Maida Burfi

മൈദ ബർഫി

                              

ആവശ്യമുള്ള സാധനങ്ങൾ :

മൈദ                          : ഒരു കപ്പ് 

പഞ്ചസാര                   : മുക്കാൽ കപ്പ് 

ഏലക്കായ                  : 3 എണ്ണം 

വാനില എസ്സെൻസ്    : 1/4 ടീസ്പൂൺ 

വെള്ളം                       : ഒന്നര കപ്പ് 

നെയ്യ്/എണ്ണ                : 1/2 കപ്പ് 

കളർ (optional)         : അല്പം 

 

 

ചെയ്യുന്ന വിധം:

ഒരു square പാത്രത്തിൽ നെയ്യ് തടവി വെക്കുക അല്ലെങ്കിൽ ഒരു പ്ലേറ്റിൽ നെയ് തടവിയാലും മതി.

നെയ്യ് ഒരു പാനിൽ ചൂടാക്കുക. ചൂടായ നെയ്യിൽ മൈദയിട്ടു നന്നായി ഇളക്കുക. പച്ചമണം മാറിയാൽ അടുപ്പിൽ നിന്നും മാറ്റിവെക്കുക.

 

 

ഒരു പാനിൽ പഞ്ചസാരയും വെള്ളവും കൂടി തിളപ്പിക്കാൻ  വെക്കുക. ഇളക്കി കൊടുക്കുക. ഒരു കമ്പി പരുവമാകുമ്പോൾ വാനില എസ്സെൻസും കളറും ചേർത്തി  തീ ഓഫ് ചെയ്യുക. 

ഇതിൽ മൈദാ ചേർത്തി  ഇളക്കിക്കൊണ്ടേയിരിക്കണം.  കാട്ടിയായിത്തുടങ്ങുമ്പോൾ  നെയ് തടവിയ പ്ലേറ്റിലേക്കു ഒഴിക്കുക. ഒരു പരന്ന സ്പൂൺ കൊണ്ട് ഒപ്പം ആക്കി അമർത്തി വെക്കുക.

ഒരു കത്തികൊണ്ട് നീളത്തിൽ വരയുക. cross ആയും വരയുക. square ആക്കിയോ diamond shape  ആയോ മുറിച്ചെടുക്കാൻ പാകത്തിൽ വരയുക.

• മൈദാ ചേർത്തി ഇളക്കുമ്പോൾ പാത്രത്തിൽ നിന്നും ഒഴിക്കാൻ പാകത്തിലാവുമ്പോൾ തന്നെ പ്ലേറ്റിലേക്കു മാറ്റിയില്ലെങ്കിൽ കട്ടിയാവും  പിന്നെ shapil cut ചെയ്യാൻ കിട്ടില്ല. അതൊന്നു ശ്രദ്ധിക്കണം.

നല്ല സ്വാദുള്ള എളുപ്പമുള്ള ഒരു sweet  ആണിത്! 

Stuffed Kozhukkatta

 

                                                          

 ആവശ്യമുള്ള സാധനങ്ങൾ :

അരിപ്പൊടി                              : ഒരു കപ്പ് 

 

വെള്ളം                                    : ഒരു കപ്പ് 

 

ഉപ്പ്                                         : ഒരു നുള്ള് 

 

എണ്ണ                                      : ഒരു ടീസ്പൂൺ 

 

 

For Filling:

തേങ്ങ                                   : ഒരു കപ്പ് 

വെല്ലപൊടി                           : ഒരു കപ്പ് 

നെയ്യ്                                    : ഒരു ടീസ്പൂൺ 

ഏലക്കായ                            : 3 എണ്ണം 

ചെയ്യുന്ന വിധം :

ഒരു പാനിൽ വെല്ലം ഇട്ടു ഒരു കാൽ കപ്പ് വെള്ളം ചേർത്തു അടുപ്പിൽ വെച്ച് തിളപ്പിക്കുക. വെല്ലം അലിഞ്ഞാൽ അരിച്ചെടുക്കുക. വെല്ലത്തിലെ അഴുക്കു കളയാനാണിത്. പാൻ കഴുകി വീണ്ടും വെല്ലം അടുപ്പിൽ വെച്ച് തിളപ്പിച്ച് ഉരുക്കിയെടുക്കുക.  ഒരല്പം വെള്ളം ഒരു ചെറിയ കിണ്ണത്തിലെടുത്തു ഉരുക്കിയ ശർക്കര ഒരു തുള്ളി ഒറ്റിച്ചാൽ ഉരുണ്ടു വീഴും, വെള്ളത്തിൽ നിന്ന് ഉരുട്ടിയെടുക്കാൻ പറ്റും. ഇതാണ് പാവിന്റെ പാകം. ഇതിൽ ചിരവിയ തേങ്ങ ഇട്ട് നന്നയി ഇളക്കുക. വെള്ളം വറ്റി ഉരുണ്ടുവരുമ്പോൾ ഏലക്കായ പൊടിച്ചതും നെയ്യും ചേർത്തി  ഇളക്കി  ചെറിയ ഉരുളകളാക്കി വെക്കുക.

 

ഒരു പാനിൽ വെള്ളം, അല്പം ഉപ്പും ചേർത്തി തിളപ്പിച്ച ശേഷം കുറേശ്ശേയായി അരിപ്പൊടിയിൽ ചേർത്തി സ്പൂൺ കൊണ്ട് നന്നായി mix ചെയ്യുക.  ചൂട് സഹിക്കാനാവുമ്പോൾ കൈ കൊണ്ട് നന്നായി കുഴക്കുക.

 

ഓരോ ചെറിയ ഉരുളകളെടുത്തു  കൈ കൊണ്ടു  ചെറുതായി പരത്തി  തേങ്ങകൂട്ട് ഒരു ചെറിയ നെല്ലിക്കയോളം എടുത്തു നടുവിൽ വെച്ച് മാവ് വീണ്ടും ഉരുട്ടി ball ആകൃതിയിൽ ആക്കി വെക്കുക. ബാക്കി മാവും ഇതുപോലെ ഉരുട്ടിയെടുക്കുക.

ഇത് സ്റ്റീമറിൽ വെച്ച്  ഒരു പത്തുമിനിറ്റ്  വേവിച്ചെടുക്കുക.

