Mushroom soup

കൂണ്‍ സുപ്പ്

ആവശ്യമുള്ള സാധനങ്ങൾ :

കൂണ്‍                         : 200 ഗ്രാം 

വലിയ ഉള്ളി              : 1 ഇടത്തരം 

വെളുത്തുള്ളി               : 3 അല്ലി 

വെണ്ണ                       : 1 ടേബിൾസ്പൂണ്‍ 

പാല്                         : 1/2 കപ്പ്‌ 

ക്രീം                          : 3 ടേബിൾസ്പൂണ്‍ 

മൈദാ                       : 1 ടേബിൾസ്പൂണ്‍ 

ഉപ്പു്  ആവശ്യത്തിന് 

കുരുമുളകുപൊടി          : കാൽ ടീസ്പൂണ്‍ 

ചെയ്യുന്ന വിധം 

കൂണ്‍ ഘനമില്ലാതെ നീളത്തിൽ അരിഞ്ഞു വെക്കുക.

ഉള്ളിയും നീളത്തിൽ അരിഞ്ഞു വെക്കണം.

 

ഒരു പാനിൽ വെണ്ണ ചൂടാക്കി ഉള്ളി അരിഞ്ഞതും വെളുത്തുള്ളി അരിഞ്ഞതും ഒന്നു വഴറ്റുക.  ഇതിൽ കൂണ്‍ അരിഞ്ഞതും ചേർത്തി  നന്നായി വഴറ്റുക. നാലഞ്ചു കഷ്ണം കൂണ്‍ വഴറ്റിയത് മാറ്റി വെക്കണം. 

ഇനി മൈദയും ചേർത്തി ഒന്നു വഴറ്റി  (പച്ചമണം മാറുന്നതു  വരെ) തീ കെടുത്തുക. ഒരു കുപ്പ് വെള്ളം ചേർത്തി മിക്സിയിൽ അടിക്കുക. വീണ്ടും അടുപ്പിൽ വെച്ച് തീ ചെറുതാക്കി അരക്കപ്പ് പാലും ചേർത്തി തിളപ്പിക്കുക. ഇതിൽ മാറ്റിവെച്ച  കൂണ്‍ കഷ്ണങ്ങളും ക്രീമും ചേർത്തണം. ഉപ്പും കുരുമുളകുപൊടിയും ചേർത്തി അടുപ്പിൽ നിന്നും മാറ്റി വെച്ച് വിളമ്പുന്ന പാത്രത്തിലേക്കു മാറ്റുക. ചൂടോടെ കുടിക്കാം !!

 

Kovakka upperi

കോവക്ക ഉപ്പേരി

ആവശ്യമുള്ള സാധനങ്ങൾ :

കോവക്ക                                      : 1/4 കിലോ 

വലിയ ഉള്ളി                                 : 1 

ചെറിയ ഉള്ളി                                : 6 എണ്ണം 

ചുവന്ന മുളക്                                 : 4 എണ്ണം 

ഉപ്പു്  ആവശ്യത്തിന് 

വെളിച്ചെണ്ണ                                 : 3 ടേബിൾസ്പൂണ്‍ 

മഞ്ഞപ്പൊടി                                : 1/8 ടീസ്പൂണ്‍ 

ചെയ്യുന്ന വിധം : 

കോവക്ക നന്നായി കഴുകി നീളത്തിൽ നാലായി  കീറി വെക്കുക.

മുളകും ചെറിയ ഉള്ളിയും കൂടി ചതച്ചു വെക്കുക.   വലിയ ഉള്ളി നീളത്തിൽ ഘനമില്ലാതെ അരിഞ്ഞു വെക്കുക.

ഒരു ചീനച്ചട്ടിയിൽ കീറി വെച്ച കോവക്കയും ഉപ്പും അല്പം മഞ്ഞപ്പൊടിയും കൂടി വളരെ കുറച്ചു വെള്ളമൊഴിച്ചു  വേവാൻ വെക്കുക.

വെള്ളം വലിയുമ്പോൾ ഉള്ളിയും മുളകും ചതച്ചതും ചേർത്തി  നന്നായി ഇളക്കണം . ഇടയ്ക്കിടയ്ക്ക് എണ്ണയൊഴിച്ച്  ചെറുതീയിൽ മൊരിയിപ്പിക്കുക.  ചൂടു ചോറിന്റെ കൂടെ കഴിക്കാൻ നന്നായിരിക്കും.

Thuvara Masala curry

തുവര മസാല കറി 

തുവര  സാധാരണയായി ഒക്ടോബർ  മാസം തൊട്ടു ഡിസംബർ വരെയാണ്  കേരളത്തിൽ  കാണാറുള്ളത്‌.

ഈ തുവര ഉണക്കി അരങ്ങിയതാണ് തുവര പരുപ്പ്.  

പച്ച തുവര കൊണ്ട് മുളകുഷ്യം,  മസാല കറി, ഉപ്പേരി  എന്നിങ്ങനെ പല വിഭവങ്ങളും  ഉണ്ടാക്കാം.  

 

ആവശ്യമുള്ള സാധനങ്ങൾ : 

തുവര                               : 1/4 കിലോ 

ഉരുളകിഴങ്ങ്                    : 1 

മുളകുപൊടി                      : 1 ടീസ്പൂണ്‍ 

മല്ലിപ്പൊടി                       : ഒന്നര ടീസ്പൂണ്‍ 

മഞ്ഞപ്പൊടി                     : 1/8 ടീസ്പൂണ്‍ 

ഉപ്പു്  ആവശ്യത്തിന് 

ചെറിയ ഉള്ളി                   : 6 എണ്ണം 

തേങ്ങ ചിരവിയത്            : 1 കപ്പ്‌ 

മല്ലിയില  അരിഞ്ഞത്       : അല്പം

കടുകു വറുക്കാൻ:

വെളിച്ചെണ്ണ                     : 2 ടീസ്പൂണ്‍

കടുക്                               : 1 ടീസ്പൂണ്‍ 

ചെറിയ ഉള്ളി അരിഞ്ഞത് : 2 ടേബിൾസ്പൂണ്‍ 

കറിവേപ്പില                      : ഒരു തണ്ട് 

ചെയ്യുന്ന വിധം :

ഉരുളകിഴങ്ങ്  തോലു കളഞ്ഞ്   കഴുകി  ചെറുതായി അരിഞ്ഞുവെക്കുക.  തുവരയും ഉരുളകിഴങ്ങും കൂടി ഉപ്പും മഞ്ഞപ്പൊടിയും അല്പം വെള്ളം ചേർത്തി വേവിക്കാനിടുക. 

ചീനച്ചട്ടി എണ്ണയില്ലാതെ ചൂടാക്കി മുളകുപൊടിയും മല്ലിപ്പൊടിയും ഒന്നു ചൂടാക്കുക. പച്ചമണം പോയാൽ തീ കെടുത്തി ഉള്ളിയും ചേർത്തി അരച്ച്  തുവരയുടെ കൂടെ ചേർത്തി വേവിക്കുക.

