തക്കാളി അച്ചാർ
ആവശ്യമുള്ള സാധനങ്ങൾ
തക്കാളി : 10എണ്ണം
മുളകുപൊടി : 1ടേബിൾസ്പൂണ്‍
മഞ്ഞപ്പൊടി : 1/4 ടീസ്പൂണ്‍
ഉപ്പു് ആവശ്യത്തിന്
കടുക് : 1 ടീസ്പൂണ്‍
ഉലുവപ്പൊടി : 1/4 ടീസ്പൂണ്‍
കായപ്പൊടി : 1/4 ടീസ്പൂണ്‍
പുളി പേസ്റ്റ് : 1 ടീസ്പൂണ്‍
നല്ലെണ്ണ : 2 ടേബിൾസ്പൂണ്‍
വെളുത്തുള്ളി : 10 അല്ലി
വറ്റൽമുളക് : 2 എണ്ണം
ചെയ്യുന്ന വിധം
ഒരു അടി കട്ടിയുള്ള പാനിൽ നല്ലെണ്ണയൊഴിച്ചു ചൂടായശേഷം കടുകിട്ട് പൊട്ടുമ്പോൾ മുളകു പൊട്ടിച്ചതും വെളുത്തുള്ളിയും ഇട്ടു വഴറ്റുക. ഇതിൽ തക്കാളി മുറിച്ചതും ഉപ്പും മഞ്ഞപ്പൊടിയും ഇട്ട് നന്നായി വഴറ്റണം. തക്കാളി നന്നായി ഉടഞ്ഞാൽ മുളകുപൊടിയും പുളിയുടെ പേസ്റ്റും ചേർത്തി നന്നായി ഇളക്കണം.
.jpg)
ചെറിയ തീയിൽ എണ്ണ തെളിഞ്ഞു വരുന്നതുവരെ വഴറ്റി ഒടുവിൽ കായപ്പൊടിയും ഉലുവാപ്പൊടിയും ചേർത്തി ഇളക്കി അടുപ്പിൽ നിന്നും വാങ്ങിവെക്കുക.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