ലി 

ചെറിയ ഉള്ളി                  : 4 എണ്ണം

വറുത്തരക്കാൻ   വേണ്ട സാധനങ്ങൾ :

ചുവന്ന മുളക്                  : 4 എണ്ണം 

മല്ലി                              : 2 ടേബിൾസ്പൂണ്‍ 

ഉലുവ                            : 1/4 ടീസ്പൂണ്‍ 

തേങ്ങ ചിരവിയത്        : 1/4 കപ്പ്‌ 

ചെറിയ ഉള്ളി               : 4 എണ്ണം  

ചെയ്യുന്ന വിധം

മത്തി നന്നായി കഴുകി വെക്കുക.  ഇതിൽ അല്പം മഞ്ഞപ്പൊടിയും ഉപ്പും നാരങ്ങനീരും പുരട്ടിവെച്ചാൽ കുറച്ചുകൂടി സ്വാദുണ്ടാവും.

     

മുളകും മല്ലിയും ഉലുവയും  ഒരു സ്പൂണ്‍ എണ്ണയിൽ നന്നായി വറുക്കുക, ഇതിൽ തേങ്ങ ചിരവിയതും ചേർത്തി ഒന്നു കൂടി വറുത്ത്  ആറിയ ശേഷം മിക്സിയിൽ അരക്കുക. പാതി അരഞ്ഞ ശേഷം അതിൽ  ഉള്ളിയും വെളുത്തുള്ളിയും ഇഞ്ചിയും  ചേർത്തി നന്നായി അരച്ച് വെക്കുക.
പുളി  ഒരു മുപ്പതു മിനിട്ട്  രണ്ടു കപ്പ്‌ വെള്ളത്തിലിട്ടു വെച്ച  ശേഷം പിഴിഞ്ഞെടുത്തു  മാറ്റി വെക്കുക.

ഒരു പാത്രത്തിൽ ഈ അരച്ച മസാലയും പുളിയും കൂടി തിളപ്പിക്കുക. ഇതിൽ ഉപ്പും മഞ്ഞപ്പൊടിയും ചേർത്തുക.  ഒരു അഞ്ചു മിനിട്ട് തിളപ്പിച്ച ശേഷം മത്തി ചേർത്തുക. മത്തി  ചേർത്ത  ശേഷം പതുക്കെ ഇളക്കുക, മീൻ  പൊടിഞ്ഞു പോകാതെ സൂക്ഷിക്കണം. രണ്ടു മിനിട്ടു കഴിഞ്ഞതും തീയിൽ നിന്നും മാറ്റുക, കറിവേപ്പില ചേർക്കുക.
ചെറിയ ഉള്ളി ചെറുതായരിഞ്ഞു  വെക്കുക.
ഒരു ചീനച്ചട്ടിയിൽ  ബാക്കി എണ്ണ  ചൂടാക്കി അതിൽ  അരിഞ്ഞ ഉള്ളിയിട്ട്  ഇളം ബ്രൌണ്‍ നിറത്തിൽ  വറുത്ത ശേഷം മീൻ കറിയിൽ ചേർക്കുക.  ചൂടു ചോറിന്റെ കൂടെ  കഴിക്കാൻ നന്നായിരിക്കും!

Mutta Roast / Egg roast

മുട്ട റോസ്റ്റ്

ആവശ്യമുള്ള സാധനങ്ങൾ 

മുട്ട വേവിച്ചത്                          :  എണ്ണം 

വലിയ ഉള്ളി                           : 2 എണ്ണം 

പച്ചമുളക്                               : 1 

തക്കാളി                                 : 1 വലുത് 

വെളുത്തുള്ളി ഇഞ്ചി അരച്ചത്‌    : 1 ടീസ്പൂണ്‍ 

മുളകുപൊടി                            : 1 ടീസ്പൂണ്‍ 

മല്ലിപ്പൊടി                             : 1 ടീസ്പൂണ്‍ 

മഞ്ഞപ്പൊടി                          : 1/8 ടീസ്പൂണ്‍ 

ഉപ്പു് ആവശ്യത്തിന് 

ഗരം മസാല                           : ഒരു നുള്ള്
എണ്ണ                                    : 2 ടേബിൾസ്പൂണ്‍

എണ്ണ ആവശ്യത്തിന് 

മല്ലിയില അലങ്കരിക്കാൻ

ചെയ്യുന്ന വിധം 

മുളകുപൊടിയും മല്ലിപ്പൊടിയും മഞ്ഞപ്പൊടിയും കൂടി ഒരു ടേബിൾസ്പൂണ്‍  എണ്ണയിൽ കലർത്തി  വെക്കുക. 