 

തേങ്ങ നന്നായി അരച്ചതും ഇതിൽ ചേർത്തി ഒന്നുകൂടി തിളപ്പിച്ച ശേഷം അടുപ്പിൽ നിന്നും ഇറക്കി വെക്കുക.
വെളിച്ചെണ്ണ ചൂടാക്കി കടുകിട്ട് പൊട്ടിയാൽ ഉള്ളി അരിഞ്ഞതു ചേർത്തി  നന്നായി വഴറ്റണം. ഇതിൽ കറിവേപ്പിലയും ചേർത്തി  മസാല കറിയിലേക്ക്  ഒഴിക്കുക.  അല്പം കുറുകിയ പരുവത്തിലായിരിക്കണം  ഈ കറി. ചോറിന്റെ കൂടെ കഴിക്കാൻ നന്നായിരിക്കും.

Vazhakka (raw banana) erisseri

വാഴക്ക  എരിശ്ശേരി

ആവശ്യമുള്ള സാധനങ്ങൾ :

വാഴക്ക                    : 1 (ഇടത്തരം )

തേങ്ങ ചിരവിയത്   : 1 കപ്പ്‌ 

കുരുമുളകു പൊടി       : 1/2 ടീസ്പൂണ്‍ 

ജീരകം                    : 1/8 ടീസ്പൂണ്‍ 

മുളകുപൊടി              : 1/2 ടീസ്പൂണ്‍ 

ഉപ്പു്  ആവശ്യത്തിന് 

മഞ്ഞപ്പൊടി            : 1/8 ടീസ്പൂണ്‍ 

കടുകു വറുക്കാൻ വേണ്ടത് :

കടുക്                     : 1ടീസ്പൂണ്‍ 

ചുവന്ന മുളക്           : 1, രണ്ടായി പൊട്ടിച്ചത്

എണ്ണ                    : 1 ടേബിൾസ്പൂണ്‍ 

കറിവേപ്പില          : ഒരു തണ്ട്

ചെയ്യുന്ന വിധം 

വഴക്ക ചെറിയ കഷ്ണങ്ങളായി മുറിച്ചു  വെള്ളത്തിലിട്ടു വെക്കുക. അല്പം മഞ്ഞപ്പൊടിയും ചേർത്തുക. 

ചിരവി വെച്ച തേങ്ങയിൽ നിന്നും രണ്ടു ടേബിൾസ്പൂണ്‍ തേങ്ങ മാറ്റിവെച്ച്  ബാക്കി തേങ്ങയും ജീരകവും കൂടി നന്നായി അരച്ചുവെക്കുക.

ഒരു പത്തു മിനിട്ടു  കഴിഞ്ഞു ഈ വെള്ളത്തിലിട്ടു വെച്ച വാഴക്ക  നന്നായി കഴുകി  അല്പം വെള്ളവും ഉപ്പും മഞ്ഞപ്പൊടിയും മുളകുപൊടിയും  കുരുമുളകുപൊടിയും ചേർത്തി വേവിക്കുക.

ഇതിൽ തേങ്ങ അരച്ചതു ചേർത്തി ഒന്നു കൂടി തിളപ്പിച്ചു  അടുപ്പിൽ നിന്നും വാങ്ങി വെക്കുക. 

ഒരു ചീനച്ചട്ടിയിൽ എണ്ണയൊഴിച്ച് കടുകിട്ടു  പൊട്ടിയാൽ മുളകു രണ്ടായി പൊട്ടിച്ചതും കറിവേപ്പിലയും ചേർത്തുക  ഇതിൽ മാറ്റി വെച്ച തേങ്ങയും ചേർത്തി വറുക്കുക. തേങ്ങ ചെറുതായി നിറം മാറുമ്പോൾ കറി യിലേക്കു  ചേർത്തുക. ഈ കറി  ഇടത്തരം അയവോടെയായിരിക്കണം . 

 

Dosa

ദോശ 

ആവശ്യമുള്ള സാധനങ്ങൾ :

ഉഴുന്ന്                                     :  1/2 കപ്പ്‌ 

പുഴുങ്ങലരി / ഇഡ്ഡലി  അരി      : 2 കപ്പ്‌ 

പച്ചരി                                     : 1 കപ്പ്‌ 

ഉലുവ                                      : 2 ടേബിൾസ്പൂണ്‍ 

ഉപ്പു്   ആവശ്യത്തിന് 

എണ്ണ ആവശ്യത്തിന്

ചെയ്യുന്ന വിധം :

ഉഴുന്നും ഉലുവയും ഒന്നിച്ച് വെള്ളത്തിൽ  രണ്ടു മണിക്കൂർ കുതിർത്താനിടുക.

പച്ചരിയും ഇഡ്ഡലി അരിയും ഒന്നിച്ചു  രണ്ടു മണിക്കൂർ  കുതിർത്താനിടുക.  കുതിർന്ന  ശേഷം  ആദ്യം ഉഴുന്നും ഉലുവയും നന്നായി കഴുകി അരക്കുക. നന്നായി അരച്ച ശേഷം ഒരു പാത്രത്തിലേക്കു  മാറ്റിയ ശേഷം അരി കഴുകി അരക്കുക. അരച്ച ശേഷം ഉഴുന്നിൽ ചേർത്തി  നന്നായി കലർത്തി ആവശ്യത്തിന്  ഉപ്പും ചേർത്തി കൈ കൊണ്ട് കലക്കി വെക്കുക. ദോശക്കായതു കൊണ്ട് അല്പം വെള്ളം കൂടിയാലും കുഴപ്പമില്ല.

കുറഞ്ഞത് ഒരു ആറു  മണിക്കൂറെങ്കിലും  പുളിക്കാൻ വെക്കണം.  വൈകിട്ട് അരച്ചു രാത്രി പുളിക്കാൻ വെച്ച്  രാവിലെ ദോശ ചുട്ടാൽ നന്നായിരിക്കും.

ഈ മാവു കൊണ്ട് തന്നെ പലതരം  ദോശ ചുടാൻ സാധിക്കും. സാധാരണ ദോശ , മസാല ദോശ, നെയ്‌ റോസ്റ്റ്, പേപ്പർ റോസ്റ്റ്, ഊത്തപ്പം എന്നിങ്ങനെ പല വിധത്തിലുള്ള ദോശ ഉണ്ടാക്കാം.

ദോശ ചുടുന്നതിനു മുമ്പ് മാവു നന്നായി കലക്കണം.

ഒരു ദോശക്കല്ല്‌  ചൂടാക്കി  (നോണ്‍ സ്റ്റിക്  അല്ലെങ്കിൽ ഇരുമ്പു കല്ല്‌ ഏതായാലും മതി )  ഒരു കയിൽ മാവെടുത്ത്‌

ദോശക്കല്ലിനു  നടുവിൽ ഒഴിച്ച്  കയിൽ കൊണ്ടു തന്നെ നന്നായി വട്ടത്തിൽ പരത്തുക. ചുറ്റും ചെറുതായി എണ്ണ  തൂവുക. നിറം മാറി തുടങ്ങുമ്പോൾ തിരിച്ചിടുക. 

നന്നായി മൊരിഞ്ഞ ദോശ (റോസ്റ്റ്) വേണമെങ്കിലും ഉണ്ടാക്കാം. 

ചട്ണി, ചമ്മന്തി,  ഉരുളകിഴങ്ങ് സ്റ്റു  എതു വേണമെങ്കിലും  നമ്മുടെ രുചിക്കനുസരിച്ച് കൂട്ടി കഴിക്കാം.