 

Missi Roti

 

 ആവശ്യമുള്ള സാധനങ്ങൾ 

ഗോതമ്പുമാവ്                            : 1 കപ്പ് 

കടലമാവ്                                 : 1/4 കപ്പ് 

ഉള്ളി അരിഞ്ഞത്                      : 1/4 കപ്പ് 

ഓമം                                         : 1/4 സ്പൂൺ 

കായം                                       : ഒരു നുള്ള് 

പച്ചമുളക്                                   : ഒരെണ്ണം, ചെറുതായരിഞ്ഞത് 

ഉപ്പ് ആവശ്യത്തിന് 

എണ്ണ                                        : ഒരു ടീസ്പൂൺ 

ചെയ്യുന്ന വിധം:

എല്ലാ ചേരുവകളും ഒരു പരന്ന പാത്രത്തിൽ ഇട്ടു നന്നായി mix ചെയ്ത് അൽപാപമായി വെള്ളം ചേർത്ത് നന്നായി കുഴച്ചു വെക്കുക.

 

 

ഒരു പത്തുമിനിറ്റ് അടച്ചുവെച്ച ശേഷം  ചെറുനാരങ്ങാ വലിപ്പത്തിൽ ഓരോ ഉരുളകളാക്കി വെക്കുക. ഇത് ചപ്പാത്തി കല്ലിൽ വെച്ച് പരത്തി  ഓരോന്നായി ദോശക്കല്ലിൽ ചുട്ടെടുക്കുക. ചുടുമ്പോൾ അല്പം എണ്ണ അരികിലൂടെ തൂവിക്കൊടുക്കണം . ചൂടോടെ ചിക്കൻ കറിയോ വെജിറ്റബിൾ കറിയോ ചേർത്തി കഴിക്കാം

 

Kuzhalappam

കുഴലപ്പം

                                                                   

ആവശ്യമുള്ള സാധനങ്ങൾ:

അരിപ്പൊടി                             : 2 കപ്പ് 

തേങ്ങ ചിരവിയത്                   : 1/2 കപ്പ് 

ചെറിയ ഉള്ളി                          : 8 എണ്ണം 

ജീരകം                                   : 1/4 ടീസ്പൂൺ 

എള്ള്                                     : 1/4 ടീസ്പൂൺ 

വെളിച്ചെണ്ണ വറുക്കാൻ ആവശ്യത്തിന് 

ഉപ്പ് ആവശ്യത്തിന് 

 

 

ചെയ്യുന്ന വിധം:

അരിപ്പൊടി നന്നായി വറുക്കുക, നിറം മാറരുത്,  അഞ്ചോ ആറോ  മിനിട്ടു വറുത്താൽ മതിയാകും.

തേങ്ങയും ജീരകവും ഉള്ളിയും ചേർത്തി മിക്സിയിൽ നന്നായി അരക്കുക.

 

 

അരച്ച ഈ പേസ്റ്റ് രണ്ടു  കപ്പ് വെള്ളത്തിൽ  ചേർത്തി, ഇതിൽ ആവശ്യത്തിനു ഉപ്പും ഇട്ടു നന്നായി തിളപ്പിക്കുക. അടുപ്പിൽ നിന്നും എടുത്ത ഉടനെ അരിപ്പൊടിയിൽ കുറേശ്ശേ ഒഴിച്ച് സ്പൂൺ കൊണ്ട് നന്നായി mix ചെയ്യുക.  ചൂടുള്ളതു കൊണ്ടാണ് സ്പൂൺ ഉപയോഗിക്കാൻ പറഞ്ഞത്. വെള്ളം പോരെങ്കിൽ അല്പം തിളച്ച വെള്ളം ചേർക്കാം.

ഇടിയപ്പത്തിന്റെ മാവ് കുഴക്കുന്നപോലെ കുഴക്കണം.  

 

 

ചൂട് അല്പം കുറഞ്ഞാൽ കൈകൊണ്ടു കുഴക്കുക.എള്ളും ചേർത്തി കുഴക്കുക. ഇതിൽ മേലെ ഒരു നനഞ്ഞ തുണി ഇട്ടു അല്പ നേരം വെക്കാം.

ഇനി ചാപ്പാത്തി കല്ലിൽ cling film കൊണ്ട് കവർ ചെയ്യുക. മാവ് അതിൽ ഒട്ടിപിടിക്കാതിരിക്കാനാണ് ഇത് ചെയ്യുന്നത്.  ചപ്പാത്തി മേക്കർ ഉണ്ടെങ്കിൽ അതിൽ അല്പം എണ്ണ തടവിയാൽ മതി.

ഇനി മാവിൽ നിന്നും നാരങ്ങാ വലുപ്പത്തിൽ ഉരുള എടുത്തു കല്ലിൽ വെച്ച് ചെറിയ വട്ടത്തിൽ പരത്തി (ഒരു സിഡിയുടെ വലുപ്പം മതിയാകും) അതിനെ മെല്ലെ ഒന്ന് ചുരുട്ടുക. കൈവിരലിൽ വെച്ച് ചുരുട്ടിയാലും മതി. ഇത് ഒരു tray യിൽ നിരത്തുക.

 

 

 

ഒരു ഫ്രൈപാനിൽ എണ്ണ ചൂടാക്കി രണ്ടോ മൂന്നോ എണ്ണം ഒരുമിച്ചിട്ടു നല്ല കരുകരുപ്പായി വറുത്തു കോരുക. ഇത്‌പോലെ ബാക്കി മാവ് കൊണ്ട് കുഴലപ്പം ഉണ്ടാക്കി എടുക്കുക.

 

• ഇതിൽ രണ്ടോ മൂന്നോ അല്ലി  വെളുത്തുള്ളിയും വേണമെങ്കിൽ ചേർക്കാം. ഞാൻ ചേർത്തിട്ടില്ല. നല്ല സ്വാദുള്ള ഒരു നാലുമണി പലഹാരമാണ്.
  