ഉള്ളി നീളത്തിൽ അരിഞ്ഞു വെക്കുക. പച്ചമുളക് കീറി വെക്കുക.

ഒരു ചീനച്ചട്ടിയിൽ ബാക്കി എണ്ണയൊഴിച്ച് ഉള്ളി അരിഞ്ഞതിട്ടു  വഴറ്റുക. ഇതിൽ ഇഞ്ചി വെളുത്തുള്ളി അരച്ചതും ചേർത്തി ഒന്ന് കൂടി വഴറ്റി പച്ചമുളകു കീറിയതും ചേർത്തുക. ഇതിൽ പൊടികൾ മിക്സ്‌ ചെയ്തു വെച്ചതും ചേർത്തി ചെറുതീയിൽ നന്നായി വഴറ്റിയ ശേഷം തക്കാളി അരിഞ്ഞതും  ഉപ്പും ചേർക്കുക. എണ്ണ തെളിഞ്ഞു വന്നാൽ വേവിച്ച മുട്ട തോലു കളഞ്ഞ ശേഷം ഇതിൽ ചേർക്കുക. മസാല മുട്ടയിൽ പൊതിഞ്ഞ പരുവത്തിൽ അടുപ്പിൽ നിന്നും വാങ്ങുക. വിളമ്പുന്ന പാത്രത്തിലേക്കു മാറ്റി മല്ലിയില തൂവുക.

Uluva dosa

ഉലുവ ദോശ 

ആവശ്യമുള്ള സാധനങ്ങൾ 

ഇഡ്ഡലി അരി                 : 3 കപ്പ്‌ 

ഉലുവ                            : 1/4 കപ്പ്‌ 

ഉപ്പു് ആവശ്യത്തിന്

നല്ലെണ്ണ  ആവശ്യത്തിന് 

ചെയ്യുന്ന വിധം

അരിയും ഉലുവയും കഴുകി   ഒരുമിച്ചു രണ്ടു മണിക്കൂർ  വെള്ളത്തിൽ കുതിരാനിടുക. 

കുതിർന്ന അരി നന്നായി കഴുകി മിക്സിയിലൊ അല്ലെങ്കിൽ   െെഗ്രന്ററിലോ മയത്തിൽ  അരച്ചു  വെക്കുക. ഉപ്പും ചേർത്തി പുളിക്കാൻ വെക്കുക. വൈകിട്ട് അരച്ചാൽ രാവിലേക്ക്  പാകം ശരിയായിരിക്കും.

ഒരു കുഴിയുള്ള ദോശക്കല്ലിൽ  ഒരു കയിൽ നിറയെ മാവെടുത്ത്‌ ഒഴിച്ച് ചെറുതായി പരത്തുക,

ചുറ്റും അല്പം നല്ലെണ്ണ ഒഴിച്ച് ഒരു മൂടി കൊണ്ട് മൂടി വെക്കുക.   ചുറ്റും ഇളം ബ്രൌണ്‍ നിറം വരുമ്പോൾ മൂടി മാറ്റി തിരിച്ചടാം, തിരിചിട്ടില്ലെങ്കിലും കുഴപ്പമില്ല, മൂടിയതു കൊണ്ട് വെന്തിട്ടുണ്ടാവും. കല്ലിൽ നിന്നു  മാറ്റി ബാക്കി മാവും ഇതേ പോലെ ദോശയുണ്ടാക്കുക.  ഉള്ളി ചമ്മന്തി കൂട്ടി കഴിക്കാൻ നന്നായിരിക്കും.