Podi ari upma

പൊടിയരി  ഉപ്പുമാവ് 

ആവശ്യമുള്ള സാധനങ്ങൾ 

പൊടിയരി                            : 1 കപ്പ്‌ 

വലിയ ഉള്ളി                         : 1

പച്ചമുളക്                              : 2 എണ്ണം 

ഇഞ്ചി                                   : ഒരു ചെറിയ കഷ്ണം 

എണ്ണ                                    : 2 ടേബിൾസ്പൂണ്‍ 

കടുക്                                    : 1 ടീസ്പൂണ്‍ 

ഉഴുന്നുപരുപ്പ്‌                          : 1 ടീസ്പൂണ്‍

കറിവേപ്പില                          : ഒരു തണ്ട് 

ഉപ്പ്  ആവശ്യത്തിന് 

ചെയ്യുന്ന വിധം 

അരി കഴുകി  വാലാൻ വെക്കുക.

ഉള്ളിയും പച്ചമുളകും ഇഞ്ചിയും ചെറുതായി അരിഞ്ഞു വെക്കുക.

 ഒരു പത്രത്തില രണ്ടര കപ്പ്‌ വെള്ളം തിളപ്പിച്ച്‌ വെക്കുക.

ഒരു ചീനച്ചട്ടിയിൽ എണ്ണയൊഴിച്ച് ചൂടായാൽ കടുകിട്ട് പൊട്ടുമ്പോൾ ഉഴുന്നു പരുപ്പ് ചേർക്കുക. ഒന്നു വറുത്ത ശേഷം അരിഞ്ഞ ഉള്ളി, ഇഞ്ചി, പച്ചമുളക്  കറിവേപ്പില എന്നിവ ചേർത്ത്  നന്നായി വഴറ്റുക. 

ഇതിൽ അരിയും ഇട്ടു ഒന്ന് കൂടി ഒരു മിനിറ്റു വറുത്ത ശേഷം  തിളച്ച വെള്ളവും ഉപ്പും ചേർത്തു  വെള്ളം വറ്റുന്നത് വരെ  തിളപ്പിച്ച്‌ വെള്ളം വറ്റിയാൽ തീ കെടുത്തുക. ഇടക്കിളക്കണം.

 വിളമ്പുന്ന പത്രത്തിലേക്ക് മാറ്റി  ചൂടോടെയോ ആറിയ  ശേഷമോ കഴിക്കാവുന്നതാണ് .

Murukku

മുറുക്കു് 

ആവശ്യമുള്ള സാധനങ്ങൾ 

അരിപ്പൊടി                        : 3 കപ്പ്‌
പോട്ടുക്കടല പൊടി             : 1 കപ്പ്‌
ജീരകം                              : 1 ടേബിൾ സ്പൂണ്‍
എള്ള്                                : 1 ടേബിൾസ്പൂണ്‍
കായപ്പൊടി                       : 1/8 ടീസ്പൂണ്‍
ഉപ്പു്   ആവശ്യത്തിന്
എണ്ണ വറുക്കാൻ വേണ്ടത്

ചെയ്യുന്ന വിധം 

അരിപ്പൊടിയും പൊട്ടുകടലപ്പൊടിയും ഉപ്പും കായപ്പൊടിയും എള്ളും ജീരകവും എല്ലാം നന്നായി കലർത്തുക. 

ഇതിൽ ചൂടുള്ള രണ്ടു ടീസ്പൂണ്‍ എണ്ണയൊഴിച്ച് ഒന്നുകൂടി കലർത്തി കുറേശ്ശെ വെള്ളം ഒഴിച്ച് കൈകൊണ്ട് നന്നായി മൃദുവായി കുഴച്ചു വെക്കുക. 

ഒരു ചീനച്ചട്ടിയിൽ എണ്ണ ചൂടാക്കാൻ വെക്കുക.

 ഈ കുഴച്ച  മാവ് കുറേശ്ശെ എടുത്തു മുറുക്കു ചില്ലിട്ട സേവനാഴിയിൽ നിറക്കുക. 

 ഒരു പരന്ന കിണ്ണത്തിലേക്കു ചെറിയ വട്ടത്തിൽ പിഴിഞ്ഞു  വെക്കുക.

 ചൂടായ എണ്ണയിലേക്കു  ഓരോന്നായി പതുക്കെ ഇടുക. ഒരു പ്രാവശ്യം നാലോ അഞ്ചോ മുറുക്കുകൾ ഇടാവുന്നതാണ്.  

ഇളം ബ്രൌണ്‍ നിറമാവുമ്പോൾ  എണ്ണയിൽ നിന്ന് കോരിയെടുക്കുക. ഇതുപോലെ ബാക്കി മാവും ചുട്ടെടുക്കുക.

  

Paruppu vada

ആവശ്യമുള്ള സാധനങ്ങൾ

കടലപരുപ്പ്                           : 2 കപ്പ്‌
ഉള്ളി                                    : 1 വലുത്
പച്ചമുളക്                              : 2 എണ്ണം
ഇഞ്ചി                                   : 1/2 ഇഞ്ചു കഷ്ണം
കറിവേപ്പില                          : ഒരു തണ്ട്
മല്ലിയില     അരിഞ്ഞത്        : അല്പം
ഉപ്പു്  ആവശ്യത്തിന്
എണ്ണ  വറുക്കാൻ ആവശ്യത്തിന്

ചെയ്യുന്ന വിധം 

ഉള്ളിയും  ഇഞ്ചിയും  പച്ചമുളകും ചെറുതായി  അരിഞ്ഞു വെക്കുക.

കടലപരുപ്പ്  വെള്ളത്തിൽ അരമണിക്കൂർ കുതിരാനിടുക . കുതിർന്ന  ശേഷം വെള്ളം വാലാൻ  വെച്ച്  മിക്സിയിൽ  ഇട്ട്  അരക്കുക. ഒന്ന് രണ്ടു പ്രാവശ്യം ഒന്ന് തിരിച്ചാൽ മതി, അധികം അരയരുത്. ഇതിൽ അരിഞ്ഞു  വെച്ച ഉള്ളിയും ഇഞ്ചിയും പച്ചമുളകും ഉപ്പും ചേർത്തി ഒന്നു കൂടി തിരിക്കുക. ഇതിൽ അരിഞ്ഞു വെച്ച മല്ലിയിലയും  കറിവേപ്പിലയും  ചേർത്തി  നന്നായി കലർത്തി  വെക്കുക. 

ഒരു ചീനച്ചട്ടിയിൽ എണ്ണയൊഴിച്ച് ചൂടാക്കുക.  ഈ അരച്ച് വെച്ച മാവിൽ നിന്നും ഒരു നാരങ്ങ വലുപ്പത്തിൽ ഒരു ഉരുളയെടുത്ത്  ഉള്ളം കൈയിൽ വെച്ച് ചെറുതായി ഒന്നമർത്തി പരത്തിയ  ശേഷം ചൂടായ എണ്ണയിലേക്കിടുക.

തീ  ചെറുതാക്കി  ഇളം ബ്രൌണ്‍ നിറം വരുന്ന വരെ വറുക്കുക. ഒരു പ്രാവശ്യം നാലോ അഞ്ചോ വടകൾ എണ്ണയിലേക്കിടാം.   ബാക്കി മാവും ഇതുപോലെ വറുത്തെടുക്കാം.