 

Palak Puri

 

 

ആവശ്യമുള്ള സാധനങ്ങൾ :

• ഗോതമ്പു മാവ്                           : 2 കപ്പ് 
• പച്ചമുളക്                                  : ഒന്ന് 
• ഇഞ്ചി                                       : ഒരു ചെറിയ കഷ്ണം 
• ജീരകപ്പൊടി                             : ഒരു നുള്ള് 
• ഉപ്പ് ആവശ്യത്തിന് 
• പാലക് ചീര                             : 1/2 കെട്ട് 

• എണ്ണ വറുക്കാൻ വേണ്ടത്  

 

ചെയ്യുന്ന വിധം :

• പാലക് ചീര വലിയ തണ്ടുകൾ മുറിച്ചു കളഞ്ഞിട്ട് നന്നായി കഴുകി വെക്കു ഒരു പരന്ന പാത്രത്തിൽ വെള്ളം തിളപ്പിക്കാൻ വെക്കുക.  തിളച്ച വെള്ളത്തിൽ കഴുകിയ     ചീരയും   പച്ചമുളകും ഇഞ്ചിയും ഇട്ട് രണ്ടുമിനിറ്റിനു ശേഷം തീ ഓഫ് ചെയ്യുക. 
  വെള്ളം കളഞ്ഞിട്ടു തണുത്ത വെള്ളത്തിൽ അല്പം ഐസ് വേണമെങ്കിൽ ചേർക്കാം. അതിനു ശേഷം വെള്ളത്തിൽ നിന്നും വാരിയെടുത്തു അരച്ചെടുക്കുക. ഒരു പരന്ന പാത്രത്തിൽ ഗോതമ്പു മാവും അല്പം ഉപ്പും ഇട്ടു ഈ അരച്ച പേസ്റ്റും  ജീരകപൊടിയും ചേർത്തി  നന്നായി കലർത്തുക. ഇതിൽ അൽപാപമായി വെള്ളം ചേർത്തി ചപ്പാത്തി മാവിന്റെ പരുവത്തിൽ കുഴച്ചു വെക്കുക.  

  • ഇതിൽ നിന്നും ഓരോ ചെറിയ നാരങ്ങാ വലുപ്പത്തിൽ ഉരുളകളെടുത്തു  രണ്ടോ മൂന്നോ ഇഞ്ചു diameter വട്ടത്തിൽ പരത്തുക. 

   
   
  
  
  
  ഒരു ഫ്രൈപാനിൽ എണ്ണ ചൂടാക്കി ഓരോ പുരിയായി വറുത്തു കോരുക.  ഇഷ്ടപെട്ട കറിയോടൊപ്പം  ചൂടോടെ കഴിക്കാം.  ഞാൻ കടലക്കറിയാണ് ഉണ്ടാക്കിയത്.
  

Egg Biryani Different style

മുട്ട ബിരിയാണി ഇതിനുമുമ്പും രണ്ടുവിധത്തിൽ തയാറാക്കി ഞാൻ പോസ്റ്റ് ചെയ്തിട്ടുണ്ട്. ഇത് പുതിയ ഒരു രീതിയിൽ ചെയ്തു നോക്കിയതാണ്.

ആവശ്യമുള്ള സാധനങ്ങൾ 

മുട്ട                                   : 3 എണ്ണം

ബാസ്മതി അരി                  : 2 കപ്പ് 

പട്ട                                   : 1" കഷ്ണം 

ഗ്രാമ്പൂ                               : 3 എണ്ണം 

bayleaf                            : 1

വലിയ ഉള്ളി                     : 2 കപ്പ് 

ഇഞ്ചി വെളുത്തുള്ളി പേസ്റ്റ്  : ഒരു ടേബിൾസ്പൂൺ 

പച്ചമുളക്                          : 2 എണ്ണം

തൈര്                               : 1/4 കപ്പ് 

തക്കാളി                           : 1 കപ്പ് 

കുരുമുളകുപൊടി                : ഒരു നുള്ള് 

ബിരിയാണി മസാല         : 2 ടീസ്പൂൺ 

മഞ്ഞപ്പൊടി                     : 1/4 ടീസ്പൂൺ

ഉപ്പ് ആവശ്യത്തിന് 

എണ്ണ ആവശ്യത്തിന്

മൈദ                              : ഒരു ടേബിൾസ്പൂൺ 

കോൺഫ്ലവർ                  : ഒരു ടീസ്പൂൺ 

നെയ്യ്                             : ഒരു ടീസ്പൂൺ 

അണ്ടിപരിപ്പ്                  : 5 എണ്ണം

ചെയ്യുന്ന വിധം :

മുട്ട പൊട്ടിച്ചു ഒരു ചെറിയ പരന്ന എണ്ണ തടവിയ പാത്രത്തിൽ  ഒഴിച്ച് കുറച്ചു ഉപ്പും കുരുമുളകുപൊടിയും ചേർത്തി നന്നായി ഒന്ന് അടിച്ചു ഇഡ്ഡലി പാത്രത്തിലോ സ്റ്റീമറിലോ ഒരു പത്തു മിനിട്ടു വേവാൻ വെക്കുക.

വെന്തശേഷം പാത്രം കമഴ്ത്തി കൊട്ടിയാൽ ഒരു പാത്രത്തിൽ നിന്ന് ഇളകിവരും. ഒരു കത്തികൊണ്ട് ചതുര കഷ്ണങ്ങളായി മുറിക്കുക.

  

ഒരു പാത്രത്തിൽ മൈദയും കോൺഫ്ലവറും അല്പം ഉപ്പും  ചേർത്തി കുറച്ചു വെള്ളം ഒഴിച്ച് നന്നായി കലർത്തിയ ശേഷം  ഈ കഷ്ണങ്ങൾ മുക്കി ചൂടായ എണ്ണയിൽ വറുത്തു കോരി .മാറ്റിവെക്കുക.

ഒരു പാത്രത്തിൽ വെള്ളം തിളപ്പിച്ച്  അതിൽ അല്പം ഉപ്പും ഒരു സ്പൂൺ എണ്ണയും ഒരു കഷ്ണം പട്ടയും ഗ്രാമ്പുവും ഇട്ടു 

കഴുകി വാരിയ അരി ഇട്ടു മുക്കാൽ വേവാവുന്നതു വരെ വേവിച്ചു വെള്ളം വാറ്റി മാറ്റി വെക്കുക.

ഉള്ളി നീളത്തിൽ ഘനമില്ലാതെ അരിഞ്ഞു വെക്കുക. തക്കാളിയും ചെറുതായി അരിഞ്ഞുവെക്കുക.