Kumbalanga ( White pumpkin) mulagushyam

കുമ്പളങ്ങ മുളകുഷ്യം 

ആവശ്യമുള്ള സാധനങ്ങൾ :

കുമ്പളങ്ങ                   : 1/2   കിലോ

തുവര പരുപ്പ്              : 1/2 കപ്പ്‌ 

തേങ്ങ ചിരവിയത്     : 1 കപ്പ്‌ 

ജീരകം                     : 1/4  ടീസ്പൂണ്‍ 

ഉപ്പു് ആവശ്യത്തിന് 

മഞ്ഞപ്പൊടി             : 1/8 ടീസ്പൂണ്‍ 

മുളകുപൊടി              : 1 ടീസ്പൂണ്‍ 

കറിവേപ്പില             : ഒരു തണ്ട് 

കടുക്                      : 1/2 ടീസ്പൂണ്‍ 

ചുവന്ന മുളക്            : 2 എണ്ണം

എണ്ണ                      : 1 ടീസ്പൂണ്‍

ചെയ്യുന്ന വിധം

കുമ്പളങ്ങ ചെറിയ ചതുര കഷ്ണങ്ങളാക്കി നുറുക്കി വെക്കുക.

തേങ്ങയും ജീരകവും ഒന്നിച്ചു മയത്തിൽ അരച്ച് വെക്കുക.

തുവരപരുപ്പ് ആവശ്യത്തിനു വെള്ളം ചേർത്തി മയത്തിൽ വേവിക്കുക.  ഇതിൽ കുമ്പളങ്ങ അരിഞ്ഞതും ഉപ്പും മുളകുപൊടിയും മഞ്ഞപ്പൊടിയും ചേർത്തി  വേവിക്കുക.   ഇതിൽ അരച്ച തേങ്ങയും ചേർത്തി നന്നായി ഇളക്കുക. 

ഇതൊരു കുറുകിയ കറിയാണ് , അതനുസരിച്ചു  പാകത്തിൽ വെള്ളം ചേർത്തി നന്നായി ഇളക്കി തിളപ്പിക്കുക.

ഒരു ചീനചട്ടിയിൽ എണ്ണ  ചൂടാക്കി കടുകിട്ടു പൊട്ടുമ്പോൾ മുളകു രണ്ടായി പൊട്ടിച്ചതും കറിവേപ്പിലയും ചേർത്തി ഈ കറിയിൽ ഒഴിക്കുക.  മുളകുഷ്യം തയാർ!

Semiya Halwa

സേമിയ ഹൽവ 

സേമിയ                   : 1 കപ്പ്‌ 

പഞ്ചസാര               : 3/4 കപ്പ്‌ 

നെയ്യ്                      : 2 ടേബിൾസ്പൂണ്‍ 

അണ്ടിപരുപ്പ്           : 10 എണ്ണം 

ഏലക്കായ              : 4 എണ്ണം 

ചെയ്യുന്ന വിധം

ഒരു പാൻ ചൂടാക്കി സേമിയ അതിലിട്ടു  ഇളം ബ്രൌണ്‍ നിറം വരുന്നതു വരെ വറുത്തു  വെക്കുക.

 നെയ്യ്  ചൂടാക്കി അണ്ടിപരുപ്പു  വറുക്കുക. വറുത്ത അണ്ടിപരുപ്പു നെയ്യിൽ നിന്നും മാറ്റിയ ശേഷം അതിൽ 3 കപ്പ്‌ വെള്ളം ഒഴിച്ചു തിളക്കുമ്പോൾ വറുത്ത സേമിയ ചേർത്തി വേവിക്കുക. വെന്ത ശേഷം പഞ്ചസാര ചേർത്തി നന്നായി ഇളക്കുക.

പഞ്ചസാര അലിഞ്ഞ ശേഷം ചെറിയ തീയിൽ രണ്ടു  മിനിട്ട് ഇളക്കിയ ശേഷം തീയിൽ നിന്നും മാറ്റുക.

നല്ല നിറം വേണമെങ്കിൽ രണ്ടു തുള്ളി കളർ ചേർത്താം.