 

Egg Kuruma

മുട്ട കുറുമ

ആവശ്യമുള്ള സാധനങ്ങൾ :

വേവിച്ച മുട്ട                          : 4 എണ്ണം 

വലിയ ഉള്ളി                        : 2 എണ്ണം 

ഇഞ്ചി വെളുത്തുള്ളി പേസ്റ്റ്    : 1 ടേബിൾസ്പൂണ്‍ 

തക്കാളി                              : 1 

മുളകുപൊടി                         : 1 ടീസ്പൂണ്‍ 

മല്ലിപ്പൊടി                          : 1 ടീസ്പൂണ്‍ 

മഞ്ഞപ്പൊടി                       : 1/4 ടീസ്പൂണ്‍ 

തേങ്ങ ചിരവിയത്              : 3 ടേബിൾസ്പൂണ്‍ 

എണ്ണ                                 : 2 ടേബിൾസ്പൂണ്‍ 

ഉപ്പു്  പാകത്തിന് 

മല്ലിയില അല്പം 

പട്ട                                    : ഒരിഞ്ചു കഷ്ണം 

ഗ്രാമ്പൂ                                : 3 എണ്ണം 

കശകശ                            : 1/4 ടീസ്പൂണ്‍ 

പെരും ജീരകം                  : 1/4 ടീസ്പൂണ്‍ 

അണ്ടിപരുപ്പ്                    : 5 എണ്ണം 

ചെയ്യുന്ന വിധം :

മുട്ട വേവിച്ചു തോലു കളഞ്ഞു വെക്കുക.

പട്ടയും ഗ്രാമ്പൂവും പെരുംജീരകവും എണ്ണയില്ലാതെ വറുത്ത  ശേഷം  കശകശയും  അണ്ടിപരുപ്പും തേങ്ങയും ചേർത്ത്  നന്നായി അരച്ച് വെക്കുക.

ഉള്ളി ഘനമില്ലതെ നീളത്തിൽ അരിഞ്ഞുവെക്കുക.  തക്കാളിയും അരിഞ്ഞുവെക്കുക .

ഒരു നോണ്‍ സ്റ്റിക് പാനിൽ എണ്ണയൊഴിച്ച് നീളത്തിൽ അരിഞ്ഞ ഉള്ളി നന്നായി വഴറ്റുക. ഇതിൽ ഇഞ്ചിയും വെളുത്തുള്ളിയും അരച്ചതു ചേർത്തി വഴറ്റണം. തീ കുറച്ച്  മുളകുപൊടിയും മല്ലിപ്പൊടിയും മഞ്ഞപ്പൊടിയും ചേർത്തുക. 

പച്ചമണം മാറിയാൽ തക്കാളി അരിഞ്ഞതും  ചേർത്തി  വഴറ്റണം.  തേങ്ങയും പട്ടയും അണ്ടിപ്പരുപ്പും  മറ്റും ചേർത്തി അരച്ചുവെച്ച  മിശ്രിതം ചേർത്തുക.  ഒന്നൊന്നര കപ്പ്‌ വെള്ളമൊഴിച്ച് ഉപ്പിട്ട്  ഒന്നു തിളപ്പിക്കുക. 

ഇതിൽ വേവിച്ചു വെച്ച മുട്ട രണ്ടായി നെടുകെ മുറിച്ച് ഈ കറിയിലേക്ക്‌  മെല്ലെ ചേർക്കുക .

കൂട്ടാൻ കുറുകിവരുമ്പോൾ  തീയിൽ  നിന്നും  മാറ്റി മല്ലിയില മേലെ തൂവുക.  ചോറിനും ചപ്പാത്തിക്കും ചേരുന്ന ഒരു കറിയാണിത് !

Kozhi masala

കോഴി മസാല

ആവശ്യമുള്ള സാധനങ്ങൾ :

കോഴി                                 : 1/2 കിലോ 

വലിയ ഉള്ളി                        : 2 എണ്ണം 

വെളുത്തുള്ളി                        : 3 അല്ലി 

തക്കാളി                              : 1 

മുളകു പൊടി                        : 1/2 ടീസ്പൂണ്‍
മല്ലി പൊടി                         : 1/2 ടീസ്പൂണ്‍

ബദാം                                 : 6 എണ്ണം 

എണ്ണ                                  : 3 ടേബിൾസ്പൂണ്‍ 

മല്ലിയില  അലങ്കരിക്കാൻ
ഉപ്പു് പാകത്തിന്

 വറുത്തു അരക്കാൻ വേണ്ടത് ;

കുരുമുളക്                              : 1/2 ടീസ്പൂണ്‍ 

ജീരകം                                 : 1/2 ടീസ്പൂണ്‍ 

മല്ലി                                      : 1 ടീസ്പൂണ്‍ 

പട്ട                                       : ഒരിഞ്ചു നീളത്തിൽ

ഗ്രാമ്പൂ                                   : 3 എണ്ണം   

തേങ്ങ ചിരകിയത്                 : 1/4 കപ്പ്‌

 പുരട്ടിവെക്കാൻ :

മഞ്ഞപ്പൊടി                         : 1/4 ടീസ്പൂണ്‍ 

തൈര്                                  : 1 ടേബിൾസ്പൂണ്‍ 

ഇഞ്ചി വെളുത്തുള്ളി പേസ്റ്റ്     : 1 സ്പൂണ്‍ 

ഉപ്പ്‌ പാകത്തിന് 

കുരുമുളകുപൊടി                   : 1/2 ടീസ്പൂണ്‍

 

ചെയ്യുന്ന വിധം :

കോഴി ഇടത്തരം കഷ്ണങ്ങളാക്കി മുറിച്ചു കഴുകി വെക്കുക.

ഒരു സ്പൂണ്‍ ഇഞ്ചി വെളുത്തുള്ളി  അരച്ചതും പാകത്തിന് ഉപ്പും അല്പം മഞ്ഞപ്പൊടിയും കുരുമുളകുപൊടിയും തൈരും  കൂടി കോഴികഷ്ണങ്ങളിൽ പുരട്ടി അര മണിക്കൂർ വെക്കുക.
 ബദാം വെള്ളത്തിലിട്ടു അര മണിക്കൂർ കുതിർത്തി  അരച്ച് വെക്കുക.

ഒരു ചീനച്ചട്ടി ചൂടാക്കി (എണ്ണയില്ലാതെ) പട്ടയും ഗ്രാമ്പൂവും കുരുമുളകും ജീരകവും വറുത്ത ശേഷം തേങ്ങ ചേർത്തി ഒന്ന് കൂടി വറുത്തു വെക്കുക. 
ഉള്ളി നീളത്തിൽ അരഞ്ഞു വെക്കുക.
ഒരു ചീനചട്ടിയിൽ അര സ്പൂണ്‍ എണ്ണ ചൂടാക്കി ഉള്ളി അരിഞ്ഞതും കൂടെ വെളുത്തുള്ളിയും ഇട്ടു വഴറ്റി വെക്കുക.
വറുത്തു വെച്ച മസാല മിക്സിയിൽ ഇട്ടു നന്നായി പൊടിച്ച് വറുത്ത ഉള്ളിയും  വെളുത്തുള്ളിയും ഇട്ട് അരച്ചു  വെക്കുക.
തക്കാളിയും അരച്ചു  വെക്കുക.

ഒരു നോണ്‍ സ്റ്റിക് പാനിൽ എണ്ണയൊഴിച്ച് അരച്ചമാസലയിട്ട്  നന്നായി വഴറ്റണം.