ഒരു നോൺസ്റ്റിക് പാനിൽ ഒരു ടേബിൾസ്പൂൺ എണ്ണ ചൂടാക്കി പട്ടയും ഗ്രാമ്പുവും ബിരിയാണിയിലയും ഇട്ടു വഴറ്റി, ഇഞ്ചി വെളുത്തുള്ളി പേസ്റ്റ് ഇട്ടു വഴറ്റുക. ഇതിൽ അരിഞ്ഞു വെച്ച ഉള്ളിയും ചേർത്തി ഇളം ബ്രൗൺ നിറമാവുന്നതു വരെ വഴറ്റിയ ശേഷം തീ കുറച്ചു ബിരിയാണി മസാലയും മഞ്ഞപ്പൊടിയും  ചേർത്തി നന്നായി ഇളക്കിയ ശേഷം തക്കാളി ചേർത്തി വഴറ്റുക. ഇതിൽ തൈരും അല്പം ഉപ്പും വറുത്തു വെച്ച മുട്ട കഷ്ണങ്ങളും ചേർത്തി നന്നയി 2 മിനിട്ടു ഇളക്കി  വേവിച്ച അരി മേലെ നിരത്തുക.  നെയ്യു ചൂടാക്കി അണ്ടിപരിപ്പ് പൊട്ടിച്ചു വറുത്തു നെയ്യോടെ  ചോറിന്റെ മേലെ ഒഴിക്കുക.അടുപ്പിൽ നിന്നും മാറ്റിവെക്കുക.

ഒരു ദോശ തവ, ഇരുമ്പാണെങ്കിൽ നല്ലത്, ചൂടാക്കി  തീ ചെറുതാക്കി അതിന്റെ മേലെ  ഒരു പത്തുമിനിറ്റ് വെച്ചു ചൂടാക്കിയ ശേഷം തീ കെടുത്തുക. ഒരു വിളമ്പുന്ന പാത്രത്തിലേക്ക് മെല്ലെ ഇളക്കി വിളമ്പി അരിഞ്ഞ മല്ലിയില മേലെ  തൂവുക

Meen curry without fish

മീനില്ലാത്ത മീൻ കറി

ആവശ്യമുള്ള സാധനങ്ങൾ 

ചേന                            : 1/2 കിലോ 

ചെറിയ ഉള്ളി                : 6 എണ്ണം 

വലിയ ഉള്ളി                 : 1 ഇടത്തരം 

പച്ചമുളക്                      : 2 എണ്ണം 

തക്കാളി                       : 1 

തേങ്ങ ചിരകിയത്        : 1 കപ്പ് 

മുളകുപൊടി                  : 2 ടീസ്പൂൺ 

മല്ലിപൊടി                   : 1 ടീസ്പൂൺ 

ഉലുവ                           : 1 ടീസ്പൂൺ( അരസ്പൂൺ പൊടിച്ചു വെക്കുക)

ഉപ്പ് ആവശ്യത്തിന് 

കുടംപുളി                     : 2 എണ്ണം 

വെളിച്ചെണ്ണ                : 1 ടേബിൾസ്പൂൺ 

കറിവേപ്പില                : ഒരു തണ്ട്

ചെയ്യുന്ന വിധം :

ചേന  തോല് കളഞ്ഞു ഒരിഞ്ചു നീളത്തിൽ ഘനമില്ലാതെ  ചതുരകഷ്ണങ്ങളായി മുറിച്ചു നന്നായി കഴുകി അല്പം വെള്ളം ചേർത്തി വേവിച്ചു വെക്കുക. പാതി വേവാകുമ്പോൾ അല്പം ഉപ്പും ചേർത്തി മുക്കാൽ വേവായാൽ തീ ഓഫ് ചെയ്യുക.

ചെറിയ ഉള്ളിയും വലിയ ഉള്ളിയും നീളത്തിൽ അരിഞ്ഞു വെക്കുക. തക്കാളിയും അരിഞ്ഞു വെക്കുക. 

കുടംപുളി കഴുകി അല്പം വെള്ളത്തിൽ ഇട്ടുവെക്കുക. ഇഞ്ചിയും വെളുത്തുള്ളിയും ചെറുതായി അരിഞ്ഞു വെക്കുക.

തേങ്ങയും മല്ലിപൊടിയും മുളകുപൊടിയും കൂടി നന്നായി അരച്ച് വെക്കുക.

ഒരു ചട്ടിയിൽ  എണ്ണ ചൂടാക്കി ഉലുവ ഇട്ടു മൂപ്പിച്ചശേഷം ഇഞ്ചിയും വെളുത്തുള്ളിയും ഇട്ടു മൂപ്പിക്കുക. ഇതിൽ അരിഞ്ഞു വെച്ച ചെറിയ ഉള്ളിയും വലിയ ഉള്ളിയും ഇട്ടു വഴറ്റണം. ബ്രൗൺ നിറമൊന്നും ആവണ്ട കാര്യമില്ല, ഉള്ളി നിറം മാറിത്തുടങ്ങുമ്പോൾ തക്കാളി ചേർക്കുക. അൽപ നേരം വഴറ്റിയിട്ട്‌ പച്ചമുളക് രണ്ടായി പിളർന്നതും ഇട്ട് ഇതിൽ അരച്ചുവെച്ച തേങ്ങയും ചേർത്തി നന്നായി വഴറ്റുക.  അതിനു ശേഷം ഒരു കപ്പ് വെള്ളം ഒഴിച്ച് കുടംപുളി വെള്ളത്തോടെ തന്നെ ചേർത്തി, മഞ്ഞപ്പൊടിയും ഇട്ട് നന്നായി തിളപ്പിക്കുക. 

തിളച്ച ശേഷം വേവിച്ച ചേനയും ചേർത്തി ഒന്നുകൂടി തിളപ്പിക്കുക. ഒടുവിൽ പൊടിച്ച ഉലുവ മേലെത്തൂവി ഇടത്തരം അയവോടെ കറിവേപ്പിലയും ചേർത്തി വാങ്ങിവെക്കുക.

മീൻ ഇല്ലാതെ തന്നെ മീൻ രുചിയോടെ ചോറിന്റെ കൂടെ കഴിക്കാവുന്നതാണ്.

• ചേനക്കു പകരം കായയോ അല്ലെങ്കിൽ കോവക്കയോ ഇട്ടും ഇങ്ങിനെ കറി വെക്കാം.
• മുളകുപൊടി ചേർക്കുമ്പോൾ ഒരു സ്പൂൺ എരിവുള്ള പൊടിയും ഒരു സ്പൂൺ കാശ്മീരി മുളകുപൊടി ചേർത്തി അരച്ചാൽ കറിക്കു നല്ല നിറം കിട്ടും.