വറുത്ത അണ്ടിപരുപ്പു കൊണ്ടലങ്കരിക്കുക. സേമിയ ഹൽവ  റെഡി!!

 

Veluthulli pickle / Garlic pickle

വെളുത്തുള്ളി അച്ചാർ

ആവശ്യമുള്ള സാധനങ്ങൾ :

വെളുത്തുള്ളി                 : 2 കുടം (ബൾബ്‌)

മുളകുപൊടി                  : 1ടേബിൾസ്പൂണ്‍ 

ഉലുവ                           : 1/4 ടീസ്പൂണ്‍ 

നല്ലെണ്ണ                       : 3 ടേബിൾസ്പൂണ്‍ 

പുളി പേസ്റ്റ്                   : 1/4 ടീസ്പൂണ്‍ 

ഉപ്പു്     ആവശ്യത്തിന്

ചെയ്യുന്ന വിധം :

ഉലുവ ചീനച്ചട്ടിയിലിട്ടു എണ്ണയില്ലാതെ വറുത്തു പൊടിക്കുക.

വെളുത്തുള്ളി അല്ലികളാക്കുക, വലിയ അല്ലിയാണെങ്കിൽ ഒന്നു നീളത്തിൽ അരിയുക.

ഒരു ചീനച്ചട്ടിയിൽ എണ്ണയൊഴിച്ച് വെളുത്തുള്ളി ഇളം ബ്രൌണ്‍ നിറത്തിൽ വറുത്തെടുക്കുക. 

വെളുത്തുള്ളി എണ്ണയിൽ നിന്നും മാറ്റിയ ശേഷം അതിൽ മുളകുപൊടിയും ഉലുവാപ്പൊടിയും  കായവും ഇടുക. ഇതിൽ പുളി പേസ്റ്റും ഉപ്പും ചേർത്തി നന്നായി ഇളക്കിയ ശേഷം വറുത്ത വെളുത്തുള്ളി ചേർത്തി ഇളക്കുക. 

പുളിക്കു പകരം വിനിഗർ ചേർത്താലും മതി.

നന്നായി ആറിയ ശേഷം വെള്ളമില്ലാത്ത കുപ്പിയിലേക്കു മാറ്റുക.

Kollu upperi / Muthira upperi

കൊള്ള് / മുതിര ഉപ്പേരി :

 

ആവശ്യമുള്ള സാധനങ്ങൾ :

കൊള്ള് / മുതിര                     : 1 കപ്പ്‌  

ചുവന്ന മുളക്                         : 4-5 

ചെറിയ ഉള്ളി                       : 6 എണ്ണം 

ഉപ്പു്    ആവശ്യത്തിന് 

എണ്ണ                                   : 2 ടേബിൾ സ്പൂണ്‍ 

ചെയ്യുന്ന വിധം :

കൊള്ള്  നന്നായി കഴുകി വെക്കുക. കുറച്ചു നേരം വെള്ളത്തിൽ കുതിർത്തി  വെച്ചാൽ പെട്ടെന്നു വെന്തു കിട്ടും.

ഉള്ളിയും മുളകും ചേർത്തു ചതച്ചു  വെക്കുക.

 കൊള്ള് പ്രഷർ കുക്കറിൽ ആവശ്യത്തിനു വെള്ളവും  ഉപ്പും ചേർത്തി നന്നായി വേവിക്കുക. ജാസ്തി വെള്ളമുണ്ടെങ്കിൽ ഊറ്റിക്കളയുക. 

ഒരു ചീനച്ചട്ടിയിൽ എണ്ണയൊഴിച്ച് ചതച്ച ഉള്ളിയും മുളകും വഴറ്റുക. ഇതിൽ വേവിച്ച കൊള്ളൂ ചേർത്തി അൽപനേരം നന്നായി ഇളക്കുക.   ആവശ്യമുണ്ടെങ്കിൽ അല്പം എണ്ണ ചേർത്താം. 

ചൂടുള്ള ചോറിന്റെ കൂടെ കഴിക്കാൻ നന്നായിരിക്കും.