ഇതിൽ  മുളകുപൊടിയും മല്ലിപൊടിയും ഇട്ടു നന്നായി ഇളക്കണം.  ഇതിൽ  കോഴി കഷ്ണങ്ങളിട്ടു  നന്നായി ഇളക്കി ചെറിയ തീയിൽ രണ്ടു മൂന്നു മിനിട്ടു കഴിഞ്ഞാൽ അരച്ച തക്കാളിയും ചേർത്തി  അല്പം വെള്ളവും ചേർത്തി മൂടി വെച്ച് ഒന്നു കൂടി വേവിക്കുക . മസാലക്കു വേണ്ട ഉപ്പും  ചേർക്കണം.  വെന്ത ശേഷം അരച്ചുവെച്ച ബദാം ചേർത്തി  നന്നായി ഇളക്കി മസാല കോഴി കഷ്ണങ്ങളിൽ പൊതിഞ്ഞിരിക്കുന്ന പരുവത്തിൽ അടുപ്പിൽ നിന്നും വാങ്ങി വെക്കുക.  
വിളമ്പുന്ന പാത്രത്തിലേക്ക് മാറ്റി മല്ലിയില തൂവി അലങ്കരിക്കുക.
ചപ്പാത്തിക്കും ചോറിനും എല്ലാം കൂടെ കഴിക്കാൻ നന്നായിരിക്കും!!

Sambhar Vada

സാമ്പാർ വട

ആവശ്യമുള്ള സാധനങ്ങൾ :

വടക്കു വേണ്ടത്:

ഉഴുന്നു പരുപ്പ്                      : 2 കപ്പ്‌ 

ഉപ്പു്  ആവശ്യത്തിന് 

എണ്ണ  വറുക്കാൻ വേണ്ടത് 

ചെയ്യുന്ന വിധം :

ഉഴുന്നു  പരുപ്പ്  ഒന്നോ രണ്ടോ മണിക്കൂർ വെള്ളത്തിൽ കുതിർത്തി വെച്ച ശേഷം  വെള്ളം മാറ്റി മിക്സിയിൽ നന്നായി അരക്കുക. അരക്കുമ്പോൾ ആദ്യം വെള്ളം ചേർക്കണ്ട, ഇടയ്ക്കിടെ അല്പാല്പമായി തളിച്ചു കൊടുത്ത്  അരക്കണം. നന്നായി അരഞ്ഞ മാവ് ഒരു ചെറിയ ഉരുളയാക്കി വെള്ളത്തിൽ  ഇട്ടാൽ പൊങ്ങി വരും. ഉപ്പു ചേർത്ത് നന്നായി കൈ കൊണ്ട് ഇളക്കുക. 

ഒരു ചീനച്ചട്ടിയിൽ വറുക്കാൻ വേണ്ട എണ്ണ ചൂടാക്കുക.

കൈയിൽ അല്പം വെള്ളം തടവി ഒരു നാരങ്ങ വലുപ്പത്തിൽ മാവെടുത്ത്‌ ഉരുളയാക്കി കൈവെള്ളയിൽ വെച്ച്  നടുവിൽ വിരൽ കൊണ്ട് ഒരു ഓട്ടയുണ്ടാക്കി ചൂടായ എണ്ണയിലേക്കിടുക. അല്പം തീ കുറച്ച്  ഒരു ഭാഗം മൊരിഞ്ഞു വരുമ്പോൾ തിരിച്ചിടുക. രണ്ടു ഭാഗവും മൊരിഞ്ഞാൽ കോരിയെടുക്കുക.

ഒരു പ്രാവശ്യം മൂന്നോ നാലോ വട വറുത്തെടുക്കാം. ഇങ്ങിനെ മാവ് മുഴുവൻ വറുത്തെടുക്കുക.

ഇനി സാമ്പാറിനു വേണ്ട സാധനങ്ങൾ 

ചെറുപയർ പരുപ്പ്                : 1 കപ്പ്‌ 

മത്തൻ                                : 1 ചെറിയ കഷ്ണം 

പുളി                                    : ഒരു ചെറിയ നാരങ്ങ വലുപ്പത്തിൽ 

സാമ്പാർപൊടി                   : 1 ടേബിൾസ്പൂണ്‍ 

 വെല്ലം                               : ഒരു ചെറിയ കഷ്ണം

മഞ്ഞപ്പൊടി                       : 1/8 ടീസ്പൂണ്‍ 

ഉപ്പു് ആവശ്യത്തിന് 

മല്ലിയില അല്പം 

വറുത്തിടാൻ 

നെയ്യ്               : 1 ടീസ്പൂണ്‍

കടുക്               : 1ടീസ്പൂണ്‍ 

കായപ്പൊടി     : ഒരു നുള്ള് 

കറിവേപ്പില    : 1 തണ്ട് 

ചെയ്യുന്ന വിധം 

പരുപ്പ് കുക്കറിൽ ഇട്ടു വേവിക്കുക. ഇതിൽ മത്തൻ, ഉപ്പു്, മഞ്ഞപ്പൊടി, പുളി പിഴിഞ്ഞത് എന്നിവ ചേർത്തു  വീണ്ടും വേവിക്കണം. മത്തൻ വെന്ത ശേഷം സാമ്പാർ പൊടി ചേർത്തി  ഒന്നു കൂടി തിളപ്പിച്ച്‌ കറിവേപ്പിലയും ചേർത്തി അടുപ്പിൽ നിന്നും വാങ്ങിവെക്കുക. 

നെയ്യു ചൂടാക്കി കടുകിട്ട് പൊട്ടുമ്പോൾ കായപ്പൊടിയും ചേർത്തി  ഇളക്കി സാമ്പാറിലേക്ക് ഒഴിക്കുക. 

ഇനി വറുത്തു വെച്ച വടകൾ ഓരോന്നായി ചെറുചൂടുവെള്ളത്തിലിട്ടു  പിഴിഞ്ഞെടുക്കുക.  ഒരു പാത്രത്തിൽ ഈ വടകളിട്ട്  മേലെ ചൂടുള്ള  സാമ്പാർ  ഒഴിക്കുക.  

ചെറുതായി അരിഞ്ഞു വെച്ച ഉള്ളിയും മല്ലിയില അരിഞ്ഞതും  മേലെ തൂവുക.

Mysore bonda

മൈസൂർ ബോണ്ട

ആവശ്യമുള്ള സാധനങ്ങൾ :

മൈദാ                                      : 1/2 കപ്പ്‌ 

അരിപ്പൊടി                              : 1/4 കപ്പ്‌ 

ആപ്പ സോഡാ (soda bicarb )   : ഒരു നുള്ള് 

പച്ചമുളക്                                  : 2 എണ്ണം 

ഇഞ്ചി                                       : അര ഇഞ്ചു നീളത്തിൽ കഷ്ണം 

ജീരകം                                     : ഒരു നുള്ള് 

തേങ്ങ കഷ്ണം                             : 1 ടേബിൾസ്പൂണ്‍ 

െെതര്                                      : 2 ടേബിൾസ്പൂണ്‍ 

ഉപ്പു്  ആവശ്യത്തിന് 

എണ്ണ വറുക്കാൻ ആവശ്യത്തിന് 

ചെയ്യുന്ന വിധം :

പച്ചമുളകും ഇഞ്ചിയും ചെറുതായി അരിഞ്ഞു വെക്കുക.

തേങ്ങ ചെറിയ പല്ലുപോലെ അരിഞ്ഞു വെക്കുക.