Methi Sprout Dosa/Mulappicha uluva dosa

ഉലുവ മുളപ്പിച്ച ദോശ

ആവശ്യമുള്ള സാധനങ്ങൾ :

പച്ചരി                                     :  2 കപ്പ് 

ഉലുവ മുളപ്പിച്ചത്                      :1/4 കപ്പ് 

ചോറ്                                     : 1/4 കപ്പ് 

ഉപ്പ് ആവശ്യത്തിന് 

എണ്ണ                                     : 2 ടേബിൾസ്പൂൺ 

ചെയ്യുന്ന വിധം :

ഉലുവ മുളപ്പിക്കാൻ എളുപ്പമാണ്. ഉലുവ കഴുകി വെള്ളത്തിൽ കുതിരാനിടുക.  ഒരു ദിവസം മുഴുവൻ കുതിർന്ന ശേഷം അടുത്ത ദിവസം വെള്ളത്തിൽ നിന്നും വാരി എടുത്തു ഓട്ടപാത്രത്തിൽ ഇട്ടു അടച്ച വെക്കുക. രണ്ടുദിവസത്തിനുള്ളിൽ മുളച്ചു തുടങ്ങും. ഫ്രിഡ്ജിൽ വെച്ചാൽ കുറേശ്ശേ എടുത്തു ഉപയോഗിക്കാം. Diabetes ഉള്ളവർക്കു ദിവസവും ഒരു സ്പൂൺ രാവിലെ കഴിച്ചാൽ നല്ലതാണ്.

പച്ചരി  അര മണിക്കൂർ കുതിർത്തു വെക്കുക.   ഉലുവ മുളപ്പിച്ചതും ചേർത്തി അരക്കുക.

 അല്പം അരഞ്ഞതിനു  ശേഷം ചോറും ചേർത്തി അരക്കുക. അരച്ചുവെച്ച  മാവിൽ ഉപ്പു ചേർത്തി കലക്കി വെക്കുക.

 ദോശ തവ ചൂടാക്കിയ ശേഷം ഓരോ കയിൽ  മാവെടുത്തു ഘനമില്ലാതെ പരത്തി അല്പം എണ്ണ ചുറ്റും തൂവി കൊടുത്തു മൊരിഞ്ഞ ശേഷം  തവയിൽ നിന്നും മാറ്റി ബാക്കി മാവുംകൊണ്ട് ഇതുപോലെ ചുട്ടെടുക്കുക.

ഇഷ്ടമുള്ള ചട്ണി ചേർത്തി ചൂടോടെ കഴിക്കാം.

 ചോറിനു പകരം അല്പം അവിൽ കുതിർത്തതു ചേർത്തരച്ചാലും ദോശ soft ആയിരിക്കും..

Rumali roti

ആവശ്യമുള്ള സാധനങ്ങൾ :

മൈദ                                               :  1 കപ്പ് 

ഉപ്പ്  അല്പം 

ഇളം ചൂടു പാൽ                                 : 3/4 കപ്പ് 

എണ്ണ                                               ; 2ടീസ്പൂൺ

ചെയ്യുന്ന വിധം 

ഒരു പരന്ന പാത്രത്തിൽ മൈദ  ഇട്ട് അല്പം ഉപ്പും എണ്ണയും ചേർത്തി കലർത്തിയ ശേഷം അൽപാപമായി ഇളം ചൂട് പാൽ കുറേശ്ശേ ഒഴിച്ച് നല്ല പോലെ കുഴക്കുക. മേലെ അല്പം എണ്ണ തടവി നനഞ്ഞ തുണി മെലെ ഇട്ടു  ഇരുപത്തുമിനിട്ടു മൂടിവെക്കുക.

ഇതിൽ നിന്നും ഒരു ഉരുളയെടുത്തു ചപ്പാത്തിപോലെ പരത്തുക. പരത്താൻ പറ്റുന്ന വരെ ഘനമില്ലാതെ പരത്തുക.  

ഒരു വലിയ ചീനച്ചട്ടി അടുപ്പിൽ വെച്ചു 2 മിനിട്ടു ചൂടാക്കിയ ശേഷം അടുപ്പിൽ കമഴ്ത്തി വെക്കുക. 

ചീനച്ചട്ടി നന്നായി ചൂടായാൽ ചപ്പാത്തി മെല്ലെ എടുത്തു അതിന്റെ മേലെ വെക്കണം.

 കുറേശ്ശേ   പൊള്ളങ്ങൾ വന്നു തുടങ്ങുമ്പോൾ തിരിച്ചിടുക.  ഒരു ടവൽ കൊണ്ട് മെല്ലെ അമർത്തുക. ഇളം  ബ്രൗൺ നിറത്തിൽ പൊള്ളങ്ങൾ വന്നു തുടങ്ങിയാൽ അടുപ്പിൽ നിന്നും എടുത്തു മാറ്റുക.

ബാക്കി മാവും ഇതുപോലെ ചുട്ടെടുക്കുക. ഇഷ്ടമുള്ള ഏതെങ്കിലും കറി  കൂട്ടി കഴിക്കാം.

 

Thenga vada

ആവശ്യമുള്ള സാധനങ്ങൾ:

പച്ചരി                                     : 2 കപ്പ് 

തേങ്ങ                                    : ഒരെണ്ണം ചിരകിയത് 

എള്ള്                                     : ഒരു ടീസ്പൂൺ 

ജീരകം                                  : ഒരു ടീസ്പൂൺ 

ഉപ്പ് ആവശ്യത്തിന്

എണ്ണ    വറുക്കാൻ ആവശ്യത്തിന് 

ചെയ്യുന്ന വിധം :

പച്ചരി ഒരു മണിക്കൂർ നേരത്തേക്ക് കുതിരാനിടുക. തേങ്ങ ചിരവി വെക്കുക.

അരി കുതിർന്ന ശേഷം അരിയും തേങ്ങയും  ഉപ്പും കൂടി നന്നായി അരക്കുക. വെള്ളം അധികം ചേർത്തരുത്. മാവ് അല്പം കട്ടിയായിരിക്കണം. അതുകൊണ്ട് അരക്കൻ ആവശ്യത്തിനു മാത്രം വെള്ളം ചേർക്കുക.

ഈ അരച്ച മാവിൽ  ജീരകവും എള്ളും ചേർത്തി നന്നായി mix ചെയ്തു വെക്കുക.

ഒരു നല്ല തുണി വിരിച്ചു ഒരു നെല്ലിക്ക വലുപ്പത്തിൽ മാവെടുത്തു  കൈകൊണ്ടു നന്നായി വട്ടത്തിൽ ഘനമില്ലാതെ പരത്തുക.   തുണിക്കു പകരം ഒരു പ്ലാസ്റ്റിക് ഷീറ്റായാലും മതി.

