പാൽ പായസം
ആവശ്യമുള്ള സാധനങ്ങൾ
മട്ട പൊടിയരി : 1/4 കപ്പ്‌
പാല് : 1 ലിറ്റർ
മിൽക്ക് മെയിഡ് : 1/2 ടിൻ
പഞ്ചസാര : 1/4 കപ്പ്‌
നെയ്യ് :1 ടേബിൾസ്പൂണ്‍
മുന്തിരിങ്ങ :1 ടേബിൾസ്പൂണ്‍
അണ്ടിപരുപ്പ് : 8 എണ്ണം
ഏലക്കാപ്പൊടി : ഒരു നുള്ള്
ചെയുന്ന വിധം
പൊടിയരി നന്നായി കഴുകി വെക്കുക.
പ്രഷർ കുക്കറിൽ പാൽ തിളപ്പിക്കുക. ഇതിൽ കഴുകി വെച്ച അരിയിട്ട് ഇളക്കി ചെറിയ തീയിൽ വേവിക്കുക. അരി മുക്കാൽ വേവായാൽ മിൽക്ക്‌മെയിഡ് ഒരു കപ്പ്‌ വെള്ളത്തിൽ കലക്കി ഇതിൽ ഒഴിക്കുക. തിളച്ച ശേഷം പഞ്ചസാര ചേർക്കുക. ചെറിയ തീയിൽ വെച്ച് ഇടയ്ക്കിടയ്ക്ക് ഇളക്കി കുറുകാൻ തുടങ്ങുമ്പോൾ വാങ്ങിവെക്കുക.
നെയ്യ് ചൂടാക്കി അണ്ടിപരുപ്പും മുന്തിരിങ്ങയും വറുത്തു പായസത്തിൽ ചേർക്കുക. എലക്കപ്പൊടിയും ചേർത്തി വിളമ്പുന്ന പാത്രത്തിലേക്കു മാറ്റുക.
ഈ പായസം പ്രഷർ കുക്കറിൽ വെക്കുകയാണെങ്കിൽ ഇനിയും എളുപ്പമാണ്.
നാല് കപ്പ്‌ പാല് കുക്കറിൽ തിളപ്പിച്ച്‌ കാൽ കപ്പ്‌ അരിയും മുക്കാൽ കപ്പ്‌ പഞ്ചസാരയും എലക്കപ്പൊടിയും ചേർത്തി കുക്കർ അടച്ച് വെയിറ്റ് ഇട്ട് തീ കുറച്ച് മൂന്നു വിസിൽ വന്നാൽ അടുപ്പിൽ നിന്നും മാറ്റി കുക്കർ ആറിയ ശേഷം തുറന്ന് നെയ്യിൽ അണ്ടിപരുപ്പും മുന്തിരിങ്ങയും വറുത്തു കൊട്ടിയാൽ പായസം റെഡിയായി!!...
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