മൈദയും അരിപ്പൊടിയും സോഡാപ്പൊടിയും തൈരും ഉപ്പും കലർത്തി ഇരുപതു മിനിട്ടു വെക്കുക. ഇരുപതു മിനിറ്റിനു ശേഷം നന്നായി സ്പൂണ് കൊണ്ടു ഇളക്കിയ ശേഷം അരിഞ്ഞു വെച്ച ഇഞ്ചിയും പച്ചമുളകും അരിഞ്ഞതും തേങ്ങ കഷ്ണങ്ങളും ജീരകവും എല്ലാം ഇട്ട്‌ നന്നായി കലർത്തി വെക്കുക.

ഒരു ചീനച്ചട്ടിയിൽ  വറുക്കാൻ ആവശ്യത്തിന് എണ്ണയൊഴിച്ച് ചൂടാക്കുക.  കലർത്തി വെച്ച മാവ് ഓരോ ചെറിയ ഉരുളകളാക്കി ചൂടായ എണ്ണയിൽ ഇട്ടു (ഓരോ പ്രാവശ്യവും നാലോ അഞ്ചോ എണ്ണം ഇടാം) ചെറിയ തീയിൽ നന്നായി മൊരിയുന്നതു വരെ വറുത്തെടുക്കുക. 

ചൂടോടെ തേങ്ങ ചട്ണിയും ചേർത്തി കഴിക്കാൻ നല്ല സ്വാദുണ്ടാവും!!

Diamond cuts

ആവശ്യമുള്ള സാധനങ്ങൾ:

മൈദ                          : 2 കപ്പ്‌ 

എണ്ണ   വറുക്കാൻ ആവശ്യത്തിന് 

ഉപ്പു്    ഒരു നുള്ള് 

പഞ്ചസാര പൊടിച്ചത്   : 2 ടേബിൾസ്പൂണ്‍ 

പഞ്ചസാര പാനിക്കു വേണ്ടത് 

പഞ്ചസാര                : 1 കപ്പ്‌ 

വെള്ളം                    : 4 ടീസ്പൂണ്‍ 

ഏലക്കാപ്പൊടി        : 1/4 ടീസ്പൂണ്‍

ചെയ്യുന്ന വിധം :

മൈദ  ഒരു നുള്ളു ഉപ്പും ചേർത്തി  ആവശ്യത്തിനു വെള്ളം കുറേശ്ശെ ഒഴിച്ച് നനന്നായി കുഴച്ച്  ഒരു നനഞ്ഞ തുണി കൊണ്ട് മൂടിവെക്കുക. ഒരു പത്തു മിനിട്ടു മൂടി വെക്കണം.

ഇതിൽ നിന്ന് ഓരോ നാരങ്ങ വലുപ്പത്തിൽ ഉരുളകളാക്കി എടുത്തു ചപ്പാത്തി പരത്തുന്ന പോലെ പരത്തുക .

ഒരു കത്തി കൊണ്ട് നെടുകെയും കുറുകെയും ഒരേ വലുപ്പത്തിൽ വരയുക. 

ഒരു ചീനച്ചട്ടിയിൽ വറുക്കാൻ ആവശ്യത്തിനുള്ള  എണ്ണ  ചൂടാക്കി ഈ കഷ്ണങ്ങൾ വറുത്തു കോരി വെക്കുക.

ഒരു പാനിൽ പഞ്ചാരയും അല്പം വെള്ളവും ഒഴിച്ചു തിളപ്പിച്ചു ഒരു നൂൽ പരുവമാവുമ്പോൾ എലക്കപ്പൊടി ചേർത്തി

തീ കെടുത്തി വറുത്തു വെച്ച മൈദ കഷ്ണങ്ങൾ ചേർത്തി നന്നായി ഇളക്കുക. മേലെ പഞ്ചസാരപ്പൊടി തൂവി  വെക്കുക. 

പഞ്ചസാര പാനി ഉണ്ടാക്കാതെയും ഇതുണ്ടാക്കം.  പഞ്ചസാര പൊടിച്ചു വെച്ച് വറുത്ത കഷ്ണങ്ങൾക്കു മേലെ ചൂടോടെ തന്നെ തൂവി ഇളക്കി വെക്കാം. ഇങ്ങിനെ ചെയ്യുമ്പോൾ മാവു കുഴക്കുമ്പോൾ തന്നെ അല്പം നെയ്യും പഞ്ചസാര പൊടിച്ചതും ചേർത്തി കുഴച്ചാൽ ഒന്ന് കൂടി നന്നായിരിക്കും!

Idiappam biryani

ഇടിയപ്പം ബിരിയാണി

ആവശ്യമുള്ള സാധനങ്ങൾ :

ഇടിയപ്പത്തിനു വേണ്ടത്‌ 

അരിപ്പൊടി/ ഇടിയപ്പം പൊടി      : 2 കപ്പ്‌ 

വെള്ളം                                        : 3 കപ്പ്‌, ഏകദേശം 

എണ്ണ                                          : 1 ടേബിൾസ്പൂണ്‍

ഉപ്പു്   ആവശ്യത്തിന് 

വെള്ളം, ആവശ്യത്തിനു ഉപ്പും ഒരു സ്പൂണ്‍ എണ്ണയും ചേർത്തി നന്നായി തിളപ്പിക്കുക.  ഒരു പരന്ന പാത്രത്തിൽ അരിപ്പൊടി എടുത്തു കുറേശ്ശെ ഈ തിളച്ച വെള്ളം ഒഴിച്ചു  നന്നായി കുഴച്ചു വെക്കുക.

ഈ കുഴച്ചു വെച്ച മാവ് കുറേശ്ശെയായി സേവനാഴിയിൽ ഇട്ടു  ഇഡ്ഡലി  തട്ടിലേക്കു  പിഴിഞ്ഞു ഇഡ്ഡലി പാത്രത്തിൽ വേവിച്ചു  മാറ്റി വെക്കുക.

ഇടിയപ്പം ബിരിയാണിക്കു വേണ്ട സാധനങ്ങൾ

 

വലിയ ഉള്ളി                               : 1 

തക്കാളി                                      : 1 

പച്ചമുളക്                                    : 2 എണ്ണം 

ഇഞ്ചി                                         : 1 "കഷ്ണം 

വെളുത്തുള്ളി                                : 2 അല്ലി 

തേങ്ങാപാൽ                              : 2 ടേബിൾസ്പൂണ്‍ 

ഉപ്പു്  ആവശ്യത്തിന് 

പട്ട                                             : 1 ഇഞ്ചു നീളത്തിൽ 

വഴനയില (bay leaf)                    : 1 

ഗ്രാമ്പൂ                                         : 3 എണ്ണം 

ബിരിയാണി മസാല                    : 1 ടീസ്പൂണ്‍ 

ഉരുളകിഴങ്ങ്                                : 1 

കാരറ്റ്                                         : 1 

ബീൻസ്‌                                      : 5 എണ്ണം 

പച്ച പട്ടാണി                                : 1/4  കപ്പ്‌ 

മല്ലിയില,പുതിനയില                   : അല്പം 

എണ്ണ                                          : 3 ടേബിൾസ്പൂണ്‍

ചെയ്യുന്ന വിധം :

ഉരുളകിഴങ്ങും കാരറ്റും ചെറിയ ചതുര കഷണങ്ങളായി മുറിച്ചു വെക്കുക. ബീൻസും  ചെറുതായി മുറിച്ചു വെക്കുക.

ഉരുളകിഴങ്ങും കാരറ്റും ബീൻസും പട്ടാണിയും അല്പം ഉപ്പു ചേർത്തി  വേവിച്ചു വെക്കണം.