ഒരു ചീനച്ചട്ടിയിൽ വറുക്കാൻ ആവശ്യത്തിന് എണ്ണ ചൂടാവാൻ വെക്കുക. നന്നായി ചൂടായാൽ മെല്ലെ ഓരോന്നായി എണ്ണയിൽ ഇട്ടു വറുത്തെടുക്കുക. ഒരു പ്രാവശ്യം മൂന്നോ നാലോ എണ്ണം ഇട്ടു വറക്കാം. എണ്ണ മീഡിയം ചൂടിൽ വറുക്കുന്നതാണ് നല്ലത്. കരിഞ്ഞുപോവരുത്, ഇളം ബ്രൗൺ നിറം വരുമ്പോൾ എണ്ണയിൽ നിന്ന് കോരിയെടുക്കാം. 

വൈകുന്നേരം കഴിക്കാൻ പറ്റിയ സ്വാദുള്ള ഒരു snack ആണ്.

Paper Roast

ആവശ്യമുള്ള സാധനങ്ങൾ:

• ദോശ മാവ്                       : 2 കപ്പ്  (Click here  to check how to make dosa batter)
• എണ്ണ അല്ലെങ്കിൽ നെയ്‌   : 2 ടേബിൾസ്പൂൺ 

 

ചെയ്യുന്ന വിധം:

• ദോശമാവ് നന്നായി ഇളക്കി ( മാവ് ഒരുപാട്  വെള്ളം പോലെ ആവരുത്, നല്ല കട്ടിയും ആവരുത് ) വെക്കുക.
• ഒരു ദോശ തവ ചൂടാക്കി ഒരു കയിൽ മാവെടുത്തു തവയുടെ നടുവിൽ ഒഴിച്ച് കയിലിന്റെ അടിഭാഗം കൊണ്ട് ഘനമില്ലാതെ പരത്തുക. ചുറ്റും എണ്ണയോ നെയ്യോ തൂവിക്കൊടുക്കുക. 

 

• കുറേശ്ശേ നിറം മാറിത്തുടങ്ങി മൊരിയുമ്പോൾ ഒരു ഓരത്തു നിന്നും മെല്ലെ മടക്കുക.  തേങ്ങാചട്ണി കൂട്ടി കഴിക്കാം.
  

Wheat Parotta

ആവശ്യമുള്ള സാധനങ്ങൾ :

• ഗോതമ്പുപൊടി                             : 2 കപ്പ് 
• ഉപ്പ് ആവശ്യത്തിന് 
• ചെറുചൂടുള്ള വെള്ളം ആവശ്യത്തിന് 
• എണ്ണ                                            : ഒരു ടേബിൾസ്പൂൺ 

ചെയ്യുന്ന വിധം :

• ഗോതമ്പുപൊടി എടുത്തു ആവശ്യത്തിന് വെള്ളവും ഉപ്പും ചേർത്തി സാധാരണ ചപ്പാത്തിക്ക് കുഴക്കുന്നത് പോലെ കുഴച്ചു വെച്ച് എണ്ണ തടവി കുറച്ചു സമയം മൂടിവെക്കുക.
• ചെറുനാരങ്ങാവലുപ്പത്തിൽ ഒരു ഉരുള മാവ് ഇതിൽ നിന്നും എടുത്തു പരത്തി മേലെ എണ്ണയും അല്പം ഗോതമ്പുപൊടിയും തൂവി ഒരു അറ്റത്തു നിന്നും മടക്കി (ഞൊറിയുന്നതു പോലെ) വട്ടത്തിൽ മടക്കി വെക്കുക.

•   ഇനി സാധാരണ ചപ്പാത്തി പരത്തുന്ന പോലെ പരത്തുക.

• ദോശ തവ ചൂടാക്കി അതിൽ പരത്തിയ പൊറോട്ട  ഇട്ടു തിരിച്ചും മറിച്ചും ഇട്ട് ചുടുക.  

 

• ഇതുപോലെ ബാക്കി കുഴച്ചുവെച്ച മാവു കൊണ്ട് ചുട്ടെടുക്കുക.
• നല്ല ചിക്കൻ കറിയോ അല്ലെങ്കിൽ ഇഷ്ടപ്പെട്ട എന്തെങ്കിലും കറിയുടെ കൂടെ കഴിക്കാൻ നന്നായിരിക്കും.

Jeeraka Kanji

ആവശ്യമുള്ള സാധനങ്ങൾ :

• ജീരകശാല അരി                         : 1/2 കപ്പ് 
• തേങ്ങ  ചിരവിയത്                      : 1/2 കപ്പ് 
• ജീരകം                                        : 1/2 ടീസ്പൂൺ 
• ചെറിയ ഉള്ളി                               : 5 എണ്ണം 
• നെയ്യ്                                           : 2 ടീസ്പൂൺ 
• മഞ്ഞപ്പൊടി                                 : 1/4 ടീസ്പൂൺ 
• ഉപ്പ് ആവശ്യത്തിന്

 

ചെയ്യുന്ന വിധം:

• ജീരകശാല അരി നന്നായി കഴുകി ആവശ്യത്തിന് വെള്ളവും മഞ്ഞപ്പൊടിയും ചേർത്ത് വേവിക്കാൻ വെക്കുക.
• തേങ്ങയും ജീരകവും 3 ഉള്ളിയും ചേർത്തി അരക്കുക.
• കഞ്ഞി വെന്താൽ ഈ അരച്ച് വെച്ച തേങ്ങയും ഉപ്പും ചേർത്തി ഒരു രണ്ടു മിനിട്ടു കൂടി വേവിക്കുക. വെള്ളം പോരെങ്കിൽ അല്പം കൂടി ചേർക്കണം.
• കഞ്ഞി വെന്ത ശേഷം അടുപ്പിൽ നിന്നും മാറ്റുക.
• ഒരു ചീനച്ചട്ടിയിൽ നെയ്യ് ചൂടാക്കി  ബാക്കി ഉള്ളി ചെറുതായി അരിഞ്ഞതും ചേർത്തി മൂപ്പിച്ചു കഞ്ഞിയിൽ ചേർക്കുക.
• ജീരകക്കഞ്ഞി റെഡി ആയി... നല്ല സ്വാദുള്ള കഞ്ഞിയാണിത്. ഒന്നും കൂടാതെ തന്നെ ഈ കഞ്ഞി കുടിക്കാൻ നല്ല സ്വാദുണ്ടാവും. വേണെങ്കിൽ പപ്പടം, അച്ചാർ അല്ലെങ്കിൽ ഉപ്പേരി എന്തെങ്കിലും കൂട്ടി കഴിക്കാവുന്നതാണ്.

Then mittai / Honey candy

aavsyamulla സാധനങ്ങൾ 

• അരി                                 : 1 കപ്പ് 

• ഉഴുന്ന്  തോലില്ലാത്തത്      : 1/4 കപ്പ് 

• ഓറഞ്ച് കളർ                     : 1/8 ടീസ്പൂൺ

• ബേക്കിംഗ് സോഡാ          : ഒരു നുള്ള് 

• വറുക്കാൻ വേണ്ട എണ്ണ  

• പഞ്ചസാര

ചെയ്യുന്ന വിധം 

• ഉഴുന്നും അരിയും ഒരുമിച്ചു വെള്ളത്തിലിട്ടു 2 മണിക്കൂർ കുതിർത്തിയ ശേഷം അരക്കുക.
• ഒരുപാടു വെള്ളം ചേർക്കണ്ട, ഇടത്തരം അയവു മതി. ഒരല്പം ഉപ്പു വേണമെങ്കിൽ  ചേർത്തി നന്നായി ഇളക്കണം.
• പഞ്ചസാര അല്പം വെള്ളം ചേർത്തി  ഒരു രണ്ടു മിനിട്ടു തിളപ്പിക്കുക.  പാവാക്കണ്ട ആവശ്യമില്ല, പക്ഷെ സിറപ്പ് ആവണം.
• എണ്ണ ഒരു പാനിൽ ചൂടാക്കാൻ വെക്കുക.  മിതമായി   ചൂടായാൽ കൈ വെള്ളത്തിൽ നനച്ചു   കുറേശ്ശേ മാവെടുത്തു ഓരോ ചെറിയ ഉരുളകളാക്കി  എണ്ണയിൽ ഇട്ടു  വറുക്കുക. വറുത്ത ഉരുളകൾ സിറുപ്പിൽ ഇട്ടു ഒരു പത്തുമിനിറ്റ് ഇട്ടുവെക്കുക. ഒന്നിളക്കി കൊടുക്കണം. സിറപ്പ് ഇളം ചൂടുണ്ടാവണം.
•  സിറപ്പിൽ നിന്നും കോരിയെടുത്തു അല്പം പഞ്ചസാര മേലെ തൂവുക.
• നല്ല സ്വാദുള്ള തേൻ മിട്ടായി റെഡി ആയി! 

Chama/Samai Idli

ചാമ ഇഡ്ഡലി

ആവശ്യമുള്ള സാധനങ്ങൾ :

• ചാമ അരി                             : ഒരു കപ്പ് 

• ഉഴുന്ന്                                   : 1/4  കപ്പ് 

• അവിൽ (optional)               : 1/4 കപ്പ് 

• ഉപ്പ് ആവശ്യത്തിന് 

ചെയ്യുന്ന വിധം :

• ചാമ അരിയും  ഉഴുന്നും വേറെ വേറെ വെള്ളത്തിൽ  ഒരു മണിക്കൂർ കുതിരാനിടുക. 

• കുതിർന്ന ശേഷം സാധാരണ അരിയുടെ ഇഡ്ഡലിക്കു അരക്കുന്നപോലെ തന്നെ അരച്ച് ഉപ്പും ചേർത്തി കലക്കി ആറു മണിക്കൂർ പൊങ്ങി വരുന്നത് വരെ വെക്കുക. രാത്രി അരച്ചുവെച്ചു രാവിലെ ഇഡ്ഡലി ഉണ്ടാക്കിയാൽ നന്നായിരിക്കും. 
• അവിൽ അരമണിക്കൂർ കുതിർത്തി അരിയുടെ ചേർത്തി അരക്കാവുന്നതാണ് . ഇഡ്ഡലി soft ആവാനാണ് അവിൽ ചേർക്കുന്നത്. അവിൽ ചേർക്കാതെ അരച്ചാലും ഇഡ്ഡലി നന്നായിട്ടുണ്ട്.
• രാവിലെ ഒന്നുകൂടി കലക്കിയ ശേഷം ഇഡ്ഡലിത്തട്ടിൽ ഒഴിച്ച് ഇഡ്ഡലിയുണ്ടാക്കുക.

തേങ്ങ ചട്ണിയും കൂട്ടി കഴിക്കാൻ നന്നായിരിക്കും. ചട്ണിയല്ലെങ്കിൽ സാമ്പാറോ സമ്മന്തിയോ ഏതു വേണമെങ്കിലും കൂട്ടി കഴിക്കാം. സാധാരണ ഇഡ്ഡലി പോലെ തന്നെ സ്വാദുള്ളതാണ്.

Potato chana curry

ആവശ്യമുള്ള സാധനങ്ങൾ :

• ഉരുളക്കിഴങ്ങു്                          : ഒരെണ്ണം 

• വെള്ളക്കടല                           : ഒരു പിടി 

• ഉള്ളി                                     : ഒരു വലുത് 

• തക്കാളി                                 : ഒരെണ്ണം   

• പച്ചമുളക്                               : ഒരെണ്ണം 

• ഇഞ്ചി                                    : ഒരിഞ്ചു കഷ്ണം 

• വെളുത്തുള്ളി                           : 2 അല്ലി 

• മുളകുപൊടി                            : ഒരു ടീസ്പൂൺ 

• മല്ലിപ്പൊടി                             : 2 ടീസ്പൂൺ 

• മഞ്ഞപ്പൊടി                          : 1/8 ടീസ്പൂൺ 

• ഉപ്പ്  ആവശ്യത്തിന് 

• കസൂരി മേത്തി                       : ഒരല്പം 
• എണ്ണ                                    : 2 ടേബിൾസ്പൂൺ 
• മല്ലിയില അരിഞ്ഞത്             : ഒരു സ്പൂൺ

ചെയ്യുന്ന വിധം :