ഉള്ളി ചെറുതായി മുറിച്ചു വെക്കണം. ഇഞ്ചിയും വെളുത്തുള്ളിയും ചതച്ചു വെക്കുക.

ഒരു ചീനച്ചട്ടിയിൽ / നോണ്‍ സ്റ്റിക് പാനിൽ എണ്ണയൊഴിച്ച് ചൂടാകുമ്പോൾ പട്ടയും ഗ്രാമ്പൂവും വഴനയിലയും

ചെറുതായി വറുക്കുക, ഇതിൽ ഉള്ളി അരിഞ്ഞതും ഇട്ടു നന്നായി വഴറ്റുക. അതിനു ശേഷം ഇഞ്ചി വെളുത്തുള്ളി അരച്ചത്‌ ചേർത്തി പച്ചമണം പോവുന്നത് വരെ വഴറ്റണം . തീ കുറച്ചു ബിരിയാണി മസാലയും പച്ചമുളകു കീറിയതും ചേർക്കുക . ഇതിൽ തക്കാളി അര്ഞ്ഞതും ചേർത്തി വഴറ്റണം. തക്കാളി കുഴഞ്ഞ പരുവമാവുമ്പോൾ ഉപ്പും ചേർത്തി വേവിച്ചു വെച്ച പച്ചക്കറികളും മല്ലിയിലയും പുതിനയിലയും ചേർത്തി നന്നായി ഇളക്കുക. 

ഇതിൽ തേങ്ങാപാലും ചേർത്തി  ഒന്നുകൂടി ഇളക്കി ഒടുവിൽ ഇടിയപ്പം ചേർത്തുക.  

നന്നായി മസാല ചേരുന്ന പാകത്തിൽ ഇളക്കി (കുഴഞ്ഞു പോകരുത്) വിളമ്പുന്ന പാത്രത്തിലേക്കു മാറ്റുക. 

 

Chena vellappayar upperi

ആവശ്യമുള്ള സാധനങ്ങൾ :

ചേന                          : 1/ 4  കിലോ 

വെള്ളപ്പയർ                : 1/2 കപ്പ്‌ 

ചെറിയ ഉള്ളി              : 10 എണ്ണം 

മുളകുപൊടി                 : 1ടീസ്പൂണ്‍ 

മഞ്ഞപ്പൊടി                : 1/8 ടീസ്പൂണ്‍ 

ഉപ്പു്  ആവശ്യത്തിന് 

എണ്ണ                          : 1ടേബിൾസ്പൂണ്‍ 

കറിവേപ്പില                : ഒരു തണ്ട് 

ചെയ്യുന്ന വിധം :

വെള്ളപ്പയർ ഒരു പത്തുമിനിട്ടു വെള്ളത്തിലിട്ടു വെച്ച ശേഷം കുക്കറിൽ വേവിക്കുക. കുക്കർ  ആറിയ ശേഷം തുറന്ന്  വെള്ളം ജാസ്തി ഉണ്ടെങ്കിൽ കളയുക.

ചേന ചെറിയ കഷണങ്ങളാക്കി മുറിച്ചു കഴുകി  അല്പം മഞ്ഞൾപൊടിയും ഉപ്പും ചേർത്തി വേവിച്ചു വെക്കുക.

ഒരു ചീനച്ചട്ടിയിൽ എണ്ണയൊഴിച്ചു  ചൂടായ  ശേഷം ഉള്ളി ചതച്ചു  ചേർക്കുക. ഇതിൽ മുളകുപൊടിയും കറിവേപ്പിലയും ചേർത്തി  ഒന്ന് വഴറ്റിയ ശേഷം വെന്ത ചേനയും വെള്ളപ്പയറും ചേർത്തി നന്നായി ഇളക്കുക. 

ചെറിയ തീയില അൽപനേരം വെച്ച് ഇടക്കിളക്കി മൊരിയുന്ന പരുവത്തിൽ തീ കെടുത്തി, വിളമ്പുന്ന പാത്രത്തിലേക്കു മാറ്റുക. ചോറിന്റെ കൂടെ കഴിക്കാൻ നന്നായിരിക്കും.

Chicken masala curry

ആവശ്യമുള്ള സാധനങ്ങൾ:

കോഴി                       : 1/2 കിലോ 

ഗ്രാമ്പൂ                        : 2 എണ്ണം 

പട്ട                            : 1 കഷ്ണം 

ഇഞ്ചി                        : 1 കഷ്ണം 

വെളുത്തുള്ളി               : 2 അല്ലി

മുളകുപൊടി                : 1ടേബിൾസ്പൂണ്‍ 

മല്ലിപ്പൊടി                 : 1 ടേബിൾസ്പൂണ്‍ 

മഞ്ഞപ്പൊടി               : 1/4 ടീസ്പൂണ്‍ 

തേങ്ങ ചിരവിയത്      : 1 കപ്പ്‌ 

ഉപ്പു് ആവശ്യത്തിന് 

എണ്ണ                         : 1 ടേബിൾസ്പൂണ്‍ 

ചെറിയ ഉള്ളി             : 10 എണ്ണം 

മല്ലിയില അല്പം അലങ്കരിക്കാൻ

ചെയ്യുന്ന വിധം :

കോഴി എല്ലോടുകൂടി ചെറിയ കഷ്ണങ്ങളായി മുറിച്ചു കഴുകി വെക്കുക.

തേങ്ങ ചിരവിയത് അരച്ചു  വെക്കുക.

ഒരു ചീനചട്ടിയിൽ പട്ടയും ഗ്രാമ്പുവും ഇട്ടു ഒന്നു വറുത്ത ശേഷം തീ കുറച്ചു മുളകുപൊടിയും മല്ലിപൊടിയും ഇട്ടു വറുക്കുക. പച്ചമണം മാറിയാൽ തീ കെടുത്തി അഞ്ചു ചെറിയ ഉള്ളിയും  വെളുത്തുള്ളിയും ഇഞ്ചിയും ചേർത്തി  അരക്കുക. 

ഈ അരച്ച മസാലയും കോഴി കഷ്ണങ്ങളും ഉപ്പും മഞ്ഞപ്പൊടിയും അല്പം വെള്ളവും ചേർത്തി വേവിക്കുക. കോഴി വെന്താൽ അരച്ചു വെച്ച തേങ്ങയും ചേർത്തി ഒന്ന് കൂടി തിളപ്പിക്കുക.  അല്പം കുറുകിയ പരുവത്തിലായിരിക്കണം 

ഈ കറി. 

ബാക്കി ചെറിയ ഉള്ളി ചെറുതായരിഞ്ഞു  എണ്ണയിൽ വറുത്തു ഈ കറിയിൽ ഒഴിക്കുക.  വിളമ്പുന്ന പാത്രത്തിലേക്കു മാറ്റി മല്ലിയില തൂവി അലങ്കരിക്കുക.