• വെള്ളക്കടല തലേ ദിവസം രാത്രി വെള്ളത്തിൽ ഇട്ടു കുതിർത്ത ശേഷം വേവിച്ചു വെക്കുക. പാതി വെന്ത ശേഷം ഉപ്പ് ചേർത്തി വീണ്ടും മൃദുവായി വേവിച്ചു വെക്കുക.
•  ഉരുളക്കിഴങ്ങു് വേവിച്ചു വെക്കുക.
• ഉള്ളി ചെറുതായി അരിഞ്ഞു വെക്കുക.
• ഇഞ്ചിയും വെളുത്തുള്ളിയും കൂടി ചതച്ചു വെക്കുക.
• ഒരു പാനിൽ എണ്ണ ചൂടാക്കി ഇഞ്ചിവെളുത്തുള്ളി ചതച്ചതു ചേർത്തി ഒന്നു വഴറ്റി ഇതിൽ ഉള്ളി അരിഞ്ഞതു ചേർത്തി വഴറ്റിയ ശേഷം തീ കുറച്ചു മുളകുപൊടിയും മല്ലിപൊടിയും മഞ്ഞപ്പൊടിയും ചേർത്തിളക്കി പച്ചമണം മാറുമ്പോൾ തക്കാളി അരിഞ്ഞത് ചേർത്തി വഴറ്റുക. ഇതിൽ വേവിച്ചു വെച്ച കടലയും വേവിച്ച ഉരുളക്കിഴങ്ങു പുഴുങ്ങിയത് ഒന്നു ചെറുതായി ഉടച്ചു അതും ചേർത്തി ആവശ്യത്തിന് ഉപ്പും ഇട്ടു നന്നായി ഇളക്കുക. കറിക്കാവശ്യമുള്ളതനുസരിച്ചു അല്പം വെള്ളം ചേർത്തുകൊടുക്കാം. അൽപ നേരം കൂടി അടുപ്പിൽ വെച്ച് എല്ലാം ചേർന്ന പരുവത്തിൽ ഇറക്കി വെക്കുക. ഇറക്കും മുൻപ് അല്പം കസൂരി മേത്തി കൈകൊണ്ടു പൊടിച്ചു ചേർക്കുക.

•  വിളമ്പുന്ന പാത്രത്തിലേക്കു മാറ്റുക. മേലെ ചെറുതായി മല്ലിയില അരിഞ്ഞു തൂവുക.

            ചപ്പാത്തിക്കു പറ്റിയ ഒരു കറിയാണിത് .!

Carrot Idli

ആവശ്യമുള്ള സാധനങ്ങൾ 

• ഇഡ്ഡലി മാവ്                                  : 2 കപ്പ്

• കാരറ്റ്                                            : ഒരെണ്ണം വലുത് 

• പച്ചമുളക്                                       :  ഒരു ചെറുത് 

• എണ്ണ  ഒരല്പം 

ചെയ്യുന്ന വിധം 

• കാരറ്റ്  കഴുകി ചെറിയ കഷ്ണങ്ങളാക്കി മുറിച്ചു  മിക്സിയിൽ അരച്ചുവെക്കുക.  
• ഈ അരച്ച കാരറ്റ്  മാവിൽ ചേർത്തി നന്നായി കലർത്തി വെക്കുക.
• ഇഡ്ഡലിത്തട്ടെടുത്തു  ഒരല്പം എണ്ണ  തടവി  വെക്കുക.
• കാരറ്റ് ചെറിയ വട്ട കഷ്ണങ്ങളായി മുറിച്ചു വെക്കുക. തട്ടിൽ ആദ്യം ഓരോ കഷ്ണം കാരറ്റ്  വെക്കുക.
• ഇനി ഓരോ കൈയിൽ മാവെടുത്തു തട്ടിലേക്ക് ഒഴിക്കുക.

• ഇനി ഇത്  ഇഡ്ഡലി പാത്രത്തിൽ വേവാൻ വെക്കുക. 

• വെന്ത ശേഷം ഇഡ്ഡലി തട്ടിൽ നിന്നും മാറ്റിയെടുത്തു  കിണ്ണത്തിൽ  വെക്കുക. 
• നല്ല soft ആയ ഭംഗിയുള്ള കാരറ്റ് ഇഡ്ലി റെഡി!!
•  ഇഷ്ടമുള്ള ചുട്ണിയോ  ചമ്മന്തിയോ ഏതെങ്കിലും  കൂട്ടി കഴിക്കാവുതാണ്.

Bread pokoda

ആവശ്യമുള്ള സാധനങ്ങൾ :

• ബ്രെഡ്  കഷ്ണങ്ങൾ                    : 3 എണ്ണം 

• വലിയ ഉള്ളി                             : 1 

• പച്ചമുളക്                                  : ഒരെണ്ണം 

• മല്ലിയില  അരിഞ്ഞത്               : കാൽ   കപ്പ് 

•  എണ്ണ  വറുക്കാൻ ആവശ്യത്തിന് 

ചെയ്യുന്ന വിധം :

• ബ്രെഡ് കഷ്ണങ്ങൾ കൈ കൊണ്ട് പൊടിച്ചുവെക്കുക.
• ഉള്ളിയും പച്ചമുളകും മല്ലിയിലയും ചെറുതായി അരിഞ്ഞു ബ്രെഡിൽ നന്നായി കലർത്തി വെക്കുക.
• ഒരു ചീനച്ചട്ടിയിൽ എണ്ണ ചൂടാക്കിയ ശേഷം ഈ കലർത്തി വെച്ചതിൽ നിന്നും കുറേശ്ശേ എടുത്തു എണ്ണയിൽ ഇട്ട് ബ്രൗൺ നിറത്തിൽ വറുത്തു കോരുക. നല്ല ഒരു നാലുമണി പലഹാരമാണ്.

 

Paal Payasam in pressure cooker

ആവശ്യമുള്ള സാധനങ്ങൾ:

• പൊടിയരി  (മട്ട)                   : ഒരു പിടി 
• പാൽ                                   : ഒരു ലിറ്റർ 
• വെള്ളം                                : 1/2  കപ്പ് 
• പഞ്ചസാര                            : 1 കപ്പ് 
• ഏലക്ക പൊടി                     : ഒരു നുള്ള് 

ചെയ്യുന്ന വിധം :

• അരി നന്നായി കഴുകി വെക്കുക.  അരിയും പാലും. വെള്ളവും, പഞ്ചസാരയും എല്ലാം കൂടി ഒരു വലിയ പ്രഷർ കുക്കറിൽ ഇട്ടു ഇളക്കിയ ശേഷം സ്റ്റവ് കത്തിച്ചു ചെറുതീയിൽ 30 മിനിട്ടു വെച്ച ശേഷം തീ ഓഫ് ചെയ്യുക. കുക്കർ ആറിയ ശേഷം തുറന്ന് ഇളക്കി ഏലക്ക പൊടി ചേർത്തി വിളമ്പുന്ന പാത്രത്തിലേക്കു മാറ്റുക. നല്ല പാൽ പായസം റെഡി!