Chicken stew

ആവശ്യമുള്ള  സാധനങ്ങൾ :

കോഴി  എല്ലോടുകൂടിയത്                  : 1/4 കിലോ 

ഉരുളകിഴങ്ങ്                                    : 2 എണ്ണം 

വലിയ ഉള്ളി                                    : 1 

പച്ചമുളക്                                         : 3 എണ്ണം 

കുരുമുളക് തരുതരുപ്പായി പൊടിച്ചത് : 1/ ടീസ്പൂണ്‍ 

ഗ്രാമ്പൂ                                              : 2 എണ്ണം 

പട്ട                                                  : 1"കഷ്ണം 

വെളുത്തുള്ളി                                     : 2 അല്ലി

ഇഞ്ചി                                              : 1" കഷ്ണം 

ഉപ്പു്  ആവശ്യത്തിന് 

വെളിച്ചെണ്ണ                                     : 1 ടേബിൾസ്പൂണ്‍
തേങ്ങാപാൽ  നേർത്തത്
(thin coconut milk)                        : 1 cup
കട്ടിയുള്ള തേങ്ങാപാൽ                    
thick coconut milk)                        : 1/2 cup
കറിവേപ്പില                                     : 1 തണ്ട്

ചെയ്യുന്ന വിധം 

കോഴി ചെറിയ കഷ്ണങ്ങളാക്കി കഴുകി വെക്കുക. ഉരുളകിഴങ്ങ് ചെറിയ കഷ്ണങ്ങളായി മുറിച്ചുവെക്കുക.

ഉള്ളി ഘനമില്ലതെ  നീളത്തിൽ അരിഞ്ഞു വെക്കുക. പച്ചമുളക് രണ്ടായി നീളത്തിൽ കീറി വെക്കുക .

ഇഞ്ചിയും വെളുത്തുള്ളിയും നീളത്തിൽ അരിഞ്ഞു വെക്കുക.
ഒരു പ്രഷർ കുക്കർ ചൂടാക്കി അല്പം എണ്ണയൊഴിച്ച് പട്ടയും ഗ്രാമ്പൂവും ഇട്ടു ഒന്നു വറുത്ത ശേഷം അരിഞ്ഞു വെച്ച വെളുത്തുള്ളിയും ഉള്ളിയും പച്ചമുളകും ഇഞ്ചിയും ഒന്നു വഴറ്റുക. നിറം മാറും മുമ്പേ തന്നെ മുറിച്ചു വെച്ച ഉരുളകിഴങ്ങും കോഴി കഷ്ണങ്ങളും ഇട്ട് ഉപ്പും ചേർത്തി  നന്നായി ഇളക്കി നേർത്ത തേങ്ങാപാലും ഒഴിച്ച് കുക്കർ മൂടി ഒരു രണ്ടു വിസിൽ വരുന്നത് വരെ വേവിക്കുക.  കുക്കർ ആറിയ ശേഷം മൂടി തുറന്ന് ഇളക്കുക. വെള്ളം അധികമുണ്ടെങ്കിൽ തുറന്നു വെച്ച് തിളപ്പിച്ച്‌ കുറച്ചു വറ്റിക്കണം അല്ലെങ്കിൽ തീ കുറച്ച് കട്ടിയുള്ള തേങ്ങാപാൽ ചേർക്കുക, കുരുമുളക് പൊടിച്ചുവെച്ചതും തൂകി തീ കെടുത്തുക. മേലെ ഒരു സ്പൂണ്‍ പച്ച വെളിച്ചെണ്ണയും ഒഴിച്ച് കറിവേപ്പില ഇടുക. ഇടത്തരം അയവോടെയുള്ള കറിയാണിത് .  വിളമ്പുന്ന പാത്രത്തിലേക്കു  മാറ്റുക. ഇഡ്ഡലി ദോശ ചപ്പാത്തി പിന്നെ നെയ്ചോറിന്റെ കൂടെയും കഴിക്കാൻ നന്നായിരിക്കും.

Chicken ularthiyathu

കോഴി  ഉലർത്തിയത്

ആവശ്യമുള്ള സാധനങ്ങൾ :

കോഴി                                          : 1/2 കിലോ

തൈര്                                         : 1 ടേബിൾസ്പൂണ്‍ 

വലിയ ഉള്ളി                                : 1 

കുടമുളക് (Green capsicum)        : 1

ഇഞ്ചി വെളുത്തുള്ളി അരച്ചത്‌         : 1 ടീസ്പൂണ്‍ 

ചെറിയ ഉള്ളി                              : 4 എണ്ണം 

മഞ്ഞപ്പൊടി                                : 1/8 ടീസ്പൂണ്‍

ഉപ്പു്   ആവശ്യത്തിന് 

എണ്ണ                                          :  2 ടേബിൾസ്പൂണ്‍

വറുത്ത്  അരക്കാൻ :

കുരുമുളക്                                      : 1 ടേബിൾസ്പൂണ്‍ 

ചുവന്ന മുളക്                                 : 4 എണ്ണം

ജീരകം                                         : 1/4 ടീസ്പൂണ്‍ 

മല്ലി                                             : 1 ടീസ്പൂണ്‍ 

ഗ്രാമ്പൂ                                          : 4 എണ്ണം 

പട്ട                                              : 1 " കഷ്ണം

ചെയ്യുന്ന വിധം :

കുരുമുളകും ചുവന്ന മുളകും  ജീരകവും മല്ലിയും ഗ്രാമ്പൂവും പട്ടയും എല്ലാം കൂടി എണ്ണയില്ലാതെ വറുക്കുക. ആറിയ ശേഷം ഉള്ളി ചേർത്തി  അരക്കുക. 

കോഴി കഴുകി ചെറിയ കഷ്ണങ്ങളായി അരിഞ്ഞു വെക്കുക.

അരിഞ്ഞു വെച്ച കോഴിയിൽ ഉപ്പും മഞ്ഞപ്പൊടിയും ഇഞ്ചി വെളുത്തുള്ളി അരച്ചതും വറുത്തരച്ചു വെച്ച മസാലയും തൈരും ചേർത്തി നന്നായി മിക്സ്‌ ചെയ്ത്  ഒരു മണിക്കൂർ നേരത്തേക്ക് ഫ്രിഡ്ജിൽ വെക്കുക.

വലിയ ഉള്ളിയും കുടമുളകും ഘനമില്ലതെ ഒരിഞ്ചു നീളത്തിൽ അരിഞ്ഞു വെക്കുക.

ഒരു നോണ്‍ സ്റ്റിക് പാനിൽ ഒരു ടേബിൾ സ്പൂണ്‍ എണ്ണയൊഴിച്ചു  ചൂടാക്കിയ ശേഷം അരിഞ്ഞു വെച്ച ഉള്ളിയും  കുടമുളകും ഇട്ടു ഒരു മിനിട്ടു നേരത്തേക്കു മൂപ്പിച്ച ശേഷം പാനിൽ നിന്നും മാറ്റി വെക്കുക.

പാനിൽ ബാക്കി എണ്ണയൊഴിച്ചു  ചൂടാക്കി ഫ്രിഡ്ജിൽ നിന്നും എടുത്ത കോഴി ഇട്ടു  രണ്ടു മൂന്നു മിനിട്ടു മൂപ്പിക്കുക. 

എന്നിട്ടു പാൻ അടച്ചുവെക്കുക, വെള്ളം ചേർക്കണ്ട ആവശ്യമില്ല. 

മൂന്നു മിനിട്ടു  കഴിഞ്ഞു മൂടി തുറന്നു നോക്കി മൂപ്പിച്ചു വെച്ച ഉള്ളിയും കുടമുളകും ചേർത്തി ഇളക്കി ചെറിയ തീയിൽ വെച്ചു  ബ്രൌണ്‍ നിറം ആവുന്നതു വരെ മൂപ്പിക്കുക.  മല്ലിയില തൂവുക